ŊWED MME PSALM 6:8 - Edisana ñwed Abasi Ibom

⁸ Mbufo, kpukpru mme anam idiɔk ido, edianare mi ke idem; koro Jehovah okopde uyo eyet mi.

ŊWED MME PSALM 6:8 ပူးပေါင်းရင်းမြစ်များ

ŊWED JOB 17:7

Enyin onyuŋ okim mi ke mfuhɔ: kpukpru mbak idem mi enyuŋ eka-bare ebiet mfut.

ŊWED MME PSALM 116:8

Koro afo okosiode ukpɔŋ mi ke mkpa, ye enyin mi ke mmɔ ŋeyet, ye ukot mi ke iduɔ.

ŊWED MME PSALM 119:115

Mbufo, mme anam idiɔk, ewɔŋɔre ekpɔŋ mi: ndien nyenim mbet Abasi mi.

ŊWED MME PSALM 139:19

O Abasi, ŋkɔm afo eyewot oburobut owo! Mbufo, mbon afai, edaha mi ndien ke usuŋ;

ŊWED MME PSALM 145:18

Jehovah emekpere kpukpru mmɔ eke esemede enɔ enye, kpukpru mmɔ eke esemede enɔ enye ke akpanikɔ.

ŊWED MME PSALM 3:4

Nda uyo mi mfiori ŋkot Jehovah, Ndien enye etie ke edisana obot esie eyere mi. [Selah.]

ŊWED MME PSALM 31:10

Koro uwem mi atahade ke iyaresit, isua mi enyuŋ etaha ke eseme: idiɔk ido mi anam odudu mi ofum; mme ɔkpɔ mi enyuŋ eyap.

ŊWED MME PSALM 56:8

Afo omobuk eriyo mi: da mmɔŋeyet mi sin ke ekpeme fo: nte mmɔ iduhe ke ŋwed fo?

ISAIAH 30:19

Koro mbio ke Zion eyeduŋ ke Jerusalem: afo udutuaha eyet: enye eyetua fi mbɔm ke uyo eseme fo; ke ini enye okopde, enye eyebɔrɔ fi.

ISAIAH 38:3

Ndien enye ɔdɔhɔ ete, Mbɔk, mbɔk, Jehovah, mbɔk, ti nte nsaŋade ke iso fo ke akpanikɔ ye ke ofuri esit, nyuŋ nam se ifɔnde fi ke enyin; ndien Hezekiah atua eyet eti-eti.

ISAIAH 38:5

Ka kɔdɔhɔ Hezekiah, ete, Ntem ke Jehovah, Abasi David usɔ ɔdɔhɔ, ete, Mmokop mkpe-ubɔk fo, mmokut mmɔŋeyet fo: sese, nyekɔt isua efut ke mme usen fo.

ŊWED ESEME 3:56

Afo okokop uyo mi: kufak utɔŋ fo ke eseme mi, ye ntuaŋa mi.

MATTHEW 25:41

Ekem Enye eyedɔhɔ mmɔ emi edude ke ubɔk ufien, ete, Edianare Mi, mbufo emi edide mbon nsobo, ekoduk ke nsinsi ikaŋ, emi ekonimde enɔ Satan ye mme angel esie.

MATTHEW 7:23

Ndien nyedɔhɔ mmɔ adaŋoro, nte, Akananam ndiɔŋɔke mbufo: edianare Mi, mbufo mme anam-ukwaŋkpɔ.

LUKE 13:27

Ndien Enye eyebɔrɔ ete, ndɔhɔ mbufo nte, Mfiɔkke ebiet eke mbufo etode; edianare Mi, kpukpru mbufo mme anam-ukwaŋkpɔ.

MME HEBREW 5:7

Ke mme usen emi Enye odude ke obukidem Enye ɔkɔbɔŋ akam onyuŋ anam mkpe-ubɔk ye ɔkpɔsɔŋ eseme ye mmɔŋ-eyet ɔnɔ Abasi emi ekemede ndinyaŋa Enye nsio ke mkpa, Abasi onyuŋ eyere Enye, koro Enye eteŋede Abasi;