ŊWED MME PSALM 27:6 - Edisana ñwed Abasi Ibom

⁶ Ndien ke emi ke ibuot mi edikoŋ akan mme asua mi emi ekande mi ekuk: ndien nyewa uwa idara ke tent esie: nyekwɔ nnyuŋ ntoro Jehovah.

ŊWED MME PSALM 27:6 ပူးပေါင်းရင်းမြစ်များ

GENESIS 40:13

ayak usen ita Pharaoh eyemenere ibuot fo, eyenyuŋ ada fi afiak esin ke itie fo: ndien afo eyenɔ Pharaoh cup esie ke ubɔk nte akanamde ke akpa, ke ini afo ekedide andikama - wine esie.

GENESIS 40:20

Edikem, ke ɔyɔhɔ usen ita, usen emana Pharaoh, ndien enye etem akwa udia ɔnɔ kpukpru ikɔt esie: onyuŋ emenere ibuot etubom mme andikama - wine, ye ibuot etubom mme andinam-uyo ke otu ikɔt esie.

2 SAMUEL 22:1

EKEM David ada ikɔ ikwɔ etiŋ ɔnɔ Jehovah, ke usen oro Jehovah okosiode enye ke ubɔk kpukpru mme asua esie, ye ke ubɔk Saul;

2 SAMUEL 22:49

Onyuŋ osio mi ke ubɔk mme asua mi: onyuŋ ofori mi akan mmɔ emi edahade ke enyɔŋ eyom mi ikɔ; afo anyaŋa mi osio mbon afai ke ubɔk.

2 SAMUEL 7:9

mma nnyuŋ ndu ye afo ke kpukpru ebiet emi afo akade, nnyuŋ nsibe kpukpru mme asua fo mfep ke iso fo, nnyuŋ nnam akamba enyiŋ nnɔ fi, eke ebietde enyiŋ ikpɔ owo emi ekedude ke ererimbot.

2 NDIDEM 25:27

Edikem ke ɔyɔhɔ isua edip ye efureba nte ekemen Jehoaichin edidem Judah efep, ke ɔyɔhɔ ɔfiɔŋ duopeba, ke ɔyɔhɔ usen edip ye itiaba ke ɔfiɔŋ, Evil-mero-dach edidem Babylon, ke isua oro enye adade ubɔŋ, emenere Jehoiachin edidem Judah ibuot, osio ke ufɔk ŋkpɔkɔbi:

1 CHRONICLES 22:18

Nte Jehovah Abasi mbufo iduhe ye mbufo? nte enye ikɔnɔŋɔ mbufo nduɔk-odudu ikan ikuk? koro enye ama ada mme andiduŋ isɔŋ esin mi ke ubɔk; isɔŋ onyuŋ osuk ibuot ke iso Jehovah, ye ke iso ikɔt esie.

ŊWED MME PSALM 107:22

Yak mmɔ enyuŋ ewa mme uwa ekɔm, enyuŋ etaŋa mme ese esie ke ikwɔ.

ŊWED MME PSALM 110:7

Enye eyeŋwɔŋ mmɔŋ ke idim ke (mben) usuŋ, mmɔdo enye edimenerede ibuot ke enyɔŋ.

ŊWED MME PSALM 119:108

Mbɔk, yak mme uwa ima inua mi enem fi, O Jehovah, nyuŋ kpep mi mme ikpe fo.

ŊWED MME PSALM 138:5

Mmɔ eyenyuŋ ekwɔ ke usuŋ Jehovah: koro ubɔŋ Jehovah omokpon.

ŊWED MME PSALM 21:1

O JEHOVAH, edidem eyedat esit ke odudu fo; adaŋa didie ke enye edidara erinyaŋa fo!

ŊWED MME PSALM 21:13

Menere idem fo. O Jehovah, ke nsɔŋidem fo; nnyin iyekwɔ, inyuŋ itoro odudu fo.

