ŊWED MME PSALM 7:16 - Edisana ñwed Abasi Ibom

¹⁶ Ibak esie eyefiak ɔtɔ enye ke ibuot, afai esie eyenyuŋ ɔduɔ enye ke etiŋ-ibuot.

ŊWED MME PSALM 7:16 ပူးပေါင်းရင်းမြစ်များ

1 NDIDEM 2:32

Ntem ke Jehovah anam iyip esie afiak odoro enye ke ibuot, koro enye okokpokde owo iba emi enende, enyuŋ efɔnde ekan enye, okonyuŋ owotde mmɔ ke ofut, ke ini David ete mi mifiɔkke, kpa Abner eyen Ner, etubom mbon-ekɔŋ Israel, ye Amasa eyen Jether, etubom mbon-ekɔŋ Judah.

1 NDIDEM 21:19

Ntem ke Jehovah ɔdɔhɔ ete, Nte afo omowot, omonyuŋ ada ŋko? Nyuŋ dɔhɔ enye, ete, Ntem ke Jehovah ɔdɔhɔ, ete, Ke ebiet emi mme ebua edeide iyip Naboth, ke mme ebua edinyuŋ edei iyip fo ŋko-ŋko.

ESTHER 7:10

Ntre ke mmɔ eyiri Haman ke eto oro enye ekebemde onim ɔnɔ Mordecai. Ndien ikpahesit edidem ɔsuhɔ.

ESTHER 9:25

edi adaŋemi enye (Esther) odukde ke iso edidem, enye ɔdɔhɔ ke ŋwed, ete idiɔk ekikere oro enye ekekerede abaŋa mme Jew afiak odoro enye ke ibuot, ndien eyiri enye ye nditɔ-iren esie ke eto.

ŊWED JOB 4:8

Kpa nte ŋkokutde, mmɔ eke efuŋde idiɔk-ŋkpɔ enyuŋ etɔde ibak, edɔk suk oro.

ŊWED MME PSALM 141:10

Nam mme idiɔk owo eduɔŋɔ ke mukanda idem-mmɔ ini kiet, tutu ami mbɔhɔ.

ŊWED MME PSALM 35:8

Yak nsobo eke enye mifiɔkke osim enye: yak iyire esie emi enye odipde omum enye: yak enye ɔduɔ ke esit osobo.

ŊWED MME PSALM 36:12

Do ke mme abak-ibak eduɔŋɔ: etɔ mmɔ eduɔk ke isɔŋ, ndien mmɔ idikemeke ndidaha ke enyɔŋ.

ŊWED MME PSALM 36:4

Enye ana ke bed esie ekere abiaŋa; onim idem esie ke usuŋ eke midige eti; isuaha idiɔk.

ŊWED MME PSALM 57:7

Esit mi ɔmɔwuhɔ, O Abasi, esit mi ɔmɔwuhɔ: nyekwɔ ikwɔ, myuŋ ntoro.

ŊWED MME PSALM 9:16

enye ekpe ikpe; utom ubɔk idiɔk owo esike owo ke idem esie. Higgaion. Selah.

MME ŊKE 1:19

Mme usuŋ kpukpru mmɔ eke mbume ɔdɔŋde mmɔ, etie ntem; enye (mbume) ɔbɔ andinyene enye uwem.

MME ŊKE 26:27

Owo eke otibide obube eyeduɔ ke esit: ama akpat itiat, itiat eyefiak ɔtɔ enye.

ECCLESIASTES 10:8

Owo eke otibide obube, ekeme ndiduɔ ke esit; ndien owo ama owuri ɔkɔ, urukikɔt eyedom enye.

1 SAMUEL 23:9

Ekem David edifiɔk ete ke Saul ɔmɔŋ aduak imɔ idiɔk-ŋkpɔ ndinam: ndien enye ɔdɔhɔ Abiathar oku, ete, Da ephod di.

1 SAMUEL 26:10

David onyuŋ ɔdɔhɔ ete, Ma uwem Jehovah, Jehovah eyewot enye; mme ini mkpa esie eyedi; mme enye eyesuhɔre ke ekɔŋ, ndien atak.

1 SAMUEL 28:19

Jehovah eyenyuŋ ada Israel ŋko ye afo esin mme Philistine ke ubɔk: ndien mkpɔŋ afo ye nditɔ-iren fo eyedu ye ami: Jehovah eyenyuŋ ada mbon-ekɔŋ Israel esin mme Philistine ke ubɔk.