ŊWED MME PSALM 53:6 - Edisana ñwed Abasi Ibom

⁶ Erinyaŋa Israel akpakam oto ke Zion! Ke adaŋemi Abasi adade ikɔt esie emi eketaŋde efep afiak edi, Jacob eyebre, Israel eyedara.

ŊWED MME PSALM 53:6 ပူးပေါင်းရင်းမြစ်များ

EZRA 3:11

Ndien mmɔ ekwɔ, ke etoro, enyuŋ ekɔm Jehovah, koro enye ɔfɔnde, koro ima esie (emi enye amade) Israel odude ke nsinsi. Ndien kpukpru owo efiori akamba mfiori, ke etoro Jehovah, koro etɔŋɔde ndibɔp ufɔk Jehovah.

NEHEMIAH 12:43

Ndien ke usen oro mmɔ ewa ikpɔ uwa, enyuŋ edat esit: koro Abasi akanamde mmɔ edara akamba idara: iban nde, ye nditɔwɔŋ enyuŋ edara: ndien mmɔ ekop mkpo idara Jerusalem anyan ebiet.

ŊWED JOB 42:10

Ndien Jehovah osio Job ke itie mbuot ekɔŋ afiak edi, ke ini enye anamde mkpe-ubɔk ɔnɔ mme ufan esie: Jehovah onyuŋ ɔtɔŋɔ ntak ɔnɔ Job kpukpru se enye ekenyenede utim ikaba.

ŊWED MME PSALM 14:7

Erinyaŋa Israel akpakam oto ke Zion! Ke adaŋemi Jehovah afiakde etiene ikɔt esie emi eketaŋde efep, Jacob eyebre, Israel eyedara.

ŊWED MME PSALM 50:2

Abasi etie ke Zion emi eyede ama, ayama.

ŊWED MME PSALM 85:1

O JEHOVAH, afo ɔmɔfɔn ido ye isɔŋ fo: amafiak etiene nditɔ Jacob emi eketaŋde efep.

MME ŊKE 28:1

MME IDIƆK owo efeŋe itɔk ke owo eke ebinede miduhe: edi eti owo edaha uko nte lion.

ISAIAH 12:6

Sio mkpɔ idara, nyuŋ kwɔ, O andiduŋ Zion: koro Edisana Abasi Israel omokpon ke ufɔt fo.

ISAIAH 14:32

Edibɔrɔ ndien mme isuŋutom mme idut didie? Ete ke Jehovah omowuk Zion, ndien mbon ukut ke otu ikɔt esie ebɔhɔ eka do.

JEREMIAH 30:18

Ntem ke Jehovah ɔdɔhɔ, ete, Sese, ami nyeda mme tent Jacob emi eketaŋde efep mfiak ndi, nnyuŋ ntua iduŋ esie mbɔm; eyenyuŋ ebɔp obio ke obot esiemɔ, ndien ufɔk edidem eyetie nte enye akam esitiede.

JEREMIAH 31:23

Ntem ke Jehovah mme udim Abasi Israel ɔdɔhɔ, ete, Mmɔ eyesuk edɔhɔ ikɔ emi ke isɔŋ Judah, ye ke mme obio esie, ke ini ndidade mmɔ ke itie-mbuot-ekɔŋ mfiak ndi, ete, Jehovah osuk ɔdiɔŋ fi, O iduŋ eti ido, O edisana obot.

JOEL 3:1

KORO, sese, ke eyo oro, ye ke ini oro ndidade nditɔ Judah ye eke Jerusalem emi eketaŋde efep, nnyɔŋ ndi,

LEVITICUS 26:17

Nyenyuŋ ŋkwaŋa iso mi ye mbufo, ndien mbufo eyesuana ke iso mme asua mbufo; mme mmɔ emi esuade mbufo eyekara mbufo: ndien mbufo eyefeŋe itɔk, ke baba owo kiet mibineke mbufo.

LEVITICUS 26:36

Ndien ama edi mme mmɔ emi edisuhɔde ke otu mbufo, nyesin mmɔ esit ufep ke mme idut mme asua mmɔ, ndien uyom ikɔŋ eke enyeŋede eyenam mmɔ efeŋe itɔk, ndien mmɔ eyefeŋe, nte emi efeŋede ofut; enyuŋ eduɔŋɔ ke baba owo kiet mibineke.

AMOS 9:14

Ndien nyeda ikɔt mi Israel emi eketaŋde efep nnyɔŋ ndi: ndien mmɔ eyebɔp mme obio emi enade ikpikpu, ndien eduŋ (ke esit); mmɔ eyenyuŋ etɔ iŋwaŋ-vine, enyuŋ eŋwɔŋ wine mmɔ: enyuŋ enam iŋwaŋ, ndien edia mfri mmɔ.