ŊWED MME PSALM 51:10 - Edisana ñwed Abasi Ibom

¹⁰ Bot edisana esit nɔ mi, O Abasi; nyuŋ nam obufa spirit eke ɔsɔŋɔde ada, sin mi ke idem.

ŊWED MME PSALM 51:10 ပူးပေါင်းရင်းမြစ်များ

ŊWED MME PSALM 24:4

Enye emi ubɔk asanade, esit minyuŋ ideheke; emi mimenekede ukpɔŋ esie inɔ nsu, minyuŋ iŋwɔŋɔke inɔ abiaŋa.

ŊWED MME PSALM 35:10

Kpukpru mme ɔkpɔ mi eyedɔhɔ, ete, Jehovah, anie ebiet fi, emi osiode owo ukut ke ubɔk owo eke ɔsɔŋde akan enye? (Ke osio) owo ukut ye ubuene ke ubɔk owo eke obumede enye?

ŊWED MME PSALM 73:1

ABASI osuk ɔfɔfɔn ido ye Israel, kpa ye mmɔ emi esit mmɔ asanade.

ŊWED MME PSALM 78:37

Ndien esit mmɔ isɔŋɔke ida ye enye; mmɔ inyuŋ inamke akpanikɔ ke ediomi esie.

ŊWED MME PSALM 78:8

ndien ekutie nte mme ete mmɔ, emana nsɔŋ-ibuot ye emiom, emana eke mi-timke esit mmɔ; ndien spirit mmɔ isɔŋɔke ida ye Abasi.

MME ŊKE 20:9

Anie edidɔhɔ ete, “Mmeyet esit mi asana, mmeyet idiɔk-ŋkpɔ mi ke idem mi mfep?”

JEREMIAH 13:27

Mmokut efibe fo, ye uyo use fo, ye nte afo asaŋade akpara oburobut, ye mbubiam fo ke enyɔŋ ikpɔ obot ke iŋwaŋ. Osuk ɔdɔdiɔk ɔnɔ fi, Jerusalem; adaŋa didie ke afo edisuk esin ndisana?

JEREMIAH 32:39

nyenyuŋ nnɔ mmɔ esit kiet ye usuŋ kiet, man ebak mi kpukpru ini, man ɔfɔn ye mmɔ ye nditɔ mmɔ emi editienede mmɔ ke edem.

EZEKIEL 11:19

Nyenyuŋ nnɔ mmɔ esit kiet, nnyuŋ nsin mbufo obufa spirit ke esit idem; nnyuŋ nsio mmɔ esit enyene itiat ke obukidem mfep, nnyuŋ nnɔ mmɔ esit enyene obuk:

EZEKIEL 18:31

Mbufo esioŋo kpukpru mme oburobut ido eke mbufo ekeduede ke esit ke idem mbufo efep; enyuŋ enam obufa esit ye obufa spirit esin mbufo ke idem: koro mbufo edinam didie ekpaŋa, O ufɔk Israel?

EZEKIEL 36:37

Ntem ke Ɔbɔŋ Jehovah ɔdɔhɔ ete, Eyesuk ebeŋe mi ŋkpɔ emi enɔ ufɔk Israel, ete nnam nnɔ mmɔ. Nyenam mmɔ ewak owo nte otu ufene.

MATTHEW 5:8

Ɔfɔfɔn ɔnɔ mmɔ eke esit mmo asanade: koro mmɔ eyekut Abasi.

UTOM MME APOSTLE 11:23

ndien ke adaŋemi enye akade onyuŋ okutde mfɔn Abasi, enye adat esit; onyuŋ ekpe ye mmɔ kpukpru ete mmɔ eda iwukesit ediana ye Ɔbɔŋ:

UTOM MME APOSTLE 15:9

Enye inyuŋ isinke ubahare ke ufɔt nnyin ye mmɔ, edi anam esit mmɔ asana oto ke mbuɔtidem.

ŊWED MBON ROME 12:2

Ekunyuŋ ekabare ebiet eyo emi, edi eyak mbufo ekpuhɔre, oto ke erinam emi enamde esit mbufo edi obufa, man mbufo edomo efiɔk se uduak Abasi edide, uduak Abasi eke edide eti, onyuŋ enemde owo esit, onyuŋ ɔfɔnde ama.

1 ŊWED CORINTH 15:58

Mmɔdo ndima nditɔ-ete mi, esɔŋɔ eda, ekuyak ŋkpɔ esehere mbufo; eyɔhɔ kpukpru ini ke utom Ɔbɔŋ; sia emɔfiɔk ete utom eke mme imɔ inamde idiwɔrɔke idi ikpikpu ke Ɔbɔŋ.

2 ŊWED CORINTH 5:17

Ntem edieke owo odude ke Christ, ema ebot enye obufa; ŋkani ŋkpɔ ema ebe efep: sese, emekabare edi mbufa.

ŊWED MBON EPHESUS 2:10

Koro nnyin idi se ubɔk Esie akanamde; ke Christ Jesus ke Enye okobot nnyin, ete nnyin inam nti utom, emi Abasi ekebemde iso onim ete, nnyin ikpasaŋa ke esit.

ŊWED MBON COLOSSAE 3:10

ema enyuŋ esine obufa owo, emi ediɔŋde diɔŋ enam enye edi obufa, enyene mbiet Andibot enye, man enye ɔfiɔk ŋkpɔ;

TITUS 3:5

itoho ke ŋkpɔ eke nnyin inamde ke edinen ido, edi oto ke mbɔm Esie ke Enye akanyaŋa nnyin, ɔtɔŋɔ ntak obot nnyin ke eriyet nnyin isana,

JAMES 1:8

enye edi owo esit iba, eke minyeneke nsɔŋɔ-nda ke kpukpru usuŋ esie.

JOSHUA 14:14

Mmɔdo Hebron akabarede edi udeme Caleb eyen Jephenneh eyen Kenaz, tutu osim mfin emi: koro enye okotimde nditiene Jehovah Abasi Israel.

1 PETER 1:22

Sia mbufo ema ekeda nsuk-ibuot enɔ akpanikɔ enam ukpɔŋ mbufo esana, ekeme ndinyene ata ima nditɔ-ete, esɔŋɔ ema kiet eken ke ofuri esit.