ŊWED MME PSALM 17:3 - Edisana ñwed Abasi Ibom

³ Afo omodomo esit mi; emese mi ke okoneyo; omodomo mi; ukwe ŋkpɔ; inua mi ibehe ekikere mi.

ŊWED MME PSALM 17:3 ပူးပေါင်းရင်းမြစ်များ

1 CHRONICLES 28:9

Ndien afo Solomon eyen mi, fiɔk Abasi usɔ, nyuŋ nam ŋkpɔ esie ke ofuri esit, ye ke ima ukpɔŋ: koro Jehovah ɔduŋɔde kpukpru esit owo, onyuŋ otim ɔfiɔk kpukpru se ekikere obotde: afo ama oyom enye, eyekut enye; edi ama ɔkpɔŋ enye, enye eyemen fi ɔduɔk tutu amama.

1 CHRONICLES 29:17

Mmonyuŋ mfiɔk, O Abasi mi, nte afo odomode esit, onyuŋ amade mmɔ eke enende. Ami ŋkatat ubɔk mi nnɔ kpukpru ŋkpɔ emi ke edinen esit: ndien ke emi ke ndat esit ndikut ikɔt fo emi edude mi, nte etatde ubɔk enɔ fi,

ŊWED JOB 23:10

Koro enye ɔfiɔkde usuŋ eke odude ye ami: enye odomo mi: nyewɔrɔ mbiet gold.

ŊWED JOB 24:14

Ke ini eyo esierede, obom adaha ke enyɔŋ owot eyen unana ye ubuene ndien ke okoneyo enye ebiet inɔ.

ŊWED MME PSALM 11:5

Jehovah odomo edinen owo: ndien ama edi idiɔk owo, ye owo eke amade afai, ukpɔŋ esie asua mmɔ.

ŊWED MME PSALM 119:106

Mmɔŋwɔŋɔ, nyenyuŋ nnim enye, nte ke ndikpeme ndinen ikpe fo.

ŊWED MME PSALM 139:1

O JEHOVAH, afo ɔmɔduŋɔ mi, omonyuŋ ɔfiɔk.

ŊWED MME PSALM 139:23

O Abasi, duŋɔre mi, nyuŋ fiɔk esit mi: domo mi, nyuŋ fiɔk ekikere mi:

ŊWED MME PSALM 16:7

Nyekɔm Jehovah emi ɔnɔde mi item: esit mi ŋko eteme mi ke ini okoneyo.

ŊWED MME PSALM 26:2

O Jehovah, domo mi, nyuŋ se mi; duŋɔ ekput mi ye esit mi.

ŊWED MME PSALM 39:1

ŊKƆDƆHƆ nte, Nyekpeme usuŋ mi, man ŋkudue ke edeme mi: nyeda mkpaha ŋkpeme inua mi, ke ini anam-idiɔk osuk odude mi ke iso.

ŊWED MME PSALM 66:10

Koro afo odomode nnyin, O Abasi: omoduk nnyin, kpa nte edukde silver.

ŊWED MME PSALM 7:4

edieke ndade idiɔk nsio usiene nnɔ ufan mi; nnyuŋ mbumede owo eke otukde mi ke ikpikpu:

MME ŊKE 13:3

Owo eke ekpemede inua esie onim uwem esiemɔ: ama edi owo eke aŋwaŋarede inua esie, nsobo edi esie.

JEREMIAH 12:3

Ndien afo ɔmɔfiɔk mi, O Jehovah: afo ke okut mi, onyuŋ odomo nte esit mi etiede ye afo: sioŋo mmɔ nte ufene nɔ, ete ekewot, nyuŋ dianare mmɔ nim ke usen afai.

JEREMIAH 50:20

Jehovah ɔdɔhɔ, ete, Ke mme usen oro, ye ke ini oro, eyeyom idiɔk ido Israel, edi ididuhe; eyenyuŋ eyom mme ukwaŋ-ŋkpɔ Judah, edi idikwe: koro nyedahado nnɔ mmɔ eke ndisuhɔde.

HOSEA 7:6

Koro mmɔ eda esit mmɔ emi ebietde usaŋ-uyo edi ke ŋkari mmɔ: anam-uyo mmɔ ede idap ofuri okoneyo; ke usenubɔk enye asak nte edemikaŋ.

