ŊWED MME PSALM 19:7 - Edisana ñwed Abasi Ibom

⁷ Ido Jehovah efɔn ema, edemere ukpɔŋ; item Jehovah edi akpanikɔ, asian mme ɔkɔi.

ŊWED MME PSALM 19:7 ပူးပေါင်းရင်းမြစ်များ

ŊWED MME PSALM 119:130

Erisiak ikɔ fo aŋwaŋa owo: otim asian mme ɔkɔi.

ŊWED MME PSALM 111:7

Akpanikɔ ye edinen ikpe edi se ubɔk esie anamde; kpukpru item esie emewuhɔ.

ŊWED MBON COLOSSAE 3:16

Mbufo enyuŋ enyene esit ekɔm. Eyak ikɔ Christ odu ɔyɔhɔ-ɔyɔhɔ ke esit mbufo ke kpukpru eti ibuot; emen psalm ye hymn ye ikwɔ uwem spirit ekpep enyuŋ eteme kiet eken, ekwɔ itoro enɔ Abasi ye esit ekɔm.

MME ŊKE 1:4

Man enɔ ɔkɔi ɔniɔŋ, esin eyenɔwɔŋ ifiɔk ye nti ekikere.

ŊWED MME PSALM 23:3

Enye eyedemere ukpɔŋ mi: eyeteme mi usuŋ eti ido abaŋa enyiŋ esie.

ŊWED MME PSALM 119:105

Ikɔ fo edi utuenikaŋ ukot mi, ye uŋwana usuŋ mi.

DEUTERONOMY 32:4

Akwa itiat, utom esie ɔfɔn ama: koro kpukpru usuŋ esie enende: Abasi akpanikɔ emi minamke ukwaŋkpɔ, enye edi eti ye edinen.

2 ŊWED TIMOTHY 2:19

Edi ɔkpɔsɔŋ isɔŋ, eke Abasi okowukde ufɔk Esie ke esit, ɔsɔŋɔ ada; ndien enyene idiɔŋɔ ke esit ntem, ete, Abasi ɔmɔfiɔk mmɔ emi enyenede Enye; Ye, Yak kpukpru owo emi esemede ekot enyiŋ Ɔbɔŋ edianare ekpɔŋ ukwaŋkpɔ.

ŊWED MME PSALM 93:5

Mbet fo esɔŋɔ eda: eti ido odot ufɔk fo, O Jehovah, ke nsinsi-nsinsi.

2 ŊWED TIMOTHY 1:8

Mmɔdo kuyak but anam fi ndidi ntiense nnɔ Ɔbɔŋ nnyin, kunyuŋ uyak but anam fi ye ami, owo-ŋkpɔkɔbi Esie; edi kam tiene gospel biom ukut, adaŋa nte asaŋade ekekem ye odudu Abasi:

ISAIAH 8:20

Ebup ewuhɔ ye ŋwed ntiense: ke mmɔ minyimeke ndidɔhɔ nte ekemde ye ikɔ emi, ke edi mmɔ eke midikwe usiere.

JAMES 1:17

Kpukpru eti erinɔ ye kpukpru enɔ eke efɔnde ema eto ke enyɔŋ, eto ke ubɔk Ete mme uŋwana esuhɔre edi; emi mikemeke ndikpuhɔre, ukpuhɔre itie minyuŋ ikemeke ndimen Enye nsin ke mfut.

ŊWED MBON ROME 15:4

Koro se ededi eke ekewetde ke ini oko, ke ekewet ndida ŋkpep nnyin ŋkpɔ, man nnyin inyene idori-enyin oto ke ime ye ndɔŋ-esit eke Ŋwed Abasi ɔnɔde.

ŊWED MME PSALM 119:111

Mmada uyo fo nnyene ke nsinsi: koro mmɔ edide idaresit mi.

JOSHUA 1:8

Kuyak ŋwed mbet emi ɔwɔrɔ ɔkpɔŋ inua fo; edi kere enye ke uwemeyo ye ke okoneyo, man afo ekpeme ndinam kpukpru se ewetde ke esit: koro ntem ke afo edikut unen ke usuŋ fo,

UTOM MME APOSTLE 10:43

Kpukpru mme prophet eketiŋ ikɔ nte ntiense ebaŋa Enye, ete, owo ekededi eke ɔbuɔtde idem ye Enye eyebɔ erifen mme idiɔk-ŋkpɔ ke enyiŋ Esie.

ŊWED MME PSALM 119:72

Ido inua fo ɔfɔn mi akan mme tɔsin gold ye silver.

ŊWED MME PSALM 18:30

ŋkaŋa ibibene. Abasi! usuŋ esie ɔfɔn ama; ema edomo uyo Jehovah; enye edi otu-ekɔŋ kpukpru mmɔ eke ebuɔtde idem mmɔ ye enye.

ŊWED JOB 23:12

Ama edi ewuhɔ inua esie, nnyuŋ ŋkabakede ŋkpɔŋ enye; mmonim ikɔ inua esie ŋkan uduak mi.

ŊWED MBON ROME 12:2

Ekunyuŋ ekabare ebiet eyo emi, edi eyak mbufo ekpuhɔre, oto ke erinam emi enamde esit mbufo edi obufa, man mbufo edomo efiɔk se uduak Abasi edide, uduak Abasi eke edide eti, onyuŋ enemde owo esit, onyuŋ ɔfɔnde ama.

ŊWED MME PSALM 119:24

Uyo fo ŋko edi inemesit mi ye mbon item mi.

ŊWED MME PSALM 119:14

Mmenem esit ke usuŋ uyo fo ŋkan ofuri inyene.

JOHN 5:39

Mbufo eduŋɔre Ŋwed Abasi, koro mbufo esede ete mme imɔ imenyene nsinsi uwem ke esit; ndien edi enye edi ntiense ɔnɔ Mi.

ISAIAH 8:16

Bɔp ŋwed ntiense, fik seal ke ewuhɔ ke otu mmɔ emi ntemede.

ŊWED MME PSALM 119:152

Anyan ini oko ŋkada ikɔ ntiense fo mfiɔk, nte ke afo anam mmɔ etie ke nsinsi.

ŊWED MME PSALM 119:9

Eyenɔwɔŋ ada nso anam usuŋ esiemɔ asana, onyuŋ ekpeme enye nte ikɔ fo asaŋade?

2 SAMUEL 23:5

Koro nte ufɔk mi itiehe ntem ye Abasi? Koro enye amanam nsinsi ediomi ye ami, emi ediɔŋde ke kpukpru ŋkpɔ, enyuŋ enimde: koro nte enye idinamke ofuri erinyaŋa mi ye ima esit mi etibe?

ERIYARARE 19:10

Ndien nduɔ Enye ke ukot, nte ntuak ibuot nnɔ enye. Edi enye ɔdɔhɔ mi ete, Kunam: ndi asaŋutom ye afo ye nditɔ-ete fo emi enyenede ikɔ-ntiense Jesus: tuak ibuot nɔ Abasi. Koro ikɔ-ntiense Jesus edi spirit prophecy.

ŊWED MBON ROME 3:2

Ɔfɔn eti-eti ke kpukpru usuŋ. Ke akpa itie, ekeyak ikɔ Abasi esin mmɔ ke ubɔk.