ŊWED MME PSALM 47:5 - Edisana ñwed Abasi Ibom

⁵ Abasi ɔmɔdɔk ke mkpo idara, Jehovah, ke uyom ukorowo.

ŊWED MME PSALM 47:5 ပူးပေါင်းရင်းမြစ်များ

2 SAMUEL 6:15

Ntre ke David ye ofuri ufɔk Israel eda ekebe Jehovah edɔk ke mkpo idara, ye ke uyom ukorowo.

1 CHRONICLES 15:24

Shebaniah ŋko, ye Joshaphat, ye Nethanel, ye Amasai, ye Zechariah, ye Benaiah, ye Eliezer, mme oku, edi mme andifuri ukorowo ke iso ekebe Abasi; Obed-edom ye Jehiah enyuŋ edi mme etie-usuŋ ke eke ekebe.

1 CHRONICLES 15:28

Ofuri Israel enyuŋ eda ekebe ediomi Jehovah edɔk ke mkpo, ye ke uyom obukpoŋ, ye ukorowo, ye cymbal, ke enam uyom ke psaltery, ye ke harp.

1 CHRONICLES 16:42

Heman, ye Jeduthun ŋko ye mmɔ, ete enam uyom ke ukorowo, ye ke cymbal, ye ke ikwɔ, eno Abasi. Nditɔ-iren Jeduthun ŋko enyuŋ etie ke usuŋ.

ŊWED MME PSALM 150:3

Etoro enye ke uyom ukorowo; Etoro enye ke psaltery ye harp.

ŊWED MME PSALM 68:33

Ekwɔ enɔ Enye emi odoroke ke akani enyɔŋ eset; sese, Enye ke osioro uyo, ɔkpɔsɔŋ uyo.

ŊWED MME PSALM 78:65

Ndien Ɔbɔŋ edemere nte owo eke edede idap, nte owo uko adatde esit ke wine.

ŊWED MME PSALM 81:3

Mbufo efuri ukorowo ke obufa ɔfiɔŋ, ke ɔyɔhɔ ɔfiɔŋ, ke usen usɔrɔ nnyin.

ŊWED MME PSALM 98:6

Eda ukorowo ye uyo obukpoŋ edara ke iso Jehovah edidem.

EZEKIEL 20:6

Ke usen oro ke ŋkemenere ubɔk mi nnɔ mmɔ, nte, Nyesioŋo mmɔ ke isɔŋ Egypt, nda nduk ke isɔŋ emi ŋkeyepde nnɔ mmɔ, emi ɔfiɔrɔde mmɔŋ eba ye aran-ɔkwɔk; enye eyekan kpukpru mme idut.

AMOS 8:7

Jehovah otomo iseri Jacob, ete, Ndifreke baba ŋkpɔ kiet eke mmɔ enamde tutu amama.

MALACHI 2:3

Sese, nyeduari mkpasip mbaŋa mbufo; nnyuŋ ntiam ifuɔ nduɔk mbufo ke iso, kpa ifuɔ usɔrɔ mbufo; ndien owo eyemen mbufo efep ɔkɔrɔ ke esit.

NUMBERS 23:21

Enye isehe idiɔk ke Jacob, inyuŋ ikwe ŋkwaŋa ke Israel: Jehovah Abasi esie odu ye enye, mkpo edidem onyuŋ odu ke otu mmɔ.

1 ŊWED CORINTH 15:52

ke idaha kiet, ke eriyip enyin kiet, ke adaŋemi edifride akpatre ukorowo. Koro eyefri ukorowo, ndien eyenam mme akpa-mkpa eset nte mmɔ midikemeke ndibiara aba, eyenyuŋ ekpuhɔre nnyin.

1 ŊWED THESSALONICA 4:16

Koro Ɔbɔŋ ke Idem Esie eyeto ke heaven ɔsuhɔre ye mkpo, ye uyo archangel, ye ukorowo Abasi; ndien mmɔ emi ekpaŋade ke Christ eyebem iso eset:

1ŊWED TIMOTHY 3:16

Owo ikemeke ndineni ete ido Abasi edi akwa ndibe-ŋkpɔ; Edi Enye emi akayararede Idem Esie ke obukidem; Ewut Enye nte edinen ke Spirit; Enye owut idem ɔnɔ mme angel; Ekwɔrɔ Enye ke otu mme idut, Ebuɔt idem ye Enye ke ererimbot. Emen Enye edɔk ke ubɔŋ.

JOSHUA 6:5

Ndien ama ekem, adaŋemi efuride obukpoŋ, ke mbufo ekopde uyo ukorowo oro, yak kpukpru owo efiori akamba mfiori; ndien ibibene obio eyeduɔ ke itie esiemɔ, ndien yak kpukpru owo eneŋere iso edɔk.

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.