O JEHOVAH, afo enenen: koro nyekpe ikpe ye afo: yak ndɔhɔ ye afo mbaŋa ikpe: mme idiɔk owo enam didie ekut unen ke usuŋ mmɔ? Kpukpru mbon nsu enam didie etie ke ifure?
koro emi edide ediomi eke ndidiomide ye ufɔk Israel, ke mme usen oro ema ebe, Jehovah ɔdɔhɔ: nyesin mmɔ mbet mi ke esit, nnyuŋ ŋwet mmɔ ke ɔwɔŋ esit; nyenyuŋ ndi Abasi mmɔ, ndien mmɔ eyedi ikɔt mi.
O Jehovah, nte enyin fo isehe akpanikɔ? Afo ɔkɔtɔ mmɔ, edi mmɔ ikopke ubiak; afo okosobo mmɔ, mmɔ inyimeke ndikop item: esɔŋɔ iso mmɔ ekan itiat; inyimeke ndifiak ndi.
Koro mbure eke nnyin iburede edi emi, kpa ikɔ-ntiense emi esit nnyin etiŋde ete, nnyin ikasaŋa ke edisana ido ye akpanikɔ Abasi idu uwem ke ererimbot; isaŋake ke ikike eke obukidem, edi ke mfɔn Abasi; inyuŋ isaŋa ntem idu uwem ke otu mbufo ikan.
edi eda edisine-ŋkpɔ eke midibiarake, kpa suŋ-suŋ spirit eke enyenede iso but, ebana idem ke esit-esit uwem mbufo; koro oro edi se isɔŋde urua ke enyin Abasi.