ŊWED MME PSALM 57:1 - Edisana ñwed Abasi Ibom

¹ TUA mi mbɔm, O Abasi, tua mi mbɔm, koro ukpɔŋ mi ɔbuɔtde idem ye afo: ami nnyuŋ mbuɔt idem ke mfut mba fo tutu mme idiɔk-ŋkpɔ emi efehe ebe.

ŊWED MME PSALM 57:1 ပူးပေါင်းရင်းမြစ်များ

ŊWED MME PSALM 125:1

MMƆ eke ebuɔtde idem ye Jehovah ebiet obot Zion, emi misehekede, edi ebigi ke nsinsi.

ŊWED MME PSALM 13:5

Edi ami mbuɔt idem mi ke ima fo; esit eyedat mi ke erinyaŋa fo.

ŊWED MME PSALM 142:1

MFIORI ŋkot Jehovah ke uyo mi; nda uyo mi ŋkpe Jehovah ubɔk.

ŊWED MME PSALM 2:12

Etim Eyen inua, mbak Enye ediyat esit, ndien mbufo ebiara ke usuŋ, koro ke ini esisit iyaresit esie eyesak. Ɔfɔfɔn ɔnɔ kpukpru mmɔ eke ebuɔtde idem ye Enye.

ŊWED MME PSALM 36:7

O Abasi, ima fo ɔsɔŋ urua adaŋa didie! nditɔ owo enyuŋ ebuɔt idem mmɔ ke mfut mba fo.

ŊWED MME PSALM 56:1

O ABASI, tua mi mbɔm; koro owo oyomde ndimen mi: owo ekɔŋ efik mi ofuri usen.

ŊWED MME PSALM 58:1

NTE mbufo edi imum ke akpan? Mbufo ekpetiŋ se inende, ekpenyuŋ ekpe edinen ikpe, O nditɔ owo!

ŊWED MME PSALM 59:1

SIO mi mme asua mi ke ubɔk, O Abasi mi: menere mi nim ke enyɔŋ kan mmɔ eke enamde ikɔ ye ami.

ŊWED MME PSALM 61:4

Nyeduŋ ke tent fo ke nsinsi: nyedibe ke mfut mba fo. [Selah.]

ŊWED MME PSALM 63:7

Koro afo edide andiŋwam mi, ndien nyedara ke mfut mba fo.

ŊWED MME PSALM 75:1

NNYIN ikwɔ fi, O Abasi; nnyin ikɔm fi: enyiŋ fo omonyuŋ ekpere; mmɔ ebuk mme utibe ŋkpɔ fo.

ŊWED MME PSALM 9:10

Ndien mmɔ eke efiɔkde enyiŋ fo eyebuɔt idem mmɔ ye afo; koro afo, Jehovah, mukpɔŋke mmɔ eke eyomde fi.

ŊWED MME PSALM 91:1

OWO eke etiede ke ndibe ebiet Ata Edikoŋ, ke oduŋ ke mfut Ata Ɔkpɔsɔŋ.

ŊWED MME PSALM 91:4

Enye eyeda ntaŋ esie ofuk fi, afo eyenyuŋ efehe oduk ke idak mba esie: akpanikɔ esie edi otu-ekɔŋ eke ekpemede fi.

ŊWED MME PSALM 91:9

Koro afo, Jehovah, edide ebiet ubɔhɔ mi,

ISAIAH 10:25

Koro osuk ata ini esisit kaŋa, ndien ikpahesit okure, ye iyaresit mi ke edisobo mmɔ.

ISAIAH 26:20

Ikɔt mi, mbufo eka ekeduk ke mme ubet mbufo, enyuŋ eberi itim mbufo ebaha idem mbufo: edibe ini esisit ntem, tutu ikpahesit ebe.

ISAIAH 50:10

Anie ke otu mbufo abak Jehovah, okop uyo owo esie? Yak owo eke asaŋade ke ekim, ndien minyeneke uŋwana, ɔbuɔt idem esie ke enyiŋ Jehovah, onyuŋ ebere edem ye Abasi esie.

