ŊWED MME PSALM 7:8 - Edisana ñwed Abasi Ibom

⁸ Jehovah eyekpe ikpe kpukpru owo: domo mi, O Jehovah, nte ekemde ye eti ido mi, ye mfɔn-mma mi emi ofukde mi ke idem.

ŊWED MME PSALM 7:8 ပူးပေါင်းရင်းမြစ်များ

GENESIS 18:25

Nsa fo O! Ndinam ntem, ndiwot mmɔ eke enende ye mmɔ eke minenke: mmɔ eke enende ndinyuŋ ntie nte mmɔ eke minenke, nsa fo O! Nte Ebierikpe ofuri ererimbot idinamke se inende?

GENESIS 31:53

ndinam idiɔk. Abasi Abraham, ye Abasi Nahor, Abasi ete mmɔ, osuk ekpe ikpe ke ufɔt nnyin. Ndien Jacob otomo Enye emi

2 CHRONICLES 20:12

O Abasi nnyin nte afo udukpehe ikpe ye mmɔ? koro nnyin minyeneke odudu ke iso akwa otu owo emi edide ndiŋwana ekɔŋ ye nnyin? nnyin inyuŋ ifiɔkke se nnyin idinamde: edi nnyin idori enyin ye afo.

ŊWED MME PSALM 11:4

Jehovah odu ke edisana temple esie, ebekpo Jehovah odu ke enyɔŋ; enyin esie ese, mkpɔk eyin esie edomo nditɔ owo.

ŊWED MME PSALM 25:21

Mfɔn-mma ye eti ido eyekpeme mi; koro ntiede mbet fi.

ŊWED MME PSALM 26:1

KPE ikpe mi, O Jehovah, koro nsaŋade ke mfɔn-mma mi: mmonyuŋ mbuɔt idem ye Jehovah; ndifebekede.

ŊWED MME PSALM 26:11

Ndien ami nyesaŋa ke mfɔn-mma mi: fak mi, nyuŋ tua mi mbɔm.

ŊWED MME PSALM 41:12

Edi ama edi ami, afo omum mi akama ke mfɔnmma mi, onyuŋ ada mi onim ke iso fo ke nsinsi.

ŊWED MME PSALM 43:1

KPE ikpe mi, O Abasi, nyuŋ tɔhɔ utɔk mi ye idut emi mimaŋa Abasi: afo eyesio mi ke ubɔk owo abiaŋa ye ŋkwaŋa.

ŊWED MME PSALM 78:72

Ndien enye ada ofuri esit esie ɔbɔk mmɔ; eyenyuŋ akama mmɔ ke usɔ ubɔk esie.

ŊWED MME PSALM 82:1

ABASI ada ke esop ata mkpɔsɔŋ; ke otu mme ebierikpe ke enye ekpe ikpe.

ŊWED MME PSALM 9:8

Ndien edi enye edikpe ererimbot ke eti ido; edikpe mme obio nte enende.

ŊWED MME PSALM 96:13

Koro enye edide; koro enye edide ndikpe ikpe ererimbot: enye eyekpe ekondo ke edinen ido, ye mme idut ke akpanikɔ esie.

ŊWED MME PSALM 98:9

ke iso Jehovah; koro enye edide ndikpe ererimbot: enye eyekpe ekondo ke eti ido, ye mme idut nte enende.

MME ŊKE 19:1

UBUENE eke asaŋade ke mfɔn-mma esie, ɔfɔn akan owo ŋkwaŋa inua eke edide ndisime.

UTOM MME APOSTLE 17:31

koro Enye omonim usen eke Enye edikpede ikpe ɔnɔ ererimbot ke edinen ido, ke ubɔk Owo emi Enye ekemekde; Enye onyuŋ ada erinam emi Enye anamde Owo oro eset ke mkpa ayarare owut kpukpru owo ete edidi ntem.

2 ŊWED CORINTH 1:12

Koro mbure eke nnyin iburede edi emi, kpa ikɔ-ntiense emi esit nnyin etiŋde ete, nnyin ikasaŋa ke edisana ido ye akpanikɔ Abasi idu uwem ke ererimbot; isaŋake ke ikike eke obukidem, edi ke mfɔn Abasi; inyuŋ isaŋa ntem idu uwem ke otu mbufo ikan.

1 ŊWED THESSALONICA 2:10

Mbufo edi mme ntiense, Abasi onyuŋ etiene ese, adaŋa nte nnyin ikadade ido eke asanade, onyuŋ enende, onyuŋ ananade ndo idu uwem ye mbufo emi enimde ke akpanikɔ: