ŊWED MME PSALM 6:2 - Edisana ñwed Abasi Ibom

² O Jehovah tua mi mbɔm, koro idem ememde mi: O Jehovah, nam mi ŋkop idem, koro mme ɔkpɔ mi ewɔkde.

ŊWED MME PSALM 6:2 ပူးပေါင်းရင်းမြစ်များ

GENESIS 20:17

Ndien Abraham ekpe Abasi ubɔk: ndien Abasi anam idem ɔsɔŋ Abimelech, ye ŋwan esie, ye nditɔ-iban ufɔk esie; ndien mmɔ

ŊWED JOB 19:21

Mbufo, mme ufan mi, etua mi mbɔm, etua mi mbɔm: koro ubɔk Abasi otukde mi.

ŊWED JOB 5:18

Koro Enye ɔnɔde unan ndien ɔbɔp: anuak, ndien ubɔk esie anam unan akpa.

ŊWED MME PSALM 22:14

Eŋwaŋa mi nte mmɔŋ; kpukpru mme ɔkpɔ mi efebede ŋko; esit mi atara nte mbukpa ɔkwɔk ke ufɔt nsia mi.

ŊWED MME PSALM 30:2

O Jehovah, Abasi mi, ŋkeseme nnɔ fi, ndien afo anam udɔŋɔ okure mi.

ŊWED MME PSALM 31:10

Koro uwem mi atahade ke iyaresit, isua mi enyuŋ etaha ke eseme: idiɔk ido mi anam odudu mi ofum; mme ɔkpɔ mi enyuŋ eyap.

ŊWED MME PSALM 32:3

Koro ŋkodopde uyo, mme ɔkpɔ mi eyemere ke ntuaŋa mi ofuri usen.

ŊWED MME PSALM 38:2

Koro idaŋ fo emeduk mi ke idem, ubɔk fo, onyuŋ ɔsuhɔre odoro mi.

ŊWED MME PSALM 38:3

Iyaresit fo iyakke baba ebiet kiet eke ɔfɔnde odu mi ke ikpɔhidem: idiɔk ido mi iyakke baba nsɔŋ odu mi ke ɔkpɔ.

ŊWED MME PSALM 38:7

Koro ufiop ɔyɔhɔde mi ke isin: baba ebiet eke ɔfɔnde inyuŋ iduhe mi ke ikpɔhidem.

ŊWED MME PSALM 51:8

Eyenam ŋkop inemesit ye idaresit; mme ɔkpɔ emi afo okobuŋde eyedara.

EXODUS 15:26

onyuŋ ɔdɔhɔ ete, edieke afo editimde okop uyo Jehovah Abasi fo, onyuŋ anamde se inende enye ke enyin, onyuŋ akpaŋde utɔŋ ɔnɔ mbet esie, onyuŋ onimde kpukpru ewuhɔ esie, ndidaha baba udɔŋɔ kiet emi ŋkanamde etiene Egypt, ntiene fi: koro edi ami Jehovah nnam udɔŋɔ okure fi.

JEREMIAH 10:24

O Jehovah, tunɔ mi, edi nam ke ufat; mbak afo edinam mi ndi ekpri ke iyaresit fo.

JEREMIAH 17:14

Nam udɔŋɔ okure mi, O Jehovah, ndien udɔŋɔ eyekure mi; nyaŋa mi, ndien nyedu ke ifure: koro afo edide itoro mi.

HOSEA 6:1

MBUFO edi, nnyin inyɔŋ itiene Jehovah: koro edi enye akawai, ndien enye eyekɔk nnyin: edi enye okoyibi, ndien enye eyebɔp nnyin.

NUMBERS 12:13

Ndien Moses eseme ɔnɔ Jehovah ete, Mbɔk, Abasi, nam udɔŋɔ okure enye ndien.

MATTHEW 4:24

Etop Esie onyuŋ asuana ke ofuri Syria; mmɔ enyuŋ eda kpukpru mbon udɔŋɔ esɔk Enye, kpa mmɔ eke nsio-nsio udɔŋɔ ye ndutuhɔ enamde mmɔ, ye mmɔ eke enyenede mme demon, ye mmɔ eke edɔŋɔde mbukpi ye akpa-ubeŋ; Enye onyuŋ anam mmɔ ekop nsɔŋidem.

DEUTERONOMY 32:39

Mbufo ese, ndien, ete ke ami, ami, ndi enye, abasi inyuŋ iduhe idian ye ami: ami ŋwot, nnyuŋ nnim owo uwem; ami nnɔ unan, nnyuŋ nsiri: baba owo kiet eke osiode ke ubɔk mi, inyuŋ iduhe.