MATTHEW 24:22

Ndien ke mikpesibeke mme usen oro emuhɔ, baba owo kiet ikpɔbɔhɔke; edi kabaŋa ndimek ikɔt Abasi eyesibe mme usen oro emuhɔ.

LUKE 13:34

O Jerusalem, Jerusalem emi owotde mme prophet, onyuŋ ɔtɔŋɔde mmɔ emi edɔŋde etiene fi ke itiat! Adaŋa ediwak ini didie ke ŋkoyom nditaŋ nditɔ fo mbon ɔtɔ kiet, kpa nte unen obonde nditɔ esie ke idak mba esie, ndien mbufo ikonyimeke!

JOHN 16:20

Ke akpanikɔ ke ndɔhɔ mbufo nte, mbufo eyetuaŋa enyuŋ eseme, edi ererimbot eyedara: mbufo eyefuhɔ, edi mfuhɔ mbufo eyekabare edi idara.

DEUTERONOMY 9:26

Ndien ŋkpe Jehovah ubɔk, nte, O Jehovah ɔbɔŋ, kusobo ikɔt fo, kpa udeme fo, emi afo akadade ubom fo afak, emi afo akadade ɔkpɔsɔŋ ubɔk osioŋo mmɔ ke Egypt.

ERIYARARE 21:4

Enye eyekwɔhɔre kpukpru mmɔŋeyet ke enyin mmɔ efep. Mkpa idinyuŋ iduhe aba; eseme ye ntuaŋa ye ubiak idinyuŋ iduhe aba; koro ebe-iso ŋkpɔ ema ebe efep.

ERIYARARE 7:14

Ndɔhɔ enye nte, Ɔbɔŋ mi, afo ɔmɔfiɔk. Ekem enye ɔdɔhɔ mi ete, Mmɔ oro edi mmɔ emi eketode ke akwa ukut ewɔŋɔ, ekenyuŋ eyetde ɔfɔŋidem mmɔ enam afia ke iyip Eyen-erɔŋ.

RUTH 2:12

Jehovah osuk ɔnɔ fi usiene utom fo, Jehovah Abasi Israel emi afo edide ndibuɔt idem fo ke idak mba esie, osuk ɔnɔ fi ofuri ŋkpɔ eyen-utom fo ŋko.

1 SAMUEL 22:1

NDIEN David adaha do, efehe ɔbɔhɔ aka ke aba itiat Adullam: ndien adaŋemi nditɔ-ete esie ye ofuri ufɔk ete esie ekopde, mmɔ esuhɔre etiene enye do.

1 SAMUEL 24:3

Ndien enye okosim nna ŋkpri ufene ke usuŋ, emi aba itiat odude do; ndien Saul oduk aka ndifuk ukot esie: ndien David ye ikɔt esie etie do ke ŋkaŋ aba oro.

1 SAMUEL 24:4

Ndien ikɔt David edɔhɔ enye, ete, Sese, emi edi usen emi Jehovah ɔkɔdɔhɔde fi, ete, Sese, nyeda usua fo nsin fi ke ubɔk, man anam enye kpa nte afo amade. Ndien David adaha ke enyɔŋ, aka okosibe utɔŋ ekura Saul ke ndibe.

1 SAMUEL 24:8

Ndien David onyuŋ etiene enye adaha ke enyɔŋ, oto ke aba ɔwɔrɔ, onyuŋ ofiori okot Saul, ete, Ete mi edidem! Ndien ke ini Saul akabarade ese edem, David otuk iso esie ese isɔŋ, onyuŋ ɔnuhɔ.

1 SAMUEL 26:9

Ndien David ɔdɔhɔ Abishai, ete, Kusobo enye: koro anie edinyan ubɔk esie otuk enye emi Jehovah ekeyetde aran, ndien etre ndidue isop?