ŊWED MME PSALM 67:4 - Edisana ñwed Abasi Ibom

⁴ Yak mme obio edara enyuŋ ekwɔ: koro afo eyekpe ikpe mme idut nte enende, onyuŋ akama mme obio ke isɔŋ. [Selah.]

ŊWED MME PSALM 67:4 ပူးပေါင်းရင်းမြစ်များ

GENESIS 18:25

Nsa fo O! Ndinam ntem, ndiwot mmɔ eke enende ye mmɔ eke minenke: mmɔ eke enende ndinyuŋ ntie nte mmɔ eke minenke, nsa fo O! Nte Ebierikpe ofuri ererimbot idinamke se inende?

ŊWED MME PSALM 2:8

Beŋe mi, ndien nyenɔ fi mme idut ke udeme fo, nyenɔ mme utit ererimbot, nte afo ada enyene.

ŊWED MME PSALM 82:6

Ami ndɔdɔhɔ nte, Mbufo edi abasi; kpukpru mbufo enyuŋ edi nditɔ Ata Edikoŋ.

ŊWED MME PSALM 9:8

Ndien edi enye edikpe ererimbot ke eti ido; edikpe mme obio nte enende.

ŊWED MME PSALM 96:10

Mbufo edɔhɔ ke otu mme idut, ete, ke Jehovah edi edidem: ererimbot onyuŋ ɔsɔŋ ada, idisehekede: enye eyekpe mme idut nte enende.

ŊWED MME PSALM 98:9

ke iso Jehovah; koro enye edide ndikpe ererimbot: enye eyekpe ekondo ke eti ido, ye mme idut nte enende.

ISAIAH 54:1

KWƆ O ada emi mumanke eyen: bumere kwɔ, nyuŋ fiori, afo emi uman mitukke fi: koro nditɔ ikpɔŋ aŋwan ewakde ekan nditɔ aŋwan owo: Jehovah ɔdɔhɔ.

ISAIAH 55:4

Sese, mmonim enye ke ntiense mme idut, ɔbɔŋ ye etubom mme idut.

ISAIAH 60:6

Akwa udim camel eyefuk fi, mme dromedary Midian ye eke Ephah; kpukpru mmɔ eyeto ke Sheba, ebiom gold ye frankincense edi, eyenyuŋ ekwɔrɔ itoro Jehovah.

UTOM MME APOSTLE 17:31

koro Enye omonim usen eke Enye edikpede ikpe ɔnɔ ererimbot ke edinen ido, ke ubɔk Owo emi Enye ekemekde; Enye onyuŋ ada erinam emi Enye anamde Owo oro eset ke mkpa ayarare owut kpukpru owo ete edidi ntem.

ŊWED MBON ROME 2:5

edi ke nsɔŋesit fo ye unana erikabare-esit fo, ɔkɔ iyaresit onim ɔnɔ idem fo ke usen iyaresit ye eriyarare edinen ubiere-ikpe Abasi;

ŊWED MBON GALATIA 4:27

koro ewet ete, Dara O ada emi mumanke eyen; Bumere, fiori, afo emi mufiɔkke ubiak uman: Koro nditɔ ikpɔŋ aŋwan ewak ekan nditɔ ŋwan ndɔ.

DEUTERONOMY 32:43

Mbufo mme idut, etiene ikɔt esie esioŋo mkpo idara: koro enye omosio usiene iyip ifin esie, omonyuŋ osio usiene ye mme asua esie, onyuŋ osio isop isɔŋ esie, kpa eke ikɔt esie.