ŊWED MME PSALM 17:7 - Edisana ñwed Abasi Ibom

⁷ Nam ima fo edi utibe, afo emi adade ubɔk nnasia fo anyaŋa mmɔ eke ebuɔtde idem osio ke ubɔk mmɔ eke enamde ikɔ ye mmɔ.

ŊWED MME PSALM 17:7 ပူးပေါင်းရင်းမြစ်များ

2 NDIDEM 19:22

Afo okosuŋi, okonyuŋ ɔtɔk anie? okonyuŋ emenere uyo fo ke enyɔŋ abaŋa anie? Okonyuŋ emenere enyin fo ke enyɔŋ? ke abaŋa Edisana Abasi Israel.

2 NDIDEM 19:34

Ami nyenyuŋ ŋkpeme obio emi, nnyuŋ nnyaŋa enye mbaŋa idem mi, ye David owo mi.

2 CHRONICLES 16:9

Koro enyin Jehovah esaŋade ke ofuri ererimbot, ete isɔŋɔ imum mmɔ eke ofuri esit mmɔ odude ye enye ikama. Afo amanam ndisime ke ŋkpɔ emi; koro toto ke ini emi afo eyenyene ekɔŋ.

ŊWED MME PSALM 20:6

Ke emi ke mfiɔk nte ke Jehovah anyaŋa Messiah esie; eyetie ke edisana heaven esie eyere enye, ke odudu erinyaŋa ubɔk nnasia esie.

ŊWED MME PSALM 31:21

Yak ekɔm Jehovah, koro enye owutde mi utibe ima esie ke obio ibibene.

ŊWED MME PSALM 31:22

Edi kpa ami ŋkɔdɔhɔ ke ini ndik anamde mi, nte “Emesibe mi ke iso fo efep”; edi afo omokop uyo mkpe ubɔk mi ke ini nsemede nnɔ fi.

ŊWED MME PSALM 44:3

koro midige ofut mmɔ ke mmɔ eda ebɔ isɔŋ enyene, minyuŋ idige ubɔk mmɔ anyaŋa mmɔ: koro edide ita nnasia fo, ye ubɔk fo, ye uŋwana iso fo, koro afo amade mmɔ.

ŊWED MME PSALM 60:5

Man ikɔt ima fo ebɔhɔ, nyaŋa ke nnasia fo, nyuŋ yere nnyin.

ŊWED MME PSALM 78:12

Enye akanam mme utibe ŋkpɔ ke iso mme ete mmɔ, ke idut Egypt, ke isɔŋ Zoan.

EXODUS 15:6

Ubɔk nnasia fo, O Jehovah omokpon ke odudu: ubɔk nnasia fo, O Jehovah, amanuak mme asua fo mbai-mbai.

ISAIAH 41:10

Kudige, koro ami ndude ye afo: kunyek idem, koro ami ndide Abasi fo: nyesɔŋɔ fi idem; nditreke ndinyaŋa fi; nditreke ndimum fi ŋkama ke edinen ubɔk nnasia mi.

UTOM MME APOSTLE 2:33

Mmɔdo sia ubɔk nnasia Abasi ama emenere Enye onim ke enyɔŋ, Enye ama onyuŋ ɔbɔ Ete Edisana Spirit emi ekɔŋwɔŋɔde ndinɔ, Enye aŋwaŋa se mbufo ekutde enyuŋ ekopde.

ERIYARARE 15:3

Mmɔ enyuŋ ekwɔ ikwɔ Moses owo Abasi ye ikwɔ Eyen-erɔŋ, ete, Mme utom Fo ekponi enyuŋ enyene nyɔ, O Ɔbɔŋ Abasi, Andikara kpukpru ŋkpɔ; Mme usuŋ Fo enen enyuŋ edi akpanikɔ, O Edidem mme obio.