ŊWED MME PSALM 53:1 - Edisana ñwed Abasi Ibom

¹ NDISIME owo ɔdɔhɔ ke esit esie, ete, Abasi iduhe. Mmɔ emediɔk, enyuŋ enam oburobut ido: baba owo kiet eke anamde eti iduhe.

ŊWED MME PSALM 53:1 ပူးပေါင်းရင်းမြစ်များ

1 NDIDEM 12:26

Ekem Jeroboam ɔdɔhɔ ke esit esiemɔ, ete, Ke emi ke ubɔŋ edifiak ufɔk David ke ubɔk:

1 NDIDEM 14:24

Ndien mbon-use-sodom edu ke idut oro ŋko: mmɔ enam kpukpru mbubiam mme idut oro Jehovah okosiode ke iso nditɔ Israel ɔduɔk.

ŊWED JOB 14:4

Edisana ŋkpɔ akpakam oto ke ŋkpɔ ndek; baba kiet itoho.

ŊWED JOB 15:16

Ŋwaŋwa ediso se idehede inyuŋ ibiarade, kpa owo emi ɔŋwɔŋde idiɔk ido nte mmɔŋ!

ŊWED MME PSALM 10:11

Enye ɔdɔhɔ ke esit esie, ete, Abasi emefre: omodip iso esie; idikwe ke nsinsi.

ŊWED MME PSALM 10:13

Idiɔk owo anam didie esin Abasi ke ndek? Ɔdɔhɔ ke esit esie, ete, “Afo udubupke.”

ŊWED MME PSALM 10:4

esin Jehovah ke ndek. Idiɔk owo ke akwa iseri esie idiyomke (Abasi): “Abasi iduhe” edi ofuri ekikere esie.

ŊWED MME PSALM 10:6

Enye ɔdɔhɔ ke esit esiemɔ, ete, Ndisehekede; ke ofuri emana ami ndi owo emi mididuhe ke idiɔk.

ŊWED MME PSALM 88:1

O JEHOVAH ABASI emi anyaŋade mi, nseseme uwemeyo ye okoneyo ke iso fo:

ŊWED MME PSALM 92:6

Owo ndutun ifiɔkke; ndisime inyuŋ itimke ikut emi.

EZEKIEL 16:47

Ndien afo unyuŋ usaŋake ke usuŋ mmɔ, unyuŋ unamke nte mbubiam mmɔ asaŋade: oro ekpedi ata ekpri ŋkpɔ: edi afo asabare idem fo akan mmɔ ke kpukpru usuŋ fo.

EZEKIEL 16:51

Samaria ŋko ikanamke baba ubak idiɔk ido fo; edi afo amanam mbubiam fo awak akan mmɔ, omonyuŋ akan nditɔ-uka iban ke kpukpru mbubiam fo emi afo akanamde.

MATTHEW 5:22

Edi Ami ndɔhɔ mbufo nte, owo ekededi eke ayatde esit ye eyen-ete esie esesin idem ke ikpe; owo ekededi eke ɔdɔhɔde eyen-ete esie ete, Raca (ikpikpu owo), esesin idem ke ikpe Sanhedrin; owo ekededi eke ɔdɔhɔde ete, Afo ndisime, esesin idem ke ufen hell eke asakde ikaŋ.

LUKE 12:20

Edi Abasi ɔdɔhɔ enye ete, Afo anana ibuot, eye-kpak ukpɔŋ fo ke ubɔk fo ke okoneyo emi; ndien anie edidia ŋkpɔ eke ɔkɔkɔde onim?

ŊWED MBON ROME 1:21

koro okposuk edi nte mmɔ efiɔkde Abasi, mmɔ inɔŋɔ Enye ubɔŋ nte Abasi, inyuŋ inɔŋɔ Enye ekɔm; edi ekabare ekere ikpikpu ekikere, ndisime esit mmɔ onyuŋ akabare okim.

ŊWED MBON ROME 1:28

Ndien sia mmɔ esinde ndinyene Abasi ke ifiɔk mmɔ, Abasi ada mmɔ ayak ɔnɔ obukpo esit ndinam mme ido eke midotke;

ŊWED MBON EPHESUS 5:12

koro nditetiŋ mbaŋa se mmɔ enamde ke ndibe edi ŋkpɔ but.

DEUTERONOMY 12:31

Kunam ntre ye Jehovah Abasi fo: koro mmɔ enamde kpukpru oruk mbubiam emi Jehovah asuade enɔ mme abasi mmɔ: koro mmɔ efɔpde idem nditɔ-iren mmɔ ye nditɔ mmɔ iban enɔ mme abasi mmɔ.

1 PETER 4:3

Koro ini emi ama ebe ekem mbufo ndida nnam se idɔŋde mme Gentile itɔŋ, kpa ini emi mbufo esaŋade edu uwem ke use, ye idiɔk itɔŋ, ye eriyuhɔ mmin, ye otime-otime ido, ye eriŋwɔŋ mmin, ye obukpo erikpono ndem;