ŊWED MME PSALM 42:5 - Edisana ñwed Abasi Ibom

⁵ Ukpɔŋ mi, nsinam afo ɔfuhɔde, onyuŋ etimerede mi ke idem? Dori enyin ye Abasi; koro nyesuk ŋkɔm enye ke erinyaŋa iso esie.

ŊWED MME PSALM 42:5 ပူးပေါင်းရင်းမြစ်များ

ŊWED JOB 13:15

Sese, mme enye eyewot mi: nnyeneke idorienyin, edi nyekaŋ ido mi ke iso esie.

ŊWED MME PSALM 35:14

Ŋkasaŋa nte enye ekpedide ufan mi ye eyen-eka mi: nnuhɔ, ntie mbukpisi nte owo eke atuade eka esiemɔ.

ŊWED MME PSALM 37:7

Dop uyo nɔ Jehovah, nyuŋ bet enye, kuyat esit ubaŋa owo eke okutde unen ke usuŋ esie, ubaŋa owo eke anamde idiɔk uduak.

ŊWED MME PSALM 38:6

Mmɔtuhɔ; mmɔnuhɔ eti-eti; nsaŋa ntua kpukpru ini.

ŊWED MME PSALM 42:11

O ukpɔŋ mi, nsinam afo ɔfuhɔde? Nsinyuŋ inam afo etimerede mi ke idem? Dori enyin ye Abasi: koro nyesuk ntoro enye, kpa erinyaŋa iso mi, ye Abasi mi.

ŊWED MME PSALM 43:5

O Ukpɔŋ mi, nsinam afo ɔfuhɔde? Nsinyuŋ inam afo etimerede mi ke idem? dori enyin ye Abasi; koro nyesuk ŋkɔm enye, erinyaŋa iso mi, ye Abasi mi.

ŊWED MME PSALM 44:3

koro midige ofut mmɔ ke mmɔ eda ebɔ isɔŋ enyene, minyuŋ idige ubɔk mmɔ anyaŋa mmɔ: koro edide ita nnasia fo, ye ubɔk fo, ye uŋwana iso fo, koro afo amade mmɔ.

ŊWED MME PSALM 56:11

Mmɔbuɔt idem mi ke Abasi: ndik idinamke mi. Nso ke owo ekeme ndinam mi?

ŊWED MME PSALM 56:3

Ke usen eke ndik anamde mi, nyebuɔt idem mi ye afo.

ŊWED MME PSALM 61:2

Nyetie ke utit ererimbot mfiori ŋkot fi, ke ini esit mi ɔfuhɔde: da mi ka akwa itiat emi okoŋde akan mi.

ŊWED MME PSALM 71:14

Edi ami nyedori enyin kpukpru ini, nnyuŋ nnam ofuri itoro fo ɔdɔdiɔŋ aka iso.

ŊWED MME PSALM 77:3

Nti Abasi, ndien ntua: ntie ŋkere, ndien ukpɔŋ akpa mi. [Selah.]

ISAIAH 30:29

mbufo eyekwɔ ikwɔ kpa nte ke okoneyo eke enimde ederi; esit eyenyuŋ adat mbufo, nte owo emi etienede ifium asaŋa aka obot Jehovah, etiene akwa itiat Israel.

ISAIAH 50:10

Anie ke otu mbufo abak Jehovah, okop uyo owo esie? Yak owo eke asaŋade ke ekim, ndien minyeneke uŋwana, ɔbuɔt idem esie ke enyiŋ Jehovah, onyuŋ ebere edem ye Abasi esie.

NUMBERS 6:26

Jehovah akam enen iso ye afo, onyuŋ ɔnɔ fi ifure.

MATTHEW 1:23

Sese, eyenɔwɔŋ aŋwan eyeyomo, onyuŋ aman eyeneren; Enyeyuŋ esio enye enyiŋ Immanuel, oro ɔwɔrɔ ete, Abasi ke ododu ye nnyin.

MATTHEW 26:38

Ekem Enye ɔdɔhɔ mmɔ ete, Ukpɔŋ Mi ɔfuhɔ eti-eti ekpere ndikpa; mbufo etie mi, ekpeme ye Ami.

MATTHEW 28:20

enyuŋ ekpep mmɔ enam kpukpru ŋkpɔ eke ŋketemede mbufo: ndien sese, Ami ndodu ye mbufo kpukpru ini, tutu osim utit ererimbot. Amen.

1 SAMUEL 30:6

ndien David etie ke ata itie ukut: koro kpukpru owo edɔhɔde ete itɔŋɔ enye ke itiat; koro esit ayatde kpukpru owo abaŋa nditɔ mmɔ iren ye iban: edi David ɔsɔŋɔ esit esie ke Jehovah Abasi esie.