ŊWED MME PSALM 5:11 - Edisana ñwed Abasi Ibom

¹¹ Ndien kpukpru mmɔ eke ebuɔtde idem ye afo eyedat esit: mmɔ eyedara ke nsinsi, afo eyenyuŋ ekpeme mmɔ: ndien mmɔ eke emade enyiŋ fo eyedara fi.

ŊWED MME PSALM 5:11 ပူးပေါင်းရင်းမြစ်များ

ŊWED JOB 38:7

Ke ini mme ntantafiɔŋ usen-ubɔk ekwɔde uyo kiet, kpukpru nditɔ Abasi enyuŋ esiode mkpo.

ŊWED MME PSALM 2:12

Etim Eyen inua, mbak Enye ediyat esit, ndien mbufo ebiara ke usuŋ, koro ke ini esisit iyaresit esie eyesak. Ɔfɔfɔn ɔnɔ kpukpru mmɔ eke ebuɔtde idem ye Enye.

ŊWED MME PSALM 35:27

Yak mmɔ eke emade edinen ikɔ mi ekwɔ enyuŋ edara; yak mmɔ enyuŋ edɔhɔ kpukpru ini, ete, Yak ekpono Jehovah, emi amade ifure owo esie.

ŊWED MME PSALM 40:16

Kpukpru mmɔ eke eyomde fi eyebre enyuŋ edara fi: mmɔ eke emade erinyaŋa fo eyesuk edɔhɔ kpukpru ini, ete, Ekpono Jehovah.

ŊWED MME PSALM 58:10

Edinen owo eyedara, koro enye okutde usiene: enye eyeyet ikpat esie ke iyip mme idiɔk owo.

ŊWED MME PSALM 65:13

ibokpot onyuŋ esine mme itihere; mmɔ esio mkpo idara, enyuŋ ekwɔ ikwɔ.

ŊWED MME PSALM 68:3

Ndien nti owo eyedara; mmɔ eyesio mkpo ke iso Abasi: enyuŋ ebre ke idaresit.

ŊWED MME PSALM 69:36

Ndien ubon ikɔt esie eyedia enye; mmɔ eke emade enyiŋ esie eyenyuŋ eduŋ ke esit.

ZECHARIAH 9:9

O adiaha Zion, dat esit eti-eti; sio mkpo idara, O adiaha Jerusalem: sese, edidem fo eyedi ke ɔtɔ fo; enye enen, onyuŋ onim idem ke andinyaŋa; enye edi suŋ-suŋ, onyuŋ odoro ke ass, ye ke abak ass, eyen uman ass.

ŊWED MBON ROME 8:28

Edi imɔfiɔk ite kpukpru ŋkpɔ esaŋa ɔtɔ kiet enam ufɔn enɔ mmɔ eke emade Abasi, kpa mmɔ emi ekotde nte ekemde ye uduak Esie.

1 ŊWED CORINTH 2:9

Edi nnyin itiŋ, nte ewetde ete, Se enyin mikekwe, utɔŋ mikonyuŋ ikopke, Se minyuŋ idukke owo ke esit ndikere, Ŋkpɔ ekededi eke Abasi ekebeŋede onim ɔnɔ mmɔ emi emade Enye.

JAMES 1:12

Ɔfɔn ye owo eke ɔsɔŋɔde ada ke idomo, koro ke ema ekedomo enye efiɔk ete ɔfɔn, eyenɔ enye anyanya uwem, emi Ɔbɔŋ ɔkɔ-ŋwɔŋɔde ndinɔ mmɔ emi emade Enye.

JAMES 2:5

Ekop, ndima nditɔ-ete mi; nte Abasi ikemekke mmɔ emi ebuenede ke ŋkpɔ ererimbot emi, ite mmɔ eforo ke mbuɔtidem, enyuŋ enyene Obio Ubɔŋ emi Enye ɔkɔŋwɔŋɔde ndinɔ mmɔ emi emade Enye?

ERIYARARE 18:20

Edara ebaŋa enye O heaven, ye mbufo nti ikɔt Abasi ye mme apostle ye mme prophet, koro Abasi ama ekpe ikpe ibuot mbufo ye enye.

JUDGES 5:31

O Jehovah, nam kpukpru mme asua fo etak ntem! Edi mmɔ eke emade enye ebiet nte utin asiahade ke odudu esie. Ndien isɔŋ ana suŋ ke ofuri isua aba.