ŊWED MME PSALM 15:4 - Edisana ñwed Abasi Ibom

⁴ Enye ese oburobut owo ke ndek, edi okpono mmɔ eke ebakde Jehovah. Enye ɔŋwɔŋɔ se itukde idem esie, ndien ikpuhɔkede.

ŊWED MME PSALM 15:4 ပူးပေါင်းရင်းမြစ်များ

2 CHRONICLES 36:13

Enye onyuŋ ɔsɔŋ ibuot ye edidem Nebuchadnezzar, emi akanamde enye otomo Abasi: enye onyuŋ ɔsɔŋ obot-itɔŋ esie, onyuŋ ɔsɔŋ esit esie, ete ikufiak itiene Jehovah Abasi Israel.

ESTHER 3:2

Ndien kpukpru ikɔt edidem eke edude ke inua-otop edidem, enuhɔ, enyuŋ etuak ibuot enɔ Haman: koro ntem ke edidem okowuk abaŋa enye. Edi Mordecai inuhɔke, inyuŋ ituakke ibuot.

ŊWED MME PSALM 101:4

Ukwaŋ esit eyekpɔŋ mi: ndifiɔkke idiɔk.

ŊWED MME PSALM 101:6

Ntiŋ enyin ke mbon akpanikɔ ke isɔŋ, man mmɔ eduŋ ye ami: owo eke asaŋade ke usuŋ emi ɔfɔnde ama, eyenam ŋkpɔ mi.

ŊWED MME PSALM 119:63

Ami ndi nsaŋa kpukpru mmɔ eke ebakde fi, ye eke mmɔ emi enimde item fo.

ŊWED MME PSALM 16:3

se ifɔnde ye ami ibehe fi. Kpa ntre ye ndisana owo emi edude ke isɔŋ, ye ata nti owo emi ofuri idaresit mi otode mmɔ.

MATTHEW 5:33

Ŋko, mbufo emekop ete ekɔnɔ mbio eyo oko uyo, ete, Kutomo ŋkpɔ ke nsu, edi nam nɔ Jehovah kpa nte ɔkɔŋwɔŋede.

UTOM MME APOSTLE 24:25

Edi ke adaŋemi Paul ebuende ikɔ abaŋa edinen ido, ye mfara idem, ye ikpe eke edidide, Felix edikhe, onyuŋ ɔdɔhɔ Paul ete, Ka okuo kaŋa; mma nnyene ifet, nyetɔŋɔ ntak ŋkot fi edi.

UTOM MME APOSTLE 28:10

Mmɔ enyuŋ ekpono nnyin eti-eti, ndien ke ini iyomde ndisio, mmɔ enɔ nnyin kpukpru se inanade nnyin.

1 JOHN 3:14

Nnyin imɔfiɔk ite imɔwɔrɔ ke mkpa ibe iduk ke uwem, ke emi nnyin imade nditɔ-ete. Owo eke mimaŋa-ma osuk odu ke mkpa.

JUDGES 11:35

Edikem adaŋemi enye okutde eyen oro, enye awai ɔfɔŋidem esie, onyuŋ ɔdɔhɔ ete, Ah, eyen mi, afo anam mi nsuhɔre eti-eti, afo onyuŋ odu ke otu mme mmɔ emi edutuhɔde mi: koro mma ŋkubɔre inua mi nnɔ Jehovah, ndien ndikwe nte mfiakde edem.