ŊWED MME PSALM 15:2 - Edisana ñwed Abasi Ibom

² Owo eke asaŋade nte ɔfɔnde ama, onyuŋ amade edinen ido, onyuŋ ɔdɔhɔde akpanikɔ ke esit esie.

ŊWED MME PSALM 15:2 ပူးပေါင်းရင်းမြစ်များ

ŊWED MME PSALM 24:4

Enye emi ubɔk asanade, esit minyuŋ ideheke; emi mimenekede ukpɔŋ esie inɔ nsu, minyuŋ iŋwɔŋɔke inɔ abiaŋa.

ŊWED MME PSALM 84:11

Koro Jehovah Abasi edide utin ye otu-ekɔŋ: Jehovah ɔmɔnɔ ufɔn ye ubɔŋ: ama edi mmɔ eke eneŋerede esaŋa, enye isinke mmɔ nti ŋkpɔ.

MME ŊKE 20:7

Owo eke asaŋade ke eti ido esie emenen: ɔfɔfɔn ɔnɔ nditɔ esie eke etienede enye edem.

MME ŊKE 28