ŊWED MME PSALM 51:2 - Edisana ñwed Abasi Ibom

² Diɔŋ yet mme ukwaŋ-ŋkpɔ mi fep, nyuŋ sio mi mme idiɔk ido ke idem fep, nam ndi edisana.

ŊWED MME PSALM 51:2 ပူးပေါင်းရင်းမြစ်များ

2 SAMUEL 11:4

Ndien David ɔdɔŋ mme isuŋutom ekeda enye edi; ndien enye (ŋwan) edi ke ebiet esie; enye onyuŋ okot ŋwan oro: ndien adaŋemi enye ekeyetde ndek esie efep, enye ɔnyɔŋ ke ufɔk esiemɔ.

2 SAMUEL 12:1

EKEM Jehovah ɔdɔŋ Nathan utom ke ɔtɔ David. Ndien enye aka ke ɔtɔ esie ɔkɔdɔhɔ enye, ete, Owo iba edu ke obio kiet; kiet edi ɔbɔŋ, kiet edi ubuene.

ŊWED MME PSALM 19:12

Anie ekeme ndidiɔŋɔ ndudue esiemɔ? Nam mi nsana mbɔhɔ mmɔ eke edibede.

ŊWED MME PSALM 51:7

Afo eyeda hyssop osio idiɔk ido mi efep, ndien nyesana: eyeyet mi idem, ndien nyafia ŋkan snow.

ISAIAH 1:16

Mbufo eyet idem enam esana; emen mme idiɔk ido mbufo ke enyin mi efep; etre ndinam idiɔk; ekpep ndinam eti:

JEREMIAH 4:14

Ɔdɔdiɔk ye nnyin koro emesobo nnyin. O Jerusalem, yet esit fo idiɔk-ŋkpɔ fep, man enyaŋa fi. Adaŋa didie ke mme idiɔk ekikere fo ediduŋ fi ke esit?

EZEKIEL 36:25

Ndien nyesime mbufo edisana mmɔŋ ke idem, ndien mbufo eyedi edisana: nyesio mbufo kpukpru ndek mbufo ye kpukpru ibɔk mbufo ke idem mfep nnam esana.

LEVITICUS 13:58

Ndien ama edi ɔfɔŋ idem oro, edide nnyan-nnyan, onyuŋ edide mbiɔŋ-mbiɔŋ, onyuŋ edide ŋkpɔ ikpa ekededi, eke afo ediyetde, ndien udɔŋɔ ama okure ke esit, yak etɔŋɔ ntak eyet enye, ndien enye edidi edisana.

ZECHARIAH 13:1

KE usen oro idim eyesiaha ɔnɔ ufɔk David ye mme andiduŋ Jerusalem, ke eke idiɔk ido ye ke eke ndek.

JOHN 13:9

Simon Peter ete, Enye, Ɔbɔŋ, kuyet mi ukot ikpɔŋ edi, yet mi ubɔk ye ibuot kɔrɔ do.

UTOM MME APOSTLE 22:16

Ndien ke ebebet nso naŋa? Daha ke enyɔŋ, kana baptism, nyuŋ yet mme idiɔk-ŋkpɔ fo fep ke eriseme ŋkot enyiŋ Esie.

1 ŊWED CORINTH 6:11

Ndien ndusuk mbufo eketie ntem; edi ema eyet mbufo, ema enam mbufo esana, ema etebe mbufo ikpe ke enyiŋ Ɔbɔŋ Jesus Christ, ye ke Spirit Abasi nnyin.

ERIYARARE 1:5

onyuŋ oto Jesus Christ, emi edide ntiense emi anamde akpanikɔ, andibem iso mmana ke otu mme akpa-mkpa, ye andikara ndidem isɔŋ. Enye emi amade nnyin, okonyuŋ adade iyip Esiemɔ atat nnyin uruk mme idiɔk-ŋkpɔ nnyin;

ERIYARARE 7:14

Ndɔhɔ enye nte, Ɔbɔŋ mi, afo ɔmɔfiɔk. Ekem enye ɔdɔhɔ mi ete, Mmɔ oro edi mmɔ emi eketode ke akwa ukut ewɔŋɔ, ekenyuŋ eyetde ɔfɔŋidem mmɔ enam afia ke iyip Eyen-erɔŋ.