ŊWED MME PSALM 3:4 - Edisana ñwed Abasi Ibom

⁴ Nda uyo mi mfiori ŋkot Jehovah, Ndien enye etie ke edisana obot esie eyere mi. [Selah.]

ŊWED MME PSALM 3:4 ပူးပေါင်းရင်းမြစ်များ

GENESIS 15:1

KE ŋkpɔ emi ema ekebe, ikɔ Jehovah osim Abram ke ŋkukut, ete, Kufehe ndik, Abram: Ami ndi otu ekɔŋ fo, utip fo awak eti-eti.

ŊWED MME PSALM 119:114

Afo edi ebiet-udibe mi ye otu-ekɔŋ mi: mmebet uyo fo.

ŊWED MME PSALM 138:3

Ke usen emi nsemede nnɔ fi, afo ama eyere mi, anam mi ndaha uko ɔkpɔsɔŋ ke ukpɔŋ mi.

ŊWED MME PSALM 18:3

Nyeseme nnɔ Jehovah, emi ekpetorode; ndien eyenyaŋa mi esio mme asua mi ke ubɔk.

ŊWED MME PSALM 2:6

Ndien edi ami mmonim edidem mi ke enyɔŋ Zion edisana obot mi.

ŊWED MME PSALM 27:6

Ndien ke emi ke ibuot mi edikoŋ akan mme asua mi emi ekande mi ekuk: ndien nyewa uwa idara ke tent esie: nyekwɔ nnyuŋ ntoro Jehovah.

ŊWED MME PSALM 28:7

Jehovah edi odudu mi, ye otu-ekɔŋ mi; esit mi ebere enye, ndien enye eyenyaŋa mi: esit mi onyuŋ adara; ndien nyeda ikwɔ mi ntoro enye.

ŊWED MME PSALM 34:4

Ŋkoyom Jehovah, ndien enye eyere mi, onyuŋ osio mi ke kpukpru se ndigede.

ŊWED MME PSALM 34:6

Eyen ukut emi ekeseme, ndien Jehovah okop, onyuŋ anyaŋa enye osio ke kpukpru nnanenyin esie.

ŊWED MME PSALM 43:3

O dɔŋ uŋwana fo ye akpanikɔ fo utom; mmɔ eyeda mi usuŋ; eyeda mi edi ke edisana obot fo, ye ke iduŋ fo.

ŊWED MME PSALM 50:15

nyuŋ sio mme akaŋa fo nɔ Ata Edikoŋ. Ndien seme nɔ mi ke usen ukut: nyebabare fi mbaba, ndien afo eyekpono mi.

ŊWED MME PSALM 62:8

Mbufo kpukpru owo, ebuɔt idem ye enye kpukpru ini; enwaŋa esit mbufo ke iso esie: Abasi edi ebiet ubɔhɔ nnyin. [Selah.]

ŊWED MME PSALM 84:12

O Jehovah mme udim, ɔfɔfɔn ɔnɔ owo eke ɔbuɔtde idem esie ye afo.

ŊWED MME PSALM 89:19

Ke ini oro afo ɔkɔdɔhɔde ye mbon-ima fo ke ŋkukut, ete, Mmada erinyaŋa ndori owo uko ke idem; mmosio ata owo ke otu mbio-obio mmenere nnim ke enyɔŋ.

ŊWED MME PSALM 91:15

Enye eyeseme ɔnɔ mi, ndien nyeyere enye. Nda ye enye ke itie ukut; nyenyaŋa enye, nnyuŋ ŋkpono enye.

ŊWED MME PSALM 99:9

Mbufo ekpono Jehovah Abasi nnyin, enyuŋ etuak ibuot ke edisana obot esie; koro Jehovah Abasi nnyin edide edisana.

MME ŊKE 2:7

Enye onim ifure ɔnɔ mbon edinen ido, onim otu-ekɔŋ ɔnɔ mmɔ eke esaŋade nte ɔfɔnde ama.

ISAIAH 65:24

Ndien ama ekem, ke mmɔ mika-ikotke kaŋa, ami nyeyere: ke mmɔ esuk edɔhɔde ikɔ, ami nyekop.

ŊWED ESEME 3:56

Afo okokop uyo mi: kufak utɔŋ fo ke eseme mi, ye ntuaŋa mi.

MATTHEW 7:7

Ebeŋe, ndien eyenɔ mbufo; eyom, ndien mbufo eyekut; etuak, ndien eyesio usuŋ enɔ mbufo:

JAMES 5:13

Nte owo okut ukut ke otu mbufo? Yak enye ɔbɔŋ akam. Nte owo odu ke inemesit? yak enye ɔkwɔ ikwɔ itoro.