ŊWED MME PSALM 3:8 - Edisana ñwed Abasi Ibom

⁸ Erinyaŋa edi ŋkpɔ Jehovah; afo ɔmɔdiɔŋ ikɔt fo. [Selah.]

ŊWED MME PSALM 3:8 ပူးပေါင်းရင်းမြစ်များ

2 SAMUEL 23:12

Edi enye adaha ada ke ufɔt iŋwaŋ oro, osio mmɔ efep ke esit, onyuŋ owot mme Philistine: Jehovah onyuŋ anam akamba erinyaŋa.

ŊWED MME PSALM 119:94

Ami ndi okuomɔ, nyaŋa mi: koro mmoyom item fo.

ŊWED MME PSALM 29:11

Jehovah enenɔ ikɔt esie odudu; Jehovah eyeda emem ɔdiɔŋ ikɔt esie.

ŊWED MME PSALM 31:16

Nam iso fo ayama ɔnɔ owo fo: nyaŋa mi ke ima fo.

ŊWED MME PSALM 58:7

Yak mmɔ etara nte mmɔŋ, yak mmɔ enyɔŋɔ ekemɔ: yak enye etiga idaŋ, kpa nte edide ikpom.

ŊWED MME PSALM 72:17

Enyiŋ esie eyedu ke nsi nsi; enyiŋ esie eyebigi adaŋa ini nte utin ayamade: eyeda enye ediɔŋ idem mmɔ: kpukpru mme idut eyedɔhɔ ete ɔfɔn ye enye.

ŊWED MME PSALM 9:20

O Jehovah, nam mmɔ edige: nam mme idut efiɔk ete ke mmimɔ idi owo. [Selah.]

MME ŊKE 21:31

Ediɔŋ horse ebeŋe usen ekɔŋ: edi erinyaŋa oto Jehovah.

ISAIAH 43:11

Ami, ami ndi Jehovah; ndien baba andinyaŋa kiet iduhe ke mibɔhɔke ami.

JEREMIAH 3:23

Ke akpanikɔ ŋkpri obot ye akwa otu ikpɔ obot edi ŋkpɔ nsu: ke akpanikɔ erinyaŋa Israel odu ke Jehovah Abasi nnyin.

HOSEA 13:4

Ndien edi ami ŋkedi Jehovah Abasi fo toto ke isɔŋ Egypt; kufiɔk ndien Abasi ke mibɔhɔke ami: koro baba andinyaŋa kiet miduhe ikɔrɔ ye ami.

JONAH 2:9

Ndien ami nyeda uyo ekɔm ŋwa uwa nnɔ fi; nyesio se ŋkakaŋade. Erinyaŋa enyene Jehova.

NUMBERS 10:35

Edikem, ke ini ekebe adahade, Moses ɔdɔhɔ ete, Daha ke enyɔŋ, O Jehovah, nyuŋ yak mme asua fo esuana; yak mmɔ eke esuade fi enyuŋ efeŋe itɔk ke iso fo.

UTOM MME APOSTLE 3:26

Sia Abasi ama akanam Owo Esie adaha ada, Enye ebem iso ɔdɔŋ Enye ete edidiɔŋ mbufo, ke erinam mbufo kpukpru ewɔŋɔre ekpɔŋ mme idiɔk-ŋkpɔ mbufo.

UTOM MME APOSTLE 4:12

Erinyaŋa inyuŋ itoho ke baba owo kiet efen: koro enyiŋ baba kiet efen inyuŋ iduhe eke enɔde ke otu owo ke idak ikpa-enyɔŋ, eke enyenede ndida nnyana nnyin.

ŊWED MBON EPHESUS 1:3

Itoro enyene Abasi ye Ete Ɔbɔŋ nnyin Jesus Christ, emi akadade kpukpru ŋkpɔ mfɔn eke spirit ke mme itie heaven ɔdiɔŋ nnyin ke Christ.

MME HEBREW 6:14

Enye otomo Idem Esie, ete, Ke akpanikɔ nditreke tre ndidiɔŋ fi nnyuŋ nnam fi ɔtɔt.

1 PETER 3:9

Ekuda idiɔk esio usiene idiɔk; ekunyuŋ esuŋi owo ke ini esuŋide mbufo; edi ekam ediɔŋ mmɔ. Koro ekekot mbufo ete edinam emi, man mbufo eda eridiɔŋ enyene.

ERIYARARE 19:1

KE ŋkpɔ emi ema ekebe, ŋkop se ibietde uyo akwa otu owo nte ɔdɔhɔde ke heaven, ete, Hallelujah; Erinyaŋa, ye ubɔŋ, ye ukeme enyene Abasi nnyin:

ERIYARARE 7:10

mmɔ enyuŋ efiori ke ɔkpɔsɔŋ uyo, ete, Yak erinyaŋa enyene Abasi nnyin emi etiede ke ebekpo, Onyuŋ enyene Eyen-erɔŋ.