ŊWED MME PSALM 68:2 - Edisana ñwed Abasi Ibom

² Afo eyesuan mmɔ kpa nte nsuŋikaŋ asuanade: kpa nte mbukpa ɔkwɔk atarade ke iso ikaŋ, eyesobo mme idiɔk owo ke iso Abasi.

ŊWED MME PSALM 68:2 ပူးပေါင်းရင်းမြစ်များ

2 SAMUEL 10:13

Ntre ke Joab ye mmɔ oro edude ye enye, esaŋa ekpere eduk ndiŋwana ye Syria: ndien mmɔ efeŋe ke iso esie.

2 SAMUEL 10:18

Ndien Syria efeŋe ke iso Israel; David onyuŋ owot mbio chariot Syria ikie itiaba, ye tɔsin mbon horse aba, onyuŋ ɔnɔ Shobach etubom mbon-ekɔŋ esie unan owot do.

ŊWED MME PSALM 22:14

Eŋwaŋa mi nte mmɔŋ; kpukpru mme ɔkpɔ mi efebede ŋko; esit mi atara nte mbukpa ɔkwɔk ke ufɔt nsia mi.

ŊWED MME PSALM 37:20

Koro eyesobo mme idiɔk owo, mme asua Jehovah eyenyuŋ ebiet ikpɔŋ nditɔ erɔŋ: mmɔ emesuana, emesuana nte nsuŋikaŋ.

ŊWED MME PSALM 76:7

Afo, kpa afo, emenyene ndik: ndien anie ekeme ndida fi ke iso, ke ini nte esit ayatde fi?

ŊWED MME PSALM 80:16

Mmɔ emefɔp enye ke ikaŋ; emekpi enye; nduari iso fo omosobo mmɔ.

ŊWED MME PSALM 97:5

Ikpɔ obot etara nte mbukpa ekwɔk ke iso Jehovah, ke iso Ɔbɔŋ ofuri ererimbot.

ISAIAH 33:3

Uyom ndutime esin mme idut efeŋe; ke ini afo adahade ke enyɔŋ mme obio esuana.

ISAIAH 64:2

kpa nte ikaŋ atade ikɔt, nte ikaŋ anamde mmɔŋ ofut; man anam mme asua fo efiɔk enyiŋ fo, mme idut eyenyek idem ke iso fo.

ISAIAH 9:18

Koro idiɔk ido asakde nte ikaŋ: enye ata akpap ye ikɔt ŋkukim, onyuŋ obubere ke mfuhɔ akai, ndien mmɔ edɔk ke enyɔŋ, nte nsuŋikaŋ eke emenerede.

JEREMIAH 46:15

Mmɔ idaha da, koro Jehovah onukde mmɔ ɔduɔk.

HOSEA 13:3

Mmɔdo mmɔ ebietde ntuhube usenubɔk, ye mbara emi abakde adaha, ebiet mbio ibokpot eke asuanade ke ɔtɔ ubek-ibokpot efep, enyuŋ ebiet nsuŋikaŋ eke otode ke window ɔwɔrɔ.

MICAH 1:4

Ndien ikpɔ obot eyetara ke idak esie, mme itihere eyenyuŋ esiaha, kpa nte obukpa ɔkwɔk ke enyin ikaŋ, kpa nte mmɔŋ eke eŋwaŋade ke ŋwewere.

NUMBERS 10:35

Edikem, ke ini ekebe adahade, Moses ɔdɔhɔ ete, Daha ke enyɔŋ, O Jehovah, nyuŋ yak mme asua fo esuana; yak mmɔ eke esuade fi enyuŋ efeŋe itɔk ke iso fo.