ŊWED MME PSALM 24:4 - Edisana ñwed Abasi Ibom

⁴ Enye emi ubɔk asanade, esit minyuŋ ideheke; emi mimenekede ukpɔŋ esie inɔ nsu, minyuŋ iŋwɔŋɔke inɔ abiaŋa.

ŊWED MME PSALM 24:4 ပူးပေါင်းရင်းမြစ်များ

GENESIS 6:5

Ekem Jehovah okut idiɔk-ŋkpɔ owo nte okponde ke isɔŋ, kpukpru ŋkpɔ ke ekikere esit esie enyuŋ esuk edi idiɔk kpukpru ini.

ŊWED JOB 17:9

Edi edinen owo eyemum usuŋ esie akama: ndien owo eke ubɔk asanade eyediɔŋ ɔsɔŋ aka iso.

ŊWED JOB 9:30

Ŋkpeyet idem ke mmɔŋ snow ŋkponyuŋ nda soap nnam ubɔk mi esana:

ŊWED MME PSALM 143:8

Nam ŋkop ima fo ke usenubɔk: koro mbuɔtde idem mi ye afo: wut mi usuŋ eke ŋkpasaŋade; koro mmenerede ukpɔŋ mi nse fi.

ŊWED MME PSALM 15:4

Enye ese oburobut owo ke ndek, edi okpono mmɔ eke ebakde Jehovah. Enye ɔŋwɔŋɔ se itukde idem esie, ndien ikpuhɔkede.

ŊWED MME PSALM 18:20

Jehovah eyenam ye ami nte eti ido mi edide; eyenɔ mi nte ubɔk asanade mi.

ŊWED MME PSALM 25:1

O JEHOVAH? nyemenere ukpɔŋ mi nse fi.

ŊWED MME PSALM 26:6

Nyeyet ubɔk mi esana: ndien nyekanare itie-uwa fo ŋkuk,

ŊWED MME PSALM 51:10

Bot edisana esit nɔ mi, O Abasi; nyuŋ nam obufa spirit eke ɔsɔŋɔde ada, sin mi ke idem.

ŊWED MME PSALM 51:12

Tɔŋɔ ntak nɔ mi idara erinyaŋa fo; nyuŋ da edinyime spirit mum mi kama.

ŊWED MME PSALM 73:1

ABASI osuk ɔfɔfɔn ido ye Israel, kpa ye mmɔ emi esit mmɔ asanade.

MME ŊKE 20:9

Anie edidɔhɔ ete, “Mmeyet esit mi asana, mmeyet idiɔk-ŋkpɔ mi ke idem mi mfep?”

JEREMIAH 4:14

Ɔdɔdiɔk ye nnyin koro emesobo nnyin. O Jerusalem, yet esit fo idiɔk-ŋkpɔ fep, man enyaŋa fi. Adaŋa didie ke mme idiɔk ekikere fo ediduŋ fi ke esit?

JEREMIAH 5:2

Ndien okposuk edi nte mmɔ edɔhɔde ete, Ma uwem Jehovah; mmɔ itreke nditomo nsin ke nsu.

EZEKIEL 18:15

Enye midiaha ŋkpɔ ke enyɔŋ ikpɔ obot, minyuŋ imenekede enyin esie ise ibɔk ufɔk Israel, misabakede ŋwan mbɔhɔ-iduŋ esie;

EZEKIEL 18:6

ndien midiaha ŋkpɔ ke ikpɔ obot, minyuŋ imenekede enyin esie ise ibɔk ufɔk Israel, minyuŋ isabakede ŋwan mbɔhiduŋ esie, minyuŋ itieneke ŋwan eke odude ke esien;

MALACHI 3:5

Ndien ami nyesaŋa ŋkpere mbufo ke ikpe, nnyuŋ nnim owowo ntiense mbaŋa mbia-idiɔŋ ye mme esin efibe, ye mmɔ eke eŋwɔŋɔde nsu, ye mmɔ eke etukde anam-utom ke utip esie, etuk ebe-akpa ye eyen-akpa, emi enyuŋ efikde esen owo, ndien mibakke mi, Jehovah mme udim ɔdɔhɔ.

MATTHEW 5:8

Ɔfɔfɔn ɔnɔ mmɔ eke esit mmo asanade: koro mmɔ eyekut Abasi.

UTOM MME APOSTLE 14:15

Mbɔŋ owo, nso ke mbufo enam? Nnyin nde idi owo, ibiet mbufo ke uduot nnyin, inyuŋ ida eti etop isɔk mbufo, ite mbufo ekabare ekpɔŋ mme ikpikpu ŋkpɔ emi etiene Abasi uwem, emi akanamde enyɔŋ ye isɔŋ ye inyaŋ ye kpukpru se idude mmɔ ke esit.

UTOM MME APOSTLE 15:9

Enye inyuŋ isinke ubahare ke ufɔt nnyin ye mmɔ, edi anam esit mmɔ asana oto ke mbuɔtidem.

2 ŊWED CORINTH 7:1

SIA nnyin imenyene mme uŋwɔŋɔ emi, ndima mi, eyak nnyin iyet kpukpru se isabarede obukidem ye spirit ifep ke idem nyin, inam nti ido nnyin efɔn ema ke eribak Abasi.

DEUTERONOMY 4:19

mbak afo edinyuŋ emenere enyin fo ese enyɔŋ, onyuŋ okut utin, ye ɔfiɔŋ, ye ntantafiɔŋ, kpa ofuri udim enyɔŋ, ndien enuk fi awaha akatuak ibuot ɔnɔ mmɔ, onyuŋ anam ŋkpɔ ɔnɔ mmɔ emi Jehovah Abasi fo ama ekedeme ɔnɔ kpukpru mme idut ke idak enyɔŋ.

1ŊWED TIMOTHY 1:10

ye mme oburobut owo ye mme owot-ete ye mme owot-eka, ye mme owot-owo, ye mbon use, ye mme anam obukpo ido, ye mme eyip-owo, ye mme osu-nsu, ye mme ada uŋwɔŋɔ ke abiaŋa, ye mme anam ido eŋwen ekededi eke ɔbiɔŋɔde eti erikpep,

1ŊWED TIMOTHY 2:8

Nyom irenowo ndien ebɔŋ akam ke kpukpru ebiet, emenere ndisana ubɔk ke enyɔŋ, ekunyene iyaresit ye eneni.

JAMES 4:8

esaŋa ekpere Abasi, ndien enye eyesaŋa ekpere mbufo. Eyet ubɔk mbufo esana, mbufo mme anam-idiɔk: enyuŋ enam esit mbufo esana, mbon esit iba.

ERIYARARE 21:27

Edi baba ŋkpɔ ndek kiet ididukke ke esit, ye owo eke anamde mbubiam ido onyuŋ osude nsu; ke mibɔhɔke mmɔ ikpɔŋ-ikpɔŋ emi ewetde enyiŋ mmɔ ke ŋwed uwem Eyen-erɔŋ.