ŊWED MME PSALM 3:7 - Edisana ñwed Abasi Ibom

⁷ Daha ke enyɔŋ O Jehovah; nyaŋa mi, O Abasi mi: koro afo ama oyibi kpukpru mme asua mi ke mbaŋ; ama obuŋ mme idiɔk owo edet.

ŊWED MME PSALM 3:7 ပူးပေါင်းရင်းမြစ်များ

2 SAMUEL 18:8

Ekɔŋ oro onyuŋ ofuk ofuri iso isɔŋ: akai onyuŋ adia ediwak owo akan se ofut atade ke usen oro.

ŊWED JOB 16:10

Mmɔ eŋwaŋade inua mmɔ ese mi; etɔ mi ke mfuk oburobut: esop idem ɔtɔ kiet enam ikɔ ye ami.

ŊWED JOB 29:17

Nnyuŋ mbuŋ idiɔk owo edet; nnyuŋ nsio enye se enye omumde mfep ke edet.

ŊWED MME PSALM 10:12

Daha ke enyɔŋ, O Jehovah, menere ubɔk fo ke enyɔŋ, O Abasi: kufre mbon ukut.

ŊWED MME PSALM 12:5

Jehovah ɔdɔhɔ ete, Ke emi ke ndidaha ke enyɔŋ, mbaŋa ufik mbon ukut, mbaŋa mmum mme ubuene; nyeda enye nsin ke ifure emi enye oyomde eti-eti.

ŊWED MME PSALM 27:3

Ekpedi eke mbon-ekɔŋ enamde nna-ekɔŋ ke ɔtɔ mi, esit mi idifeheke ndik: ekpedi eke ekɔŋ otibede oyom mi, nyebuɔt idem ke ŋkpɔ emi.

ŊWED MME PSALM 35:23

Men idem, nyuŋ demere kpe ikpe mi, O Abasi mi, ye Ɔbɔŋ mi, biere ikɔ mi.

ŊWED MME PSALM 44:23

O Ɔbɔŋ, men idem, nsinam afo edede idap? Demere, kuduɔk nnyin ke nsinsi.

ŊWED MME PSALM 58:6

O Abasi, nuak mmɔ edet ke inua: O Jehovah, bom akwa edet mkparawa lion.

ŊWED MME PSALM 59:5

Demere, disobo ye ami, nyuŋ se. Ndien afo, O Jehovah Abasi mme udim, Abasi Israel, demere, nyuŋ ka kese kpukpru mme idut: kutua baba owo mmɔ kiet emi enamde idiɔk ke abiaŋa mbɔm. [Selah.]

ŊWED MME PSALM 6:4

Fiak edem, O Jehovah, sio ukpɔŋ mi ke ukut: O nyaŋa mi baŋa ima fo.

ŊWED MME PSALM 7:6

O Jehovah, daha ke enyɔŋ ke iyaresit fo, men idem fo ke otu ifuresit mme asua mi: nyuŋ demere baŋa mi: afo omonim ikpe.

ŊWED MME PSALM 74:11

Nsinam afo adade ubɔk fo ye nnasia fo efep? Sio ke ikpanesit fo nam ma.

ŊWED MME PSALM 76:9

ke ini Abasi adahade ke enyɔŋ ndikpe ikpe, nnyuŋ nnyaŋa kpukpru suŋ-suŋ owo ke isɔŋ. [Selah.]

ISAIAH 51:9

Demere, demere, sine odudu, O ubɔk Jehovah; demere, kpa nte ke eyo oko, ke emana eset. Nte idige afo edi enye emi okokpokde Rahab mbio-mbio, okonyuŋ owotde dragon?

ŊWED ESEME 3:30

Ayak mfuk esie ɔnɔ owo eke amiade enye: esuene ɔyɔhɔ enye ke idem.

HABAKKUK 2:19

Osuk ɔdɔdiɔk ɔnɔ owo eke ɔdɔhɔde eto, ete, Demere! men Idem! ɔdɔhɔ imum itiat, ete, Enye eyeteme! Sese, mmɔ ekubi enye gold ye silver;