ŊWED MME PSALM 74:3 - Edisana ñwed Abasi Ibom

³ Menere ikpat fo di se nsinsi ŋwure; kpukpru se mme asua ebiatde ke edisana ufɔk.

ŊWED MME PSALM 74:3 ပူးပေါင်းရင်းမြစ်များ

2 NDIDEM 25:9

ndien enye ɔfɔp ufɔk Jehovah, ye ufɔk edidem, ye kpukpru ufɔk Jerusalem, ye kpukpru ikpɔ ufɔk ke enye ɔfɔp ke ikaŋ.

NEHEMIAH 1:3

Ndien mmɔ edɔhɔ mi, ete, Mme mmɔ oro eketode ke itie ntaŋ-mfep esuhɔ ko ke province, ke etie ke akwa ukut, ye ke esuene: ibibene Jerusalem onyuŋ owure, itim esie ema enyuŋ eta ikaŋ.

NEHEMIAH 2:13

Ndien nsaŋa ke okoneyo ke inua-otop ebedeŋ ŋwɔrɔ ŋka ke iso obube mmɔŋ dragon, ye ke inua-otop ifum, ndien ntim nse ibibene Jerusalem emi owurede, mme itim esie enyuŋ eta ikaŋ.

NEHEMIAH 2:3

ami nnyuŋ ndɔhɔ edidem, nte, Yak edidem akam odu uwem ke nsinsi: ke didie ke iso mikpɔfuhɔke mi ke ini obio emi edide ebiet udi mme ete mi edide ndon, mme itim esie ema enyuŋ eta ikaŋ?

ŊWED MME PSALM 44:23

O Ɔbɔŋ, men idem, nsinam afo edede idap? Demere, kuduɔk nnyin ke nsinsi.

ŊWED MME PSALM 44:26

Daha ke enyɔŋ di nyaŋa nnyin, nyuŋ fak nnyin baŋa ima fo.

ŊWED MME PSALM 79:1

O ABASI, mme idut emeduk ke udeme fo; mmɔ emebiat edisana temple fo; emenim Jerusalem ke ibombom.

ISAIAH 10:6

Nyedɔŋ enye utom ke oburobut idut, nnyuŋ ntobo enye etop nnɔ mbio iyaresit mi, nte enye obume mbume, onyuŋ owo ŋwo, onyuŋ onim mmɔ ke se edigide nte mbat efak.

ISAIAH 25:10

Koro ubɔk Jehovah eyesuk ana ke obot emi, eyenyuŋ edigi Moab ke itie esie, kpa nte edigide nnyanyaŋa ke mmɔŋ ebube ifum.

ISAIAH 61:4

Ndien mmɔ eyebɔp ŋwure ebiet eset, eneŋere akani nsobo, eyenyuŋ ediɔŋ mme obio eke ebiarade, mme nsobo ediwak emana.

JEREMIAH 52:13

ndien ɔfɔp ufɔk Jehovah ye ufɔk edidem; onyuŋ ɔfɔp kpukpru mme ufɔk Jerusalem, ye kpukpru ikpɔ ufɔk ke ikaŋ.

ŊWED ESEME 1:10

Asua ama anyan ubɔk esie otuk kpukpru ŋkpɔ uto esie: ŋkɔm enye ama okut nte mme idut edukde ke edisana ebiet esie, kpa mme idut emi afo okowukde, ete edukde ke edisana ebiet esie, kpa mme idut emi afo okowukde, ete ekuduk ke esop fo.

DANIEL 11:31

Ndien ubɔk eyeto enye ke idem edaha eda, enyuŋ esabare edisana ebiet odudu, enyuŋ esio nsinsi uwa efep, enyuŋ enim mbubiam ŋkpɔ eke osobode.

DANIEL 9:17

Ke emi, ndien, O Abasi nnyin, kop mkpe-ubɔk owo fo ye eseme esie, nyuŋ yak iso fo ayama ɔnɔ edisana ebiet fo emi abiarade, ke abaŋa Ɔbɔŋ.

DANIEL 9:27

Enye eyenyuŋ ɔsɔŋɔ onim ediomi ɔnɔ ediwak owo ke urua kiet; ndien ke ufɔt urua enye eyenam uwa ye inuak-udia etre: ndien andisobo eyedoro ke ibuot ŋkpɔ mbubiam: tutu enyuŋ eda se enamde ema enyuŋ ewukde, eŋwaŋa andisobo ke idem.

MICAH 1:3

Koro, sese, Jehovah ke oto ke ebiet esie, eyenyuŋ ɔsuhɔre, onyuŋ edigi edikoŋ ebiet isɔŋ.

MICAH 3:12

Mmɔdo eyefuŋ Zion nte iŋwaŋ ebaŋa mbufo, Jerusalem eyenyuŋ akabare edi ibombom ŋko, obot ufɔk emi eyenyuŋ akabare edi ŋkokoŋo ebiet akai.

MARK 11:17

Ndien Enye ekpep onyuŋ ɔdɔhɔ mmɔ ete, Nte iwetke ite, ufɔk Mi eyekere ete, ufɔk akam kpukpru mme idut? Edi mbufo emanam enye akabare edi itie mbon-ŋwo.

LUKE 21:24

Ndien mmɔ eyeduɔŋɔ ke iso ofut, eyenyuŋ etaŋ mmɔ nte mbuot-ekɔŋ eka ke kpukpru mme idut; ndien mme Gentile eyedigi Jerusalem ke ikpat, tutu ini mme Gentile ɔyɔhɔ.

JOSHUA 10:24

Edikem ke mmɔ ema ekesio mbɔŋ oro eda esɔk Joshua, Joshua okot kpukpru owo Israel edi, onyuŋ ɔdɔhɔ mme etubom mbon-ekɔŋ emi esaŋade ye enye, ete, Mbufo esaŋa ekpere, enyuŋ eda ukot mbufo edori mbɔŋ emi ke itɔŋ. Ndien mmɔ esaŋa ekpere, enyuŋ eda ukot mmɔ edori mmɔ oro ke itɔŋ.

ERIYARARE 11:2

Edi sio okure emi odude ke edem temple fep, kunyuŋ udomo enye oro, koro ema eyak enye enɔ mme idut; mmɔ eyenyuŋ edigi edisana obio ke ikpat ke ɔfiɔŋ aba ye iba.