9 Ndien mme asua mi eyefiak edem ke usen eke ndisemede: mmɔfiɔk emi, koro Abasi adade ye ami.
Fiak kɔdɔhɔ Hezekiah, etubom ikɔt mi, ete, Ntem ke Jehovah, Abasi David usɔ, ɔdɔhɔ, ete, Mmokop mkpe-ubɔk fo, mmokut mmɔŋ-eyet fo; sese, nyenam udoŋɔ okure fi: afo eyedɔk ke ufɔk Jehovah ke ɔyɔhɔ usen ita.
Kudip mi iso fo ke usen emi ntiede ke itie ukut: kpaŋ utɔŋ nɔ mi: ke usen emi nsemede, wara di yere mi.
Jehovah edi okimmɔ; ndidigeke: owo ekeme ndinam mi nso ŋkpɔ?
Jehovah anam itɔŋ uwem ɔsɔŋ mi; ndibak anie? Ke ini mme anam idiɔk, kpa mbon usua mi ye mbon utɔk mi, esaŋade ekpere mi, ete ita obukidem mi, mmɔ efebede eduɔŋɔ.
Jehovah mme udim odu ye nnyin; Abasi Jacob edi ebiet-ubɔhɔ nnyin. [Selah.]
Jehovah mme udim odu ye nnyin: Abasi Jacob edi ubɔhɔ nnyin. [Selah.]
Ke ini mme asua mi efiakde edem, mmɔ eyeduɔŋɔ enyuŋ esobo ke iso fo.
Seme kot mi, ndien nyeyere fi, nnyuŋ ŋwut fi ikpɔ ye ata mkpɔsɔŋ ŋkpɔ eke afo mufiɔkke mmɔ.
Ndien mme abak Jehovah eneme kiet ye kiet: ndien Jehovah akpaŋ utɔŋ, onyuŋ okop, mmɔ enyuŋ ewet ŋwed eriti ke iso esie enɔ mme abak Jehovah ye mme ekere enyiŋ esie.
Ntem ke ini Jesus ɔdɔhɔde mmɔ ete, Ami ndi Enye, mmɔ ekibe efiak edem ekeduɔŋɔ ke isɔŋ.
Nso ke ididɔhɔ ndien ibaŋa ŋkpɔ emi? Edieke Abasi adade ye nnyin, anie edikeme ndibiɔŋɔ nnyin?