ŊWED MME PSALM 45:2 - Edisana ñwed Abasi Ibom

² Afo emeye akan nditɔ owo: emeŋwaŋa uyai esin fi ke mkpɔk-inua: mmɔdo Abasi ɔmɔdiɔŋ fi ke nsinsi.

ŊWED MME PSALM 45:2 ပူးပေါင်းရင်းမြစ်များ

ŊWED MME PSALM 21:6

Koro afo eyenim enye ke ŋkpɔ eridiɔŋ ke nsinsi; eyenam enye adat esit ke iso fo.

MME ŊKE 22:11

Owo eke amade edisana esit, eke mfɔn odude enye ke inua, edidem edi ufan esie.

MME ŊKE 5:2

Man afo ekpeme nti ekikere, man mkpɔk-inua fo ŋko enim ifiɔk.

IKWƆ SOLOMON 2:3

Nte apple ke otu eto akai, kpa ntre ke ama mi etie ke otu mkparawa. Mmama nditie ke mfut esie, mfri esie onyuŋ eniŋe mi ke nsiŋ.

ISAIAH 33:17

Enyin fo eyese edidem ke uyai esie; eyekut anyan idut.

ISAIAH 50:4

Ɔbɔŋ Jehovah ɔmɔnɔ mi edeme mmɔ eke ekpepde ŋkpɔ, man mfiɔk ndida ikɔ ŋŋwam mmɔ eke ekpade mba: enye eyedemere, eyedemere mi utɔŋ kpukpru usen-ubɔk, man ŋkop kpa nte mmɔ eke ekpepde ŋkpɔ.

ISAIAH 61:1

SPIRIT Ɔbɔŋ Jehovah odoro mi: koro, Jehovah emeyet mi aran onim, man mbuk eti mbuk nnɔ mbon nsuk-esit; ɔmɔdɔŋ mi, ete mbɔp mmɔ eke esit mmɔ ɔbuŋɔde, ŋkwɔrɔ uwɔrɔ-ufin nnɔ mbuot ekɔŋ, ŋkwɔrɔ nsana-nyak nnɔ mmɔ eke ekɔbide;

ZECHARIAH 9:17

Koro enye ɔfɔn didie! enye onyuŋ eye didie! Ibokpot eyenam mkparawa ekɔri, obufa wine eyenyuŋ anam nditɔ-iban ekpon.

MATTHEW 17:2

ndien mbiet Esie ɔkpuhɔre ke iso mmɔ; iso Esie asiaha nte utin, edisine-ŋkpɔ Esie onyuŋ akabare afia nte uŋwana.

LUKE 4:22

Kpukpru mmɔ enyuŋ edi ntiense enɔ Enye, enyuŋ edu ke mkpa-idem ndikop ikɔ mfɔn eke ewɔŋɔde Enye ke inua: mmɔ nyuŋ edɔhɔ ete, Nte Enye emi idige eyen Joseph?

JOHN 1:14

Ndien IKƆ akabare edi obukidem onyuŋ oduŋ ye nnyin (nnyin inyuŋ ikut ubɔŋ Esie, utɔ ubɔŋ emi ikpɔŋ eyen ɔbɔde ke ubɔk ete) ɔyɔhɔ ye mfɔn ye akpanikɔ.

JOHN 7:46

Mme isuŋutom ebɔrɔ ete, Akananam owo itiŋke ikɔ nte owo emi.

MME HEBREW 7:26

Emi edi oruk Akwa Oku emi ekemde ye nnyin, emi asanade, minyeneke ŋkari, minyuŋ iduehe, emi misaŋake ye mme anam-idiɔk, emi ema enyuŋ emen enim okoŋ akan mme heaven;