ŊWED MME PSALM 69:3 - Edisana ñwed Abasi Ibom

³ Eseme mi esin mi ŋkpa mba: itɔŋ amasat mi: enyin okim mi ke ini mbetde Abasi mi.

ŊWED MME PSALM 69:3 ပူးပေါင်းရင်းမြစ်များ

ŊWED JOB 11:20

Edi enyin mme idiɔk owo eyeyemere, ubɔhɔ eyetaha ɔnɔ mmɔ, ndien idorenyin mmɔ etie nte eriduɔk uwem.

ŊWED JOB 16:16

Iso mi omoyibe ke ntua-eyet, mfut mkpa onyuŋ odoro mi ke mkpɔk-enyin.

ŊWED MME PSALM 119:123

Enyin ekim mi ke eriyo erinyaŋa fo, ye ikɔ edinen ido fo.

ŊWED MME PSALM 119:82

Enyin akpa mi ke eriyom ikɔ fo, ete, ini ewe ke afo edidɔŋ mi esit?

ŊWED MME PSALM 22:15

Nsɔŋidem mi amasat nte mkpasip usiɔŋ; edeme mi adiana mi ke mbaŋ ŋko; afo eyenyuŋ ada mi esin ke ntan mkpa.

ŊWED MME PSALM 22:2

O Abasi mi, nseme ke uwemeyo, ndien afo uyereke; nseme ke okoneyo, ndien idige nte ndopde uyo.

ŊWED MME PSALM 25:21

Mfɔn-mma ye eti ido eyekpeme mi; koro ntiede mbet fi.

ŊWED MME PSALM 39:7

Ntie mbet nso, ndien? O Ɔbɔŋ, mmodori fi enyin mi.

ŊWED MME PSALM 40:3

Onyuŋ esin mi obufa ikwɔ ke inua, kpa itoro Abasi nnyin: ediwak owo eyekut, enyuŋ efehe ndik, enyuŋ ebuɔt idem ye Jehovah.

ŊWED MME PSALM 6:6

Mmakpa mba ke mmum mi; nyenam mbri mi ɔfiɔrɔ ke ofuri okoneyo; nyetara mkpana mi ke mmɔŋ eyet mi.

ŊWED MME PSALM 69:21

Ndien mmɔ enɔ etidot ke udia mi; enyuŋ enɔ mi vinegar ŋŋwɔŋ ke nsatitɔŋ mi.

ŊWED MME PSALM 88:7

Iyaresit fo omofuk mi, afo onyuŋ ada kpukpru aya fo efik mi. [Selah.]

ISAIAH 38:14

Kpa nte akaraŋ Abasi ye akpantana, kpa ntre ke nsioro uyo; nseme nte ibiom: enyin okim mi ke erise enyɔŋ: O Jehovah, ntie ke nnanenyin, tie ubiɔŋ nɔ mi.

ŊWED ESEME 2:11

Mmɔŋeyet ekwehe mi enyin, nsia oyomo mi, esit mi ɔduɔhɔ ke isɔŋ abaŋa ŋwure adiaha oruk mi; koro eyenɔwɔŋ ye eyen nsek ɔduɔde mba ke aŋwan obio.

JOHN 19:28

Ke ŋkpɔ emi ama ekebe, sia Jesus ɔfiɔkde ete kpukpru ŋkpɔ ekure, man se ewetde osu, Enye ɔdɔhɔ ete, Itɔŋ ke asat Mi.

DEUTERONOMY 28:32

Eyeda nditɔ-iren fo ye nditɔ-iban fo ɔnɔ idut efen, ndien afo eyedori mmɔ enyin fo ese, ofuri usen tutu akak: ndien ididuhe ke odudu ubɔk fo.

MME HEBREW 5:7

Ke mme usen emi Enye odude ke obukidem Enye ɔkɔbɔŋ akam onyuŋ anam mkpe-ubɔk ye ɔkpɔsɔŋ eseme ye mmɔŋ-eyet ɔnɔ Abasi emi ekemede ndinyaŋa Enye nsio ke mkpa, Abasi onyuŋ eyere Enye, koro Enye eteŋede Abasi;