ŊWED MME PSALM 3:3

Ndien afo, Jehovah, edi otuekɔŋ eke akande mi okuk; ubɔŋ mi, ye andimenere ibuot mi ke enyɔŋ.

ŊWED MME PSALM 3:4

Nda uyo mi mfiori ŋkot Jehovah, Ndien enye etie ke edisana obot esie eyere mi. [Selah.]

ŊWED MME PSALM 47:1

MBUFO, kpukpru mme idut, ekwak ubɔk; esio mkpo idara enɔ Abasi.

ŊWED MME PSALM 57:8

Ubɔŋ mi, demere; mbufo, psaltery ye harp, edemere: nyedemere usiere.

ŊWED MME PSALM 81:1

MBUFO emenere uyo ekwɔ enɔ Abasi odudu nnyin: esio mkpo idara enɔ Abasi Jacob.

ŊWED MME PSALM 95:1

MBUFO edi, nnyin ikwɔ inɔ Jehovah; isio mkpo idara inɔ akwa itiat erinyaŋa nnyin.

ISAIAH 12:6

Sio mkpɔ idara, nyuŋ kwɔ, O andiduŋ Zion: koro Edisana Abasi Israel omokpon ke ufɔt fo.

JEREMIAH 31:7

Koro ntem ke Jehovah ɔdɔhɔ, ete, Mbufo ekwɔ ke idaresit enɔ Jacob, enyuŋ efiori ɔkpɔsɔŋ ke otu akpan mme idut: mbufo ekwɔrɔ, etoro, enyuŋ edɔhɔ, ete, O Jehovah, nyaŋa ikɔt fo, nditɔ Isreal emi esuhɔde.

JEREMIAH 33:11

ke eyekop uyom idara, ye uyom mbre, ye uyo ɔdɔ ŋwan, ye uyo ŋwan ndɔ, ye uyo mmɔ eke edɔhɔde, ete, “Mbufo etoro Jehovah mme udim: koro Jehovah ɔfɔnde; koro ima esie ebigide ke nsinsi”: ye eke mmɔ emi edade ekɔm edi ke ufɔk Jehovah. Koro ami nyeda nditɔ isɔŋ emi eketaŋde efep mfiak ndi, kpa nte akpa; ke edi Jehovah ɔdɔhɔ.

ZECHARIAH 9:9

O adiaha Zion, dat esit eti-eti; sio mkpo idara, O adiaha Jerusalem: sese, edidem fo eyedi ke ɔtɔ fo; enye enen, onyuŋ onim idem ke andinyaŋa; enye edi suŋ-suŋ, onyuŋ odoro ke ass, ye ke abak ass, eyen uman ass.

MME HEBREW 13:15

Yak nnyin iwa uwa ekɔm inɔ Abasi kpukpru ini ke enyiŋ Jesus, kpa mfri mkpɔk-inua eke ekponode enyiŋ Esie.

1 PETER 2:5

eyeda mbufo nde, nte mme odu-uwem itiat, ebɔp esin ke ufɔk eke spirit, enyuŋ enam mbufo edi ndisana oku, ndiwa uwa spirit, eke Abasi adarade ndibɔ oto ke Jesus Christ.

ERIYARARE 15:3

Mmɔ enyuŋ ekwɔ ikwɔ Moses owo Abasi ye ikwɔ Eyen-erɔŋ, ete, Mme utom Fo ekponi enyuŋ enyene nyɔ, O Ɔbɔŋ Abasi, Andikara kpukpru ŋkpɔ; Mme usuŋ Fo enen enyuŋ edi akpanikɔ, O Edidem mme obio.

ERIYARARE 5:9

Ndien mmɔ ekwɔ obufa ikwɔ ete, Afo omodot ndida ŋwed, ndinyuŋ ndianare mme ufik-ŋkpɔ esie; koro ekewotde Fi, Afo ama onyuŋ ada iyip fo osio owo ke kpukpru esien, ye usem, ye obio, ye idut, afak mmɔ ɔnɔ Abasi;