MICAH 2:1

ƆDƆDIƆK ɔnɔ mmɔ emi ekerede idiɔk ido, enyuŋ enade ke bed mmɔ eduak ukwaŋ-ŋkpɔ! Mmɔ eyenam enye ke uŋwana usenubɔk, koro odude ke ukeme ubɔk mmɔ.

ZECHARIAH 13:9

Ndien nyeda ɔyɔhɔ ubak ita nsin ke ikaŋ, nnyuŋ nduk mmɔ nte edukde silver, nnyuŋ ndomo mmɔ nte edomode gold: mmɔ eyekot mi enyiŋ, ndien ami nyeyere mmɔ: nyenyuŋ ndɔhɔ mmɔ nte, Mmɔ edi ikɔt mi: ndien mmɔ eyedɔhɔ, ete, Jehovah edi Abasi mi.

MALACHI 3:2

Edi anie ekeme ndiyɔ usen eridi esie? Anie owo ekeme ndida ke ini enye ayararede idem esie? Koro enye ebietde ikaŋ usɔ-gold, onyuŋ ebiet soap mme ɔdiɔŋ-ɔfɔŋ:

UTOM MME APOSTLE 11:23

ndien ke adaŋemi enye akade onyuŋ okutde mfɔn Abasi, enye adat esit; onyuŋ ekpe ye mmɔ kpukpru ete mmɔ eda iwukesit ediana ye Ɔbɔŋ:

UTOM MME APOSTLE 16:9

Ndien Paul okut ŋkukut ke okoneyo; owo Macedonia kiet ke ada ebeŋe enye ete, Be di ke Macedonia, dinyaŋa nnyin.

1 ŊWED CORINTH 4:4

Mfiɔkke ŋkpɔ eke obiomde mi, edi oro itebeke mi ikpe.

2 ŊWED CORINTH 1:12

Koro mbure eke nnyin iburede edi emi, kpa ikɔ-ntiense emi esit nnyin etiŋde ete, nnyin ikasaŋa ke edisana ido ye akpanikɔ Abasi idu uwem ke ererimbot; isaŋake ke ikike eke obukidem, edi ke mfɔn Abasi; inyuŋ isaŋa ntem idu uwem ke otu mbufo ikan.

JAMES 3:2

Koro kpukpru nnyin idedue ke ediwak ŋkpɔ. Edieke owo ekededi miduehe ke ikɔ-inua, enye ɔfɔn ama, onyuŋ ekeme ndikara ofuri idem esie nde.

1 PETER 1:7

man mbuɔtidem mbufo emi ema edomo ewut, emi ɔsɔŋde urua akan mbiara gold eke edade ikaŋ edomo, ɔkpɔwɔrɔ edi ŋkpɔ itoro ye ubɔŋ ye ukpono ɔnɔ mbufo ke adaŋemi Jesus Christ ediyararede idem.

1 SAMUEL 24:10

Sese, mfin emi enyin fo emekut nte Jehovah akadade fi esin mi ke ubɔk mfin emi ke esit aba emi; ndien owo ɔdɔhɔ mi, ete ŋwot fi; edi ŋkatua fi mbɔm; nnyuŋ ndɔhɔ nte ke ndinyanke ubɔk mi ntuk ɔbɔŋ mi; koro edi enye ke Jehovah ekeyet aran.

1 SAMUEL 24:12

Jehovah osuk ekpe ikpe ke ufɔt mi ye afo, Jehovah osuk onyuŋ osio usiene ye afo ɔnɔ mi: edi ubɔk mi iditukke fi.

1 SAMUEL 26:11

Nsa mi O, ma Jehovah, ndinyanke ubɔk mi ntuk enye emi Jehovah ekeyetde aran: edi, mbɔk, kam men eduat emi odude ke ɔtɔ udoribuot esie, ye abaŋ mmɔŋ, ndien yak nnyin inyɔŋ.

1 SAMUEL 26:23

Yak Jehovah onyuŋ ada ido ye akpanikɔ owo osio owo oro usiene: koro Jehovah ekemende fi esin mi ke ubɔk mfin emi, edi ŋkonyimeke ndinyan ubɔk mi ntuk enye emi Jehovah ekeyetde aran.