ŊWED MME PSALM 27:3 - Edisana ñwed Abasi Ibom

³ Ekpedi eke mbon-ekɔŋ enamde nna-ekɔŋ ke ɔtɔ mi, esit mi idifeheke ndik: ekpedi eke ekɔŋ otibede oyom mi, nyebuɔt idem ke ŋkpɔ emi.

ŊWED MME PSALM 27:3 ပူးပေါင်းရင်းမြစ်များ

2 CHRONICLES 20:15

ndien enye ɔdɔhɔ, ete, mbufo ekpaŋ utɔŋ ofuri Judah, ye mme andiduŋ Jerusalem, ye edidem Jehoshaphat, ntem ke Jehovah ɔdɔhɔ mbufo, ete, Mbufo ekudikhe, nsia okunyuŋ oyomo mbufo ke iso akwa otu owo emi; koro midige mbufo ke ekɔŋ emi enyene, ke edi eke Abasi.

ŊWED JOB 4:6

Nte uteŋe emi afo eteŋede Abasi idige mbuɔtidem fo?

ŊWED MME PSALM 112:7

Idiɔk etop idinamke enye ndik: esit esie ɔmɔwuhɔ, ɔbuɔt idem ye Jehovah.

ŊWED MME PSALM 3:6

Ndifeheke mme tɔsin owo duop eke ekande mi ekuk enam ikɔ ye ami.

ŊWED MME PSALM 3:7

Daha ke enyɔŋ O Jehovah; nyaŋa mi, O Abasi mi: koro afo ama oyibi kpukpru mme asua mi ke mbaŋ; ama obuŋ mme idiɔk owo edet.

ŊWED MME PSALM 52:6

Ndien mbon eti ido eyese enyuŋ edikhe, enyuŋ ekpa enye imam: ete,

ŊWED MBON PHILIPPI 1:28

mme asua mbufo ekusin mbufo ndik ke idem ke baba ŋkpɔ kiet: emi edinyuŋ edide idiɔŋɔ nsobo ɔnɔ mmɔ, edi edidi idiɔŋɔ erinyaŋa ɔnɔ mbufo; idiɔŋɔ oro onyuŋ oto Abasi.

1 PETER 3:14

Edi edieke mbufo ekutde ndutuhɔ ŋko ke ntak edinen ido, osuk ɔfɔfɔn ɔnɔ mbufo. Ekufehe se mmɔ etiŋde ndidikhe mbufo, ekunyuŋ eyak esit otimere mbufo;

ERIYARARE 2:10

Kunyene ndik ubaŋa ukut eke ɔmɔŋ edisim fi. Sese, Satan ɔmɔŋ edisin ndusuk mbufo ke ufɔk-ŋkpɔkɔbi, man edomo mbufo ese, ndien mbufo eyekut ukut ke usen duop. Wut idem nte anam-akpanikɔ tutu osim mkpa, ndien nyenɔ fi anyanya uwem.

1 SAMUEL 19:8

Ndien ekɔŋ ɔtɔŋɔ ntak etibe: ndien David ɔwɔrɔ aka ekɔŋ ye mme Philistine, onyuŋ owot mmɔ ata ediwak; ndien mmɔ efeŋe ke iso esie.