ŊWED MME PSALM 64:3 - Edisana ñwed Abasi Ibom

³ emi ebande edeme mmɔ nte ofut, enyuŋ eketde ikaŋ mmɔ, kpa ndot-ndot ikɔ:

ŊWED MME PSALM 64:3 ပူးပေါင်းရင်းမြစ်များ

ŊWED MME PSALM 11:2

Koro, sese, mme idiɔk owo ekɔk utiga, mmɔ edori idaŋ ke uruk, man etie ke ekim etop mbon emi esit mmɔ enende.

ŊWED MME PSALM 141:9

Kpeme mi mbak ubɔk afia emi mmɔ ekɔkde enɔ mi, ye mfine mme anam oburɔbut ido.

ŊWED MME PSALM 57:4

Ukpɔŋ mi odu ke otu mme lion: nyena ke otu mmɔ eke esakde nte ikaŋ, kpa nditɔ owo emi edet mmɔ edide eduat ye idaŋ, ndien edeme mmɔ edi edisɔp ofut.

ŊWED MME PSALM 58:7

Yak mmɔ etara nte mmɔŋ, yak mmɔ enyɔŋɔ ekemɔ: yak enye etiga idaŋ, kpa nte edide ikpom.

MME ŊKE 12:18

Enyene mmɔ eke ekeŋde inua nte ofut okimde: edi edeme mbon eti ibuot ɔkɔk unan.

MME ŊKE 30:14

Emana odu, emi edet mmɔ edide ofut, edet etak mbaŋ mmɔ enyuŋ edi ikwa, eke edade eta mbon-ukut ke isɔŋ efep, ye mme ubuene ke otu owo.

ISAIAH 54:17

Baba ŋkpɔ ekɔŋ kiet eke ebotde ebaŋa fi idikwe unen; afo eyenyuŋ anam ikɔ otip kpukpru edeme eke edahade eda enam ikɔ ye afo. Jehovah ɔdɔhɔ ete, Emi edi udeme ikɔt Jehovah, edinen ido mmɔ onyuŋ oto ye ami.

JEREMIAH 9:3

Ndien mmɔ enuk utiga mmɔ, kpa edeme mmɔ etop nsu: idaha akpanikɔ inam uko ke isɔŋ; koro mmɔ edediɔŋ eka iso ke idiɔk ido, ndien ifiɔkke mi: ke edi Jehovah ɔdɔhɔ.