ŊWED MME PSALM 16:5 - Edisana ñwed Abasi Ibom

⁵ Jehovah edi udeme mi, ye cup mi: afo omum afia mi akama.

ŊWED MME PSALM 16:5 ပူးပေါင်းရင်းမြစ်များ

ŊWED MME PSALM 11:6

Enye eyenam afia edep anam mme idiɔk owo; ikaŋ, ye brimstone, ye edifiop ofum edi udeme cup mmɔ.

ŊWED MME PSALM 116:13

Nyemen cup erinyaŋa, nnyuŋ nseme ŋkot enyiŋ Jehovah.

ŊWED MME PSALM 119:57

O Jehovah, udeme mi, ndɔhɔ nte ke ndinim ikɔ fo.

ŊWED MME PSALM 125:3

Koro eto idiɔk ido mididorokede ke udeme nti owo ina; mbak nti owo edinyan ubɔk mmɔ etuk se idiɔkde.

ŊWED MME PSALM 132:11

Jehovah ɔmɔŋwɔŋɔ ɔnɔ David ke akpanikɔ; enye idiwɔŋɔkede ikpɔŋ enye; “Nyeda mfri idem fo ndori ke ebekpo fo.

ŊWED MME PSALM 142:5

Nseme ŋkot fi, O Jehovah: ndɔhɔ nte ke afo edi ubɔhɔ mi, ye udeme mi ke isɔŋ mme andidu uwem.

ŊWED MME PSALM 2:6

Ndien edi ami mmonim edidem mi ke enyɔŋ Zion edisana obot mi.

ŊWED MME PSALM 23:5

Afo eyebri okpokoro ɔnɔ mi ke iso mme asua mi: eyeda aran eyet mi ke ibuot; cup mi ɔyɔhɔ ɔduɔi.

ŊWED MME PSALM 73:26

Baba kiet ke isɔŋ inyuŋ inemke mi nte afo. Obukidem mi ye esit mi emekure: Abasi edi akwa itiat esit mi, ye udeme mi ke nsinsi.

ŊWED MME PSALM 89:4

Mmomum ubon fo ŋkama ke nsinsi, nnyuŋ nnam ebekpo fo ɔsɔŋɔ ada ke ofuri emana.

ŊWED MME PSALM 9:4

Koro afo ekpede ikpe mi ye ikɔ mi; afo etie ke ebekpo ekpe nte enede.

ISAIAH 42:1

SE owo mi; nyemum enye ŋkama: se edimek owo mi emi adatde mi esit; mmodori enye spirit mi ke idem: enye eyenam ikpe ɔwɔrɔ ɔnɔ mme idut.

ISAIAH 53:12

Mmɔdo nyedeme ŋkpɔ ke otu ikpɔ owo nnɔ enye, enye eyenyuŋ edeme mbume ye mkpɔsɔŋ owo; koro enye akaŋwaŋade ukpɔŋ esiemɔ ɔnɔ mkpa: enyuŋ ebatde enye esin ke otu mme anam-idiɔk; enye onyuŋ obiom mme idiɔk ido ediwak owo, eyenyuŋ anam mkpe-ubɔk ɔnɔ mme anam-idiɔk.

JEREMIAH 10:16

koro enye edide andibot kpukpru ŋkpɔ; Israel onyuŋ edi eto udeme esie: Jehovah mme udim edi enyiŋ esie.

ŊWED ESEME 3:24

Ukpɔŋ mi ɔdɔhɔ ete, Jehovah edi udeme mi: mmɔdo nyedori enyin ye enye.

UTOM MME APOSTLE 2:32

Abasi akanam Jesus emi eset ke mkpa, nte nnyin kpukpru idide mme ntiense.

UTOM MME APOSTLE 5:31

Abasi akada ubɔk nnasia, Esie emenere Enye onim ke enyɔŋ, ete edi Ɔbɔŋ ye Andinyaŋa, man Enye ɔnɔ Israel erikabare esit, ye erifen mme idiɔk-ŋkpɔ.

1 ŊWED CORINTH 15:25

Koro Enye enyene ndida ubɔŋ tutu Enye onuk kpukpru mme asua Esie ke idak ikpat.

ŊWED MBON EPHESUS 5:18

Ekunyuŋ ekpa mmin; oro ɔwɔrɔ otime -otime ido: edi eyɔhɔ ye spirit.

DEUTERONOMY 18:2

Ndien mmɔ ekunyene udeme ke otu nditɔ ete mmɔ: edi Jehovah edi udeme mmɔ, kpa nte enye ɔkɔdɔhɔde mmɔ.

DEUTERONOMY 32:9

Koro udeme Jehovah edi ikɔt esie: Jacob edi ubak emi enye odomode ada.

JOSHUA 22:25

Koro Jehovah onimde akpa Jordan ke adaŋa ke ufɔt nnyin ye mbufo, nditɔ Reuben, ye nditɔ Gad; mbufo inyeneke udeme ke Jehovah: ndien nditɔ mbufo eyenam nditɔ nnyin etre ndibak Jehovah.

JOSHUA 22:27

edi enye edi ntiense ke ufɔt nnyin ye mbufo, ye ke ufɔt mme emana nnyin emi editienede nnyin edem, man nnyin inam utom Jehovah ke iso esie, ke edifɔp uwa nnyin, ye ke mme uwa nnyin efen, ye ke mme uwa emen nnyin; man nditɔ mbufo ekudɔhɔ nditɔ nnyin, ke ini iso, ete, Mbufo inyeneke udeme ke Jehovah.