ŊWED MME PSALM 26:1 - Edisana ñwed Abasi Ibom

¹ KPE ikpe mi, O Jehovah, koro nsaŋade ke mfɔn-mma mi: mmonyuŋ mbuɔt idem ye Jehovah; ndifebekede.

ŊWED MME PSALM 26:1 ပူးပေါင်းရင်းမြစ်များ

2 NDIDEM 20:3

O Jehovah mbɔk, ti nte nsaŋade ke iso fo ke akpanikɔ, ye ke ofuri esit, mma nnyuŋ nnam se ifɔnde ke iso fo. Hezekiah onyuŋ atua eyet eti-eti.

ŊWED JOB 2:3

Ndien Jehovah ɔdɔhɔ satan, ete, Nte afo omotim ese owo mi Job? Koro owo eke ebietde enye miduhe ke ererimbot, ɔfɔn ama, onyuŋ enen, onyuŋ abak Abasi, onyuŋ afara ke idiɔk; enye onyuŋ osuk omum mfɔn-mma esie akama; ndien afo ama esin mi nsobo enye ke minyeneke ntak.

ŊWED JOB 4:6

Nte uteŋe emi afo eteŋede Abasi idige mbuɔtidem fo?

ŊWED MME PSALM 121:3

Andikpeme fi okuyak ukot fo ɔfiɔnɔre: enye okuyet idap.

ŊWED MME PSALM 15:2

Owo eke asaŋade nte ɔfɔnde ama, onyuŋ amade edinen ido, onyuŋ ɔdɔhɔde akpanikɔ ke esit esie.

ŊWED MME PSALM 21:7

Koro edidem ɔbuɔtde idem ke Jehovah, ima Ata Edikoŋ idinyuŋ iyakke enye esehere.

ŊWED MME PSALM 25:2

Abasi mi mmɔbuɔt idem mi ye afo; kuyak mi ŋkut but; kuyak mme asua mi edat esit ebaŋa mi.

ŊWED MME PSALM 25:21

Mfɔn-mma ye eti ido eyekpeme mi; koro ntiede mbet fi.

ŊWED MME PSALM 26:11

Ndien ami nyesaŋa ke mfɔn-mma mi: fak mi, nyuŋ tua mi mbɔm.

ŊWED MME PSALM 28:7

Jehovah edi odudu mi, ye otu-ekɔŋ mi; esit mi ebere enye, ndien enye eyenyaŋa mi: esit mi onyuŋ adara; ndien nyeda ikwɔ mi ntoro enye.

ŊWED MME PSALM 31:14

Edi ami mbuɔt idem mi ye afo, O Jehovah; ndɔhɔ nte, “Afo edi Abasi mi.”

ŊWED MME PSALM 35:24

Kpe ikpe mi ke edinen ido fo, O Jehovah Abasi mi; kunyuŋ uyak mmɔ edat esit ebaŋa mi.

ŊWED MME PSALM 37:31

Mbet Abasi esie edu enye ke esit; ikpat esie idiwahake.

ŊWED MME PSALM 4:5

Ewa mme uwa eti ido, enyuŋ ebuɔt idem ye Jehovah.

ŊWED MME PSALM 43:1

KPE ikpe mi, O Abasi, nyuŋ tɔhɔ utɔk mi ye idut emi mimaŋa Abasi: afo eyesio mi ke ubɔk owo abiaŋa ye ŋkwaŋa.

ŊWED MME PSALM 54:1

O ABASI, da enyiŋ fo nyaŋa mi, nyuŋ da odudu fo kpe ikpe mi.

ŊWED MME PSALM 62:2

Edi enye ikpɔŋ-ikpɔŋ edi akwa itiat mi ye erinyaŋa mi; ye ebiet ubɔhɔ mi; ndifumke eti-eti.

ŊWED MME PSALM 62:6

Enye ikpɔŋ ikpɔŋ edi akwa itiat mi ye erinyaŋa mi, ye ebiet ubɔhɔ mi; ndisehekede.

ŊWED MME PSALM 7:8

Jehovah eyekpe ikpe kpukpru owo: domo mi, O Jehovah, nte ekemde ye eti ido mi, ye mfɔn-mma mi emi ofukde mi ke idem.

ŊWED MME PSALM 94:18

Ke ndɔhɔde nte, Ukot mi ɔfiɔnɔre: ima fo, O Jehovah, omum mi akama.

MME ŊKE 20:7

Owo eke asaŋade ke eti ido esie emenen: ɔfɔfɔn ɔnɔ nditɔ esie eke etienede enye edem.

MME ŊKE 29:25

Uteŋe owo ɔkɔk afia onim: edi eda owo eke ɔbuɔtde idem esie ye Jehovah emenere enye enim ke enyɔŋ.

2 ŊWED CORINTH 1:12

Koro mbure eke nnyin iburede edi emi, kpa ikɔ-ntiense emi esit nnyin etiŋde ete, nnyin ikasaŋa ke edisana ido ye akpanikɔ Abasi idu uwem ke ererimbot; isaŋake ke ikike eke obukidem, edi ke mfɔn Abasi; inyuŋ isaŋa ntem idu uwem ke otu mbufo ikan.

MME HEBREW 10:23

enyuŋ eyak nnyin isɔŋɔ imum ikɔ eke idade iyarare idori-enyin ikama, mbak edibɔhɔ nnyin oyok; koro Enye emi ɔnɔde nnyin uŋwɔŋɔ edi Abasi akpanikɔ:

1 PETER 1:5

Abasi okonyuŋ onim udeme oro ke heaven ɔnɔ mbufo, emi Enye adade odudu Esie ekpeme oto ke mbuɔtidem, ete, edisim erinyaŋa eke enimde ebet akpatre ini ndiwut idem.

2 PETER 1:10

Ntre nditɔ-ete, edɔdiɔŋ esin ifik enam ikot eke ekekotde mbufo ye erimek eke emekde mbufo ɔsɔŋɔ ada: koro edieke mbufo enamde mme ŋkpɔ emi mbufo idikɔmɔke iduɔ;

1 SAMUEL 2:9

Enye eyekpeme ukot mbon ima esie, mme idiɔk owo eyenyuŋ edobo ke ekim: koro midige ke odudu ke owo ɔsɔŋ idem.

1 SAMUEL 24:15

Jehovah osuk edi ebierikpe ndien, onyuŋ ekpe ikpe ke ufɔt mi ye afo, onyuŋ ese, onyuŋ ɔtɔhɔ utɔk mi, onyuŋ osio mi efep ke ubɔk fo.