ŊWED MME PSALM 15:5 - Edisana ñwed Abasi Ibom

⁵ Enye ibuɔtke inyene esie idia udori ikaha, inyuŋ ibɔhɔ enɔ ituk owo eke miduehe isop. Owo eke anamde ŋkpɔ emi idisehekede ke nsinsi.

ŊWED MME PSALM 15:5 ပူးပေါင်းရင်းမြစ်များ

ŊWED MME PSALM 106:3

Ɔfɔfɔn ɔnɔ mmɔ eke ekpemede se inende; (ɔfɔfɔn ɔnɔ) owo eke anamde eti ido kpukpru ini.

ŊWED MME PSALM 112:6

Koro enye midisehekede ke nsinsi: owo edinen ido eyedi se editide ke nsinsi.

ŊWED MME PSALM 16:8

Mmonim Jehovah ke iso mi kpukpru ini: koro enye odude mi ke ubɔk nnasia, ndisehekede.

ŊWED MME PSALM 55:22

Top mbiomo fo nɔ Jehovah, ndien enye eyekama fi: enye idiyakke edinen owo esehere ke nsinsi.

EXODUS 22:24

Iyaresit mi eyenyuŋ obumere, ndien nyewot mbufo ke ofut; iban mbufo eyenyuŋ edi mme ebe-akpa, nditɔ mbufo, nditɔ-akpa.

EXODUS 22:25

Edieke afo adade inyene ɔbuɔt ubuene ikɔt mi eke odude ye afo, kunam ye enye ke ido owo eke ɔbuɔtde adia udori, kudia enye udori.

MME ŊKE 10:30

Nti owo idisehekede ke nsinsi: edi mme idiɔk owo ididuŋke isɔŋ.

MME ŊKE 12:3

Owo idisɔŋɔke ida ke idiɔk ido; edi oruŋ nti owo idisehekede.

MME ŊKE 15:27

Adia idiɔk udori ɔtuhɔ ufɔk esie: edi owo eke asuade enɔ enye eyedu uwem.

ISAIAH 33:15

Owo eke eneŋerede asaŋa, onyuŋ ɔdɔhɔde edinen ikɔ; eke esinde udori utuk ke ndek, esimede ubɔk esie, ete ikumum enɔ, esiride utɔŋ esie, ete ikukop ibaŋa iyip, okubide enyin esie, man okukut idiɔk;

EZEKIEL 18:17

enye odorore owo ukut ubɔk ke idem efep, ibɔhɔ akwa usiene ye udori, anam mme item mi, asaŋa ke mme ewuhɔ mi; enye idikpaha ke mme idiɔk ido ete esie, edi eyedu uwem.

EZEKIEL 18:27

Ndien adaŋemi idiɔk owo ɔkpɔŋde idiɔk ido esie emi enye akanamde, afiak, onyuŋ anamde edinen ikpe, enye eyenim ukpɔŋ esiemɔ ke uwem.

EZEKIEL 18:8

eke mibuɔtke ŋkpɔ idia usiene ikaha; minyuŋ ibɔhɔ akwa udori, osio ubɔk esie ke idiɔk ido efep, ekpe ikpe akpanikɔ ke ufɔt owo ye owo:

EZEKIEL 22:12

Ebɔ inyene ke ufɔt fo, ete iduɔk iyip; afo ada udori ye nkɔri, onyuŋ adia mbɔhiduŋ fo ke ŋwo, onyuŋ efre mi. Uyo Ɔbɔŋ Jehovah edi emi.

MICAH 7:3

Ubɔk mbiba edoro ke idiɔk man etim enam: ɔbɔŋ ye ebierikpe ŋko eyom utip: akwa owo onyuŋ etiŋ se idɔŋde ukpɔŋ esie: ntem ke mmɔ ekwaŋa ŋkpɔ.

MATTHEW 26:15

Mbufo enyime ndinɔ mi nso, ndien nyeda Enye nyak nnɔ mbufo? Mmɔ edomo mbak silver edip ye duop enɔ enye.

JOHN 13:17

Edieke mbufo efiɔkde mme ŋkpɔ emi, ɔfɔfɔn ɔnɔ mbufo ke mbufo enamde mmɔ.

DEUTERONOMY 16:19

Kuyut ikpe; kuteŋe owo enyin, kunyuŋ ubɔ enɔ: koro enɔ editibide mme enyene ibuot owo enyin, onyuŋ akwaŋde ikɔ owo eke enende.

DEUTERONOMY 23:21

Ke adaŋemi afo edikaŋade akaŋa ɔnɔ Jehovah Abasi fo, kubigi ndisio enye: koro Jehovah Abasi fo miditreke ndiyom enye ke ubɔk fo; ndien afo, eyedue isop.

1 SAMUEL 12:3

Se mi mi: mbufo ebaŋa mi ke iso Jehovah, ye ke iso enye emi Enye ekeyetde aran: ŋkɔbɔ anie owo enaŋ esie? ŋkɔbɔ anie owo ass esie ŋko? ŋkonyuŋ ntuk anie owo? ŋko-nyuŋ mfik anie? anie owo ke ŋkenyuŋ mbɔ inyene ke ubɔk, man nda enye mfuk enyin mi? ndien nyeyak nnɔ mbufo.