ŊWED MME PSALM 20:7 - Edisana ñwed Abasi Ibom

⁷ Ndusuk ebure ke chariot, ndusuk ke horse: edi nnyin iyebure ke enyiŋ Jehovah Abasi nnyin.

ŊWED MME PSALM 20:7 ပူးပေါင်းရင်းမြစ်များ

2 SAMUEL 10:18

Ndien Syria efeŋe ke iso Israel; David onyuŋ owot mbio chariot Syria ikie itiaba, ye tɔsin mbon horse aba, onyuŋ ɔnɔ Shobach etubom mbon-ekɔŋ esie unan owot do.

2 SAMUEL 8:4

David onyuŋ ɔbɔ enye tɔsin mbon horse ye ikie itiaba, ye tɔsin mbon-ekɔŋ edip eke esaŋade ke ikpat: David onyuŋ okpok kpukpru mme horse chariot akpan osip, onyuŋ osio horse ikie ke otu mmɔ onim.

2 CHRONICLES 13:16

Nditɔ Israel enyuŋ efeŋe ke iso Judah: Abasi onyuŋ ada mmɔ eken esin mmɔ ke ubɔk.

2 CHRONICLES 14:11

Ndien Asa eseme ɔnɔ Jehovah Abasi esie, ete, O Jehovah baba kiet ke mibɔhɔke afo ikemeke ndinyaŋa ke ufɔt mkpɔsɔŋ owo ye mmeme: nyaŋa nnyin, O Jehovah Abasi nnyin; koro nnyin ibɔbuɔt idem nnyin ye afo, inyuŋ ida enyiŋ fo ika ndiŋwana ye akwa otu emi. O Jehovah, afo edi Abasi nnyin; kuyak owo ɔsɔŋ akan fi.

2 CHRONICLES 32:8

ubɔk obuk-idem odu ye enye; edi Jehovah Abasi nnyin odu ye nnyin ndinyaŋa nnyin, ndinyuŋ ŋŋwana ekɔŋ nnyin. Ndien mbio-obio ebere idem ke ikɔ Hezekiah edidem Judah.

ŊWED JOB 39:11

Nte afo edibuɔt idem ye enye, koro odudu esie okponde?

ŊWED MME PSALM 28:8

Jehovah edi odudu mmɔ, enye onyuŋ edi ɔkpɔsɔŋ andinyaŋa Messiah esie.

ŊWED MME PSALM 45:17

Nyanam eti enyiŋ fo ke ofuri emana: mmɔdo mme idut eyekɔm fi ke nsinsi-nsinsi.

MME ŊKE 21:31

Ediɔŋ horse ebeŋe usen ekɔŋ: edi erinyaŋa oto Jehovah.

ISAIAH 30:16

Ndien mbufo ekedɔhɔ, ete, Ih ih, koro nnyin iyeda horse ifeŋe; mmɔdo mbufo eyefeŋe: nnyin iyenyuŋ idoro ke mme ɔsɔp-ukot; mmɔdo mmɔ eke ebinede mbufo eyesɔp ukot.

ISAIAH 31:1

IFƆNKE fɔn inɔ mmɔ eke esuhɔrede ke Egypt eyom owo eke aŋwamde mmɔ; enyuŋ eberede idem ke horse, enyuŋ ebuɔtde idem mmɔ ke chariot, koro ewakde; ye ke mbio horse, koro mmɔ esɔŋɔde eti-eti; edi mmɔ isehe Edisana Abasi Israel, inyuŋ iyomke Jehovah!

JEREMIAH 17:5

Ntem ke Jehovah ɔdɔhɔ, ete, Osuk ɔdɔdiɔk ɔnɔ owo eke edibuɔtde idem ye owo, onyuŋ onimde obukidem ke ubɔk esie, esit esie onyuŋ ɔwɔŋɔrede ɔkpɔŋ Jehovah.

1 SAMUEL 13:5

Ekem mme Philistine esop idem ɔtɔ kiet, ndiŋwana ekɔŋ ye Israel, tɔsin chariot edip ye duop, ye tɔsin mbio horse itiokiet, ye mbon ekɔŋ nte ntan emi odude ke mben inyaŋ ke uwak: ndien mmɔ edɔk ekenam nna-ekɔŋ ke Michmash, ke edem usiaha-utin Beth-aven.

1 SAMUEL 2:10

Jehovah eyenuak mbon utɔk esie; enye etie ke enyɔŋ ada obuma esie ɔtɔ mmɔ: Jehovah eyekpe ikpe utit ererimbot; eyenyuŋ ɔnɔ edidem esie nsɔŋidem, onyuŋ emen nduk Messiah esie onim ke enyɔŋ.