ŊWED MME PSALM 20:4 - Edisana ñwed Abasi Ibom

⁴ Ɔnɔ fi se esit fo amade, onyuŋ anam ofuri uduak fo.

ŊWED MME PSALM 20:4 ပူးပေါင်းရင်းမြစ်များ

2 SAMUEL 24:23

“O edidem, Araunah ke emen kpukpru ŋkpɔ emi ɔnɔ edidem;” Araunah onyuŋ ɔdɔhɔ edidem, ete, Yak Jehovah Abasi fo ama fi.

2 CHRONICLES 9:12

Ndien edidem Solomon ɔnɔ ɔbɔŋ-aŋwan Sheba kpukpru se inemde enye esit, eke enye ebeŋede, ɔkɔrɔ ke se enye adade ɔsɔk edidem. Ndien enye asaŋa ye ikɔt esie ɔnyɔŋ ke edem mmɔ.

ŊWED MME PSALM 145:19

Enye eyenam se mme andibak enye emade: onyuŋ okop eseme mmɔ, onyuŋ anyaŋa mmɔ.

ŊWED MME PSALM 21:2

Afo ɔmɔnɔ enye se esit esie oyomde, unyuŋ usinke enye ebeŋe mkpɔk-inua esie. [Selah.]

ŊWED MME PSALM 37:4

Yak Jehovah onyuŋ adat fi esit; ndien enye eyenɔ fi se esit fo oyomde.

MME ŊKE 11:23

Se nti owo eyomde osuk ɔfɔfɔn: se mme idiɔk etiede ebeŋe edi iyaresit.

MATTHEW 21:22

Ndien kpukpru ŋkpɔ ekededi eke mbufo edibeŋede ke akam, edinyuŋ ebuɔtdeidem, mbufo eyenyene.

JOHN 11:42

Ami nnyuŋ mfiɔk nte okop uyo Mi kpukpru ini; edi kabaŋa otu owo emi edade ekan ekuk, ŋkɔdɔhɔ ntem, man mmɔ enim ke akpanikɔ ete Afo ɔkɔdɔŋ Mi.

JOHN 16:23

Ekem ke usen oro mbufo idibupke Mi baba ŋkpɔ kiet. Ke akpanikɔ ke ndɔhɔ mbufo, ŋkpɔ ekededi eke edibeŋede Ete, Enye eyenɔ mbufo ke enyiŋ Mi.

JUDGES 13:23

koro nnyin imokut Abasi. Edi ŋwan esie ɔdɔhɔ enye, ete, Ekpedi nte Jehovah akpamade ndiwot nnyin, enye ikpɔbɔhɔ nnyin edifɔp uwa ye inuak-udia ke ubɔk, ikponyuŋ iwutke nnyin kpukpru ŋkpɔ emi, ikponyuŋ isianke oruk ŋkpɔ ntem inɔ nnyin ke ini emi.

1 SAMUEL 26:19

Mbɔk, ndien, yak ɔbɔŋ mi edidem okop uyo owo esie. Ndi Jehovah ekedemere fi ete ebine mi, yak enye ɔbɔ uwa; edi ama edi nditɔ owo, osuk ɔdɔdiɔk ɔnɔ mmɔ ke iso Jehovah; koro mmɔ emebin mi efep mfin emi, esin mi ŋkusop idem ye udeme Jehovah, ete, Ka kanam ŋkpɔ nɔ Abasi efen.