ŊWED MME PSALM 53:2 - Edisana ñwed Abasi Ibom

² Abasi etie ke enyɔŋ osuk iso ese nditɔ owo, ete ise mme enyene-ibuot owo odu, owo eke ebinede Abasi.

ŊWED MME PSALM 53:2 ပူးပေါင်းရင်းမြစ်များ

1 CHRONICLES 28:9

Ndien afo Solomon eyen mi, fiɔk Abasi usɔ, nyuŋ nam ŋkpɔ esie ke ofuri esit, ye ke ima ukpɔŋ: koro Jehovah ɔduŋɔde kpukpru esit owo, onyuŋ otim ɔfiɔk kpukpru se ekikere obotde: afo ama oyom enye, eyekut enye; edi ama ɔkpɔŋ enye, enye eyemen fi ɔduɔk tutu amama.

2 CHRONICLES 15:2

ndien enye ɔwɔrɔ okosobo ye Asa, onyuŋ ɔdɔhɔ enye, ete: Asa ye ofuri Judah ye Benjamin, mbufo ekop uyo mi, Jehovah ada ye mbufo ke ini mbufo ededa ye enye; ndien edieke mbufo ediyomde enye, mbufo eyekut enye; edi edieke mbufo edikpɔŋde enye, enye eyekpɔŋ mbufo.

2 CHRONICLES 19:3

Edi emekut nti ŋkpɔ ke idem fo, ke oro afo okosioŋode mme eto-mkpe ke isɔŋ efep, onyuŋ owukde esit fo oyom Abasi.

ŊWED JOB 28:28

Ndien Enye ɔdɔhɔ owo, ete, Sese, ndibak Ɔbɔŋ edi eti ibuot, ndinyuŋ ŋkabare ŋkpɔŋ idiɔk edi asian.

ŊWED MME PSALM 10:4

esin Jehovah ke ndek. Idiɔk owo ke akwa iseri esie idiyomke (Abasi): “Abasi iduhe” edi ofuri ekikere esie.

ŊWED MME PSALM 102:19

Koro enye etiede ke edisana heaven esie ɔnyuŋɔ; Jehovah etie ke enyɔŋ osuk enyin ese isɔŋ;

ŊWED MME PSALM 11:4

Jehovah odu ke edisana temple esie, ebekpo Jehovah odu ke enyɔŋ; enyin esie ese, mkpɔk eyin esie edomo nditɔ owo.

ŊWED MME PSALM 111:10

Uteŋe Jehovah edi eritɔŋɔ ifiɔk: kpukpru mmɔ eke enamde mmɔ enyene eti ibuot. Itoro esie ebigi ke nsinsi.

ŊWED MME PSALM 27:8

(Ke ini afo ɔdɔhɔde, ete) “Mbufo eyom iso mi,” esit mi ɔdɔhɔ fi ete, “Nyeyom iso fo, O Jehovah.”

ISAIAH 55:6

Mbufo eyom Jehovah, ke ini ekemede ndikut enye, eseme ekot enye, ke ini enye ekperede:

JEREMIAH 16:17

Koro enyin mi esuk ese kpukpru usuŋ mmɔ: mmɔ idikemeke ndidibe iso mi, idiɔk ido mmɔ idinyuŋ ikemeke ndidibe enyin mi.

JEREMIAH 23:24

Jehovah ɔdɔhɔ ete, Nte owo ekeme ndidibe ke ndibe ebiet eke ami mmendikwe enye? Jehovah ɔdɔhɔ, ete, Nte ami nyɔhɔke ke ofuri enyɔŋ ye isɔŋ?

DEUTERONOMY 4:6

Mbufo etiŋ enyin, ndien, enam: koro emi edide eti ibuot mbufo, ye asian mbufo, ke iso mme idut, emi edikopde kpukpru mme ewuhɔ emi, ndien mmɔ eyedɔhɔ ete, Ho, akamba idut emi edi mbon eti ibuot, onyuŋ edi asian.