ŊWED MME PSALM 42:2 - Edisana ñwed Abasi Ibom

² Itɔŋ Abasi, kpa eke Abasi uwem, amasat mi ukpɔŋ; ke ini ewe ke ndikeme ndika ŋkowut Abasi idem mi?

ŊWED MME PSALM 42:2 ပူးပေါင်းရင်းမြစ်များ

ŊWED JOB 23:3

Ŋkpa-kam mfiɔk nnyuŋ ŋkut enye, ŋkposim kpa ebiet esiemɔ.

ŊWED MME PSALM 27:4

Mmebeŋe Jehovah ŋkpɔ kiet, ndien nyeyom enye; nte nduŋ ke ufɔk Jehovah ke ofuri uwem mi, man nse uyai Jehovah, nnyuŋ ntim mbup ke temple esie.

ŊWED MME PSALM 43:4

Ndien nyeka ke itie-uwa Abasi, kpa Abasi ata idaresit mi: nyeda harp ŋkɔm fi, O Abasi, Abasi mi.

ŊWED MME PSALM 63:1

O ABASI, afo edi Abasi mi; nyebak nyom fi. Itɔŋ fo ɔdɔŋ mi ukpɔŋ, obukidem mi oyoyom fi ke isɔŋ nsat ye mba, eke mmɔŋ miduhe;

ŊWED MME PSALM 63:3

Koro ima fo ɔfɔnde akan uwem, mkpɔk-inua mi eyetoro fi.

ŊWED MME PSALM 84:10

Koro usen kiet ke okure fo ɔmɔfɔn akan tɔsin. Mmemek ndida ke asaŋ-udɔk ke ufɔk Abasi mi, akan ndiduŋ ke mme tent mme oburobut owo.

ŊWED MME PSALM 84:2

Okure Jehovah ɔdɔŋ mi ukpɔŋ tutu akpa mba; esit mi ye obukidem mi ekwɔ enɔ Abasi uwem.

ŊWED MME PSALM 84:4

Ɔfɔfɔn ɔnɔ mmɔ eke eduŋde ufɔk fo: mmɔ eyesuk etoro fi. [Selah.]

ŊWED MME PSALM 84:7

Mmɔ eda nsɔŋ-idem edediɔŋ eka iso; kpukpru mmɔ ebiɔŋɔre ke iso Abasi ke Zion.

EXODUS 23:17

Yak kpukpru irenowo fo ewut Ɔbɔŋ Jehovah idem mmɔ utim ikata ke isua.

ISAIAH 26:8

Nnyin ŋko imebet fi, O Jehovah, ke usuŋ mme ikpe fo; enyiŋ fo, ye se edade eti fi, edɔŋ nnyin ke ukpɔŋ.

JEREMIAH 10:10

Edi Jehovah edi Abasi akpanikɔ, Abasi uwem, ye nsinsi Edidem: iyaresit esie enyeŋe ererimbot, mme idut inyuŋ ikemeke ndida ifuresit esie.

JEREMIAH 2:13

Koro ikɔt mi emenam idiɔk ŋkpɔ iba; emekpɔŋ mi idim mmɔŋ uwem, enyuŋ etibi obube enɔ idem mmɔ, kpa ndisiaha obube eke mikamake mmɔŋ.

DANIEL 6:26

Mmowuk ewuhɔ nte ke kpukpru ebiet eke ndide ɔbɔŋ ye edidem, yak owo ebak enyuŋ efehe Abasi Daniel: koro edi enye edi Abasi uwem, enye onyuŋ ebigi ke nsinsi, ubɔŋ esie onyuŋ edi se midibiarake, ndien enye eyedi edidem ke nsinsi.

JOHN 5:26

Koro kpa nte Ete enyenede uwem ke Idem Esie, suk ntre ke Enye ɔkɔnɔ Eyen ndinyene uwem ke Idem Esie ŋko.

JOHN 7:37

Edi ke akpatre usen, usɔrɔ, Jesus adaha ofiori ete, Edieke owo ekededi okopde nsat-itɔŋ, yak enye etiene Mi ediŋwɔŋ.

1 ŊWED THESSALONICA 1:9

Mme owo ke idem mmɔ etaŋa oruk eriduk eke nnyin ikodukde ke otu mbufo; ye nte mbufo ekɔkpɔŋde ndem ewɔŋɔre etiene Abasi, ete inam ŋkpɔ inɔ Ata Abasi emi odude uwem,

JOSHUA 3:10

Ndien Joshua ɔdɔhɔ ete, Ntem ke mbufo edifiɔk ete ke Abasi uwem odudu ke ufɔt mbufo, idinyuŋ itreke ndibin mme Canaanite, ye mme Hittite, ye mme Hivite, ye mme Perizzite, ye mme Girgashite, ye mme Amorite, ye mme Jebusite, ke iso mbufo mfep.

ERIYARARE 22:1

EKEM angel owut mi akpa mmɔŋ uwem, emi asakde nte crystal, emi otode ke ebekpo Abasi ye eke Eyen-erɔŋ, asaŋa ebe ke ufɔt efak obio.