ŊWED MME PSALM 60:2 - Edisana ñwed Abasi Ibom

² Afo enyene isɔŋ, onyuŋ asiak enye; diɔŋ ŋwure esie; koro enye eseherede.

ŊWED MME PSALM 60:2 ပူးပေါင်းရင်းမြစ်များ

2 SAMUEL 22:8

Ndien isɔŋ aduai onyuŋ enyek; se enyɔŋ eberede ke esit onyuŋ otut onyuŋ aduai, koro enye ayatde esit.

2 SAMUEL 8:1

EDIKEM ŋkpɔ emi ema ekebe, ndien David asuan mme Philistine, onyuŋ anam mmɔ ekɔŋɔ mfaŋ: David onyuŋ osio mme Philistine Metheg-ammah ke ubɔk.

1 CHRONICLES 18:12

Abishai eyen Zeruiah onyuŋ asuan Edomite, tɔsin owo efureta,

1 CHRONICLES 18:3

David onyuŋ asuan Hadarezer edidem Zobah, tutu osim ke Hamath, ke ini enye akade ndisɔŋɔ ubɔŋ esie ke edem akpa Euphrates.

1 CHRONICLES 18:5

Ndien adaŋemi Syrian Damascus akade ndinyaŋa Hadarezer edidem Zobah, David owot mme Syrian tɔsin owo edip ye iba.

2 CHRONICLES 7:14

ndien edieke ikɔt mi emi esiode mmɔ enyiŋ mi, editukde idem mmɔ, enyuŋ ekpe mi ubɔk, enyuŋ eyom mi iso, enyuŋ ekabare ekpɔŋ mme idiɔk ido mmɔ; ndien ami nyetie ke enyɔŋ ŋkop, nnyuŋ ndahado ke mme idiɔk ido mmɔ, nnyuŋ nnam ufen okure ke isɔŋ mmɔ.

ŊWED JOB 5:18

Koro Enye ɔnɔde unan ndien ɔbɔp: anuak, ndien ubɔk esie anam unan akpa.

ŊWED JOB 9:6

Emi enyeŋede ererimbot osio ke ɔtɔ esie efep, mme obubɔk esie enyuŋ ebomo mbai-mbai.

ŊWED MME PSALM 104:32

Enye owuk enyin ese isɔŋ, ndien isɔŋ enyek: otuk ikpɔ obot, ndien mmɔ ewɔrɔ nsuŋ-ikaŋ.

ŊWED MME PSALM 114:7

O isɔŋ, enyik idem ke iso Ɔbɔŋ, ke iso Abasi Jacob;

ŊWED MME PSALM 18:7

Ndien isɔŋ aduai onyuŋ enyek; se ikpɔ obot edade ke esit etimere onyuŋ aduai, koro esit ayatde Enye.

ŊWED MME PSALM 89:40

Omobuŋ kpukpru mme ɔkɔ esie; onyuŋ onim mkpɔsɔŋ ebiet esie ke ŋwure.

EXODUS 15:11

Anie, ke otu mme abasi ebiet fi O Jehovah? Anie ebiet fi, emi okponde ubɔŋ ke edisana ido, emi eteŋede ke itoro, anamde mme utibe ŋkpɔ?

ISAIAH 30:26

Ndien uŋwana ɔfiɔŋ eyebiet uŋwana utin, uŋwana utin eyenyuŋ aka iso utim ikatiaba, ebiet uwemeyo itiaba, ke usen eke Jehovah edibɔpde unan ikɔt esiemɔ, edinyuŋ ɔkɔkde ufen eke emiade mmɔ.

ISAIAH 5:25

Oro esin Jehovah obumerede iyaresit ye ikɔt esie, onyuŋ anyan ubɔk esie odori mmɔ ke idem, onyuŋ ɔtɔ mmɔ: ndien ikpɔ obot enyek idem, mme okpo mmɔ enyuŋ ena nte ifum ke efak. Ofuri ŋkpɔ emi isinke iyaresit esie afiak edem, edi enye osuk anyanyan ubɔk esiemɔ.

ISAIAH 7:8

Ididaha, idinyuŋ isuhe. Koro Damascus edide ibuot Syria, Rezin onyuŋ edi ibuot Damascus; ndien osuk isua ata ye ition, Ephraim eyesuana, etre ndidi idut.

JEREMIAH 10:10

Edi Jehovah edi Abasi akpanikɔ, Abasi uwem, ye nsinsi Edidem: iyaresit esie enyeŋe ererimbot, mme idut inyuŋ ikemeke ndida ifuresit esie.

JEREMIAH 14:17

Nyuŋ dɔhɔ ikɔ emi, ete, enyin mi eyeyak mmɔŋeyet ɔsuhɔre ke okoneyo ye uwemeyo, idinyuŋ idopke: koro emenuak adiaha ikɔt mi eyenɔwɔŋ eti-eti, unan ɔmɔdiɔk akan.

JEREMIAH 30:17

Koro nyenɔ fi ŋkopidem nyenyuŋ ŋkɔk fi unan, Jehovah ɔdɔhɔ: koro ekotde fi, ete, Eyen mbin-mfep, ete, Enye edi Zion, baba owo kiet isaŋake iyom enye.

JEREMIAH 4:24

Nse ikpɔ obot, ndien sese, mmɔ enyek, kpukpru ŋkpri obot enyuŋ efefum.

JEREMIAH 48:38

Ntuaŋa mmɔdo ke enyɔŋ kpukpru ɔkɔm ufɔk Moab, ye ke esit aŋwa esie: koro mmanuak Moab nte abaŋ eke minemke owo baba: uyo Jehovah edi emi.

ŊWED ESEME 2:13

Ndidɔhɔ fi didie nte ntiense? Ndɔhɔ nte afo ebiet nso? Adiaha Jerusalem, ndida nso ndomo fi, man ndɔŋ fi esit, O adiaha Zion, eyenɔwɔŋ? koro ŋwure fo okponde nte inyaŋ; anie ekeme ndidiɔŋ fi?

EZEKIEL 34:16

Nyeyom se isopde, nnyuŋ nda se ekebinde efep mfiak ndi, nnyuŋ mbɔp se ibuŋɔde, nnyuŋ nsɔŋ se idem ememde enye: nnyuŋ nsobo se ikponde ye se isɔŋde; nnyuŋ nda ikpe mbɔk mmɔ.

HOSEA 6:1

MBUFO edi, nnyin inyɔŋ itiene Jehovah: koro edi enye akawai, ndien enye eyekɔk nnyin: edi enye okoyibi, ndien enye eyebɔp nnyin.

AMOS 8:8

Nte ŋkpɔ emi idinamke isɔŋ enyek? idinamke kpukpru mme andiduŋ ke esit etuaŋa? idinyuŋ iyɔhɔke ofuri nte akpa mmɔŋ? Nte idinyuŋ ifutke, inyuŋ isuhɔre nte akpa Egypt.

HABAKKUK 3:10

Ikpɔ obot ekut fi, emiaŋa; akwa edim mmɔŋ asaŋa ebe: inyaŋ ibom osioro uyo esie, emenere ubɔk esie ke enyɔŋ.

MATTHEW 27:51

Ndien sese, ukara temple asiaha mbak iba, ɔtɔŋɔde ke enyɔŋ osim ke isɔŋ; isɔŋ onyuŋ enyek;