ŊWED MME PSALM 18:12 - Edisana ñwed Abasi Ibom

¹² Uyama emi odude enye ke iso esin idiɔk enyɔŋ esie adaha, edim itiat ye ebok ikaŋ.

ŊWED MME PSALM 18:12 ပူးပေါင်းရင်းမြစ်များ

JOSHUA 10:11

Edikem adaŋemi mmɔ efeŋede itɔk ke iso Israel, mmɔ edu ke usuhɔre Bethhoron, Jehovah etie ke enyɔŋ otop ikpɔ itiat ɔtɔ mmɔ tutu esim ke Azekah, ndien mmɔ ekpaŋa; mme andikpaŋa ke edim itiat ewak ekan mme mmɔ emi nditɔ Israel ewotde ke ofut.

ERIYARARE 16:21

Ikpɔ edim itiat, eke udop mmɔ edide pound aba ye duop aba ye duop, eto ke enyɔŋ edep eduɔŋɔ owo ke idem. Owo enyuŋ esuŋi Abasi ke ntak ufen edim-itiat oro; koro ufen edimitiat ɔsɔŋ eti-eti.

MATTHEW 17:5

Ke ini enye osuk etiŋde, sese, nyayama ikpa-enyɔŋ ofuk mmɔ: ndien sese, uyo oto ke ikpa-enyɔŋ ɔwɔrɔ, ete, Emi edi edima Eyen Mi, emi mmenemesit ye Enye; ekop uyo Esie.

MATTHEW 17:2

ndien mbiet Esie ɔkpuhɔre ke iso mmɔ; iso Esie asiaha nte utin, edisine-ŋkpɔ Esie onyuŋ akabare afia nte uŋwana.

ŊWED MME PSALM 104:2

Ada uŋwana nte ɔfɔŋidem ofuk idem: onyuŋ anyanare ikpa-enyɔŋ nte ukara:

EXODUS 19:9

Ndien Jehovah ɔdɔhɔ Moses, ete, Sese ami mmɔŋ ntiene fi ke obubit enyɔŋ, man kpukpru owo ekop ke ini ndidɔhɔde ye afo, enyuŋ enim uyo fo ke akpanikɔ ke nsinsi. Moses onyuŋ emen ikɔ kpukpru owo eketiŋ ɔnɔ Jehovah.

ISAIAH 50:3

Nyefuk ikpa-enyɔŋ obubit, nnyuŋ nsine mmɔ ɔfɔŋ-ikpo ke ufuhɔ-ŋkpɔ.