ŊWED MME PSALM 7:9 - Edisana ñwed Abasi Ibom

⁹ Mbɔk, nam idiɔk ido mme idiɔk owo etre, nyuŋ nam edinen owo ɔsɔŋ ada: afo, edinen Abasi, onyuŋ odomo esit ye ekput.

ŊWED MME PSALM 7:9 ပူးပေါင်းရင်းမြစ်များ

GENESIS 20:5

enende ŋko? Nte enye ikɔdɔhɔke mi ite, Enye edi eyen eka imɔ aŋwan? Ŋwan ke idem esie onyuŋ ɔdɔhɔ ete, Enye edi eyen eka imɔ eren: mmanam ŋkpɔ emi ke eti esit, ye ke edisana

1 NDIDEM 8:32

ndien afo tie ke enyɔŋ kop, nyuŋ nam, nyuŋ kpe ikpe ikɔt fo, nyuŋ bat idiɔk owo ke idiɔk, nyuŋ da ido esie dori enye ke ibuot; nyuŋ bat edinen ke edinen, nyuŋ nɔ enye nte edinen ido esie ekemde.

1 CHRONICLES 28:9

Ndien afo Solomon eyen mi, fiɔk Abasi usɔ, nyuŋ nam ŋkpɔ esie ke ofuri esit, ye ke ima ukpɔŋ: koro Jehovah ɔduŋɔde kpukpru esit owo, onyuŋ otim ɔfiɔk kpukpru se ekikere obotde: afo ama oyom enye, eyekut enye; edi ama ɔkpɔŋ enye, enye eyemen fi ɔduɔk tutu amama.

ŊWED MME PSALM 10:15

Buŋ idiɔk owo ubɔk: ama edi oburobut owo, afo eyeyom idiɔk ido esie, ndien udukwe enye.

ŊWED MME PSALM 10:18

man afo ekpe ikpe eyen-akpa ye eyen-ukut; owo eke otode ke ntan-isɔŋ iditɔŋɔke aba ntak isin mmɔ ndik.

ŊWED MME PSALM 11:5

Jehovah odomo edinen owo: ndien ama edi idiɔk owo, ye owo eke amade afai, ukpɔŋ esie asua mmɔ.

ŊWED MME PSALM 139:1

O JEHOVAH, afo ɔmɔduŋɔ mi, omonyuŋ ɔfiɔk.

ŊWED MME PSALM 17:3

Afo omodomo esit mi; emese mi ke okoneyo; omodomo mi; ukwe ŋkpɔ; inua mi ibehe ekikere mi.

ŊWED MME PSALM 18:21

Koro mmekpeme usuŋ Jehovah, nnyuŋ ŋkpɔŋke Abasi mi nnam idiɔk.

ŊWED MME PSALM 26:2

O Jehovah, domo mi, nyuŋ se mi; duŋɔ ekput mi ye esit mi.

ŊWED MME PSALM 35:23

Men idem, nyuŋ demere kpe ikpe mi, O Abasi mi, ye Ɔbɔŋ mi, biere ikɔ mi.

ŊWED MME PSALM 37:23

Jehovah otim onim ikpat (eti) owo, onyuŋ amama usuŋ esie.

ŊWED MME PSALM 40:2

Onyuŋ emenere mi osio ke obube nsobo, osio ke okpuk, onyuŋ odori ukot mi ke akwa itiat; enye owuk ikpat isaŋ mi.

ŊWED MME PSALM 43:1

KPE ikpe mi, O Abasi, nyuŋ tɔhɔ utɔk mi ye idut emi mimaŋa Abasi: afo eyesio mi ke ubɔk owo abiaŋa ye ŋkwaŋa.

ŊWED MME PSALM 44:21

nte Abasi ididuŋɔke emi? koro enye ɔfiɔkde ndibeŋkpɔ esit owo.

ŊWED MME PSALM 58:6

O Abasi, nuak mmɔ edet ke inua: O Jehovah, bom akwa edet mkparawa lion.

ŊWED MME PSALM 9:9

Ndien Jehovah eyedi ebiet ubɔhɔ mmɔ eke owo etukde, ebiet ubɔhɔ ke ini nnaneyin.

ŊWED MME PSALM 96:10

Mbufo edɔhɔ ke otu mme idut, ete, ke Jehovah edi edidem: ererimbot onyuŋ ɔsɔŋ ada, idisehekede: enye eyekpe mme idut nte enende.

ŊWED MME PSALM 96:13

Koro enye edide; koro enye edide ndikpe ikpe ererimbot: enye eyekpe ekondo ke edinen ido, ye mme idut ke akpanikɔ esie.

ŊWED MME PSALM 98:9

ke iso Jehovah; koro enye edide ndikpe ererimbot: enye eyekpe ekondo ke eti ido, ye mme idut nte enende.

JEREMIAH 11:20

Edi O Jehovah mme udim, emi ekpede edinen ikpe, odomo nsia ye esit, nyekut nte afo osiode usiene ye mmɔ: koro mmayarade ikɔ mi nnɔ fi.

JEREMIAH 17:10

Ami Jehovah nduŋɔre esit, ndomo ŋkpɔ esit idem, man nnɔ kpukpru owo nte ekemde ke usuŋ mmɔ, ye nte ekemde ke mfri utom mmɔ.

JEREMIAH 20:12

Ndien, O Jehovah mme udim, emi odomode edinen owo, onyuŋ okutde ekput ye esit, yak ŋkut usiene eke afo edisiode ye mmɔ: koro mmayarare ikɔ mi nnɔ fi.

DANIEL 11:45

Ndien enye eyewuk mme tent ebiet-iduŋ esie ke ufaŋ mme inyaŋ ke ediye ye edisana obot; ndien enye eyesim utit esie, baba owo kiet eke anyaŋade enye iduhe.

UTOM MME APOSTLE 12:23

Edi idaha oro angel Ɔbɔŋ ɔtɔ enye, koro enye minɔŋɔ Abasi ubɔŋ: ndien ndɔŋ eta enye, enye onyuŋ akpa.

ŊWED MBON ROME 16:25

Enɔ Enye, emi ekemede ndinam mbufo esɔŋɔ eda, nte gospel mi ye erikwɔrɔ emi ŋkwɔrɔde mbaŋa Jesus Christ etemede; nte asaŋade ekekem ye eriyarare ndibe-ŋkpɔ, emi okodibede ke nsinsi eyo, edi ke emi akayararede;

1 ŊWED THESSALONICA 3:13

man oto do Enye anam esit mbufo enyene iwuk onyuŋ anana ndo ke edisana ido ke iso Abasi ye Ete nnyin, ke ini Ɔbɔŋ nnyin Jesus edidide ye kpukpru nti ikɔt Esie.

1 PETER 5:10

Ndien Abasi kpukpru mfɔn, emi okokotde mbufo ete ediduk ke nsinsi ubɔŋ Imɔ ke Christ, ke ini mbufo ema ekut ukut ke ekpri ini, eyenam mbufo efɔn ema, enyuŋ esɔŋɔ eda, enyuŋ ekop idem.

JUDE 1:1

JUDAS emi edide owo Jesus Christ, ye eyen-eka James ewet ŋwed emi ɔnɔ esɔk mmɔ emi ekekotde, emi Abasi Ete amade, emi enyuŋ ekpemede mmɔ enɔ Jesus Christ.

ERIYARARE 2:23

nyenyuŋ nda mkpa ŋwot nditɔ esie; ndien kpukpru mme ufɔk Abasi eyefiɔk ete ke Ami ndi Andiduŋɔre ekput ye esit; nyenyuŋ nnɔ kpukpru mbufo kiet kiet nte ekemde ye utom mbufo.

1 SAMUEL 16:7

Edi Jehovah ɔdɔhɔ Samuel, ete, Kuse enye iso, kunyuŋ use nte enye okoŋde idaha; koro mmesin enye: koro (mmensehe) nte owo esede; koro owo esede enyin, edi Jehovah ese esit.

1 SAMUEL 2:9

Enye eyekpeme ukot mbon ima esie, mme idiɔk owo eyenyuŋ edobo ke ekim: koro midige ke odudu ke owo ɔsɔŋ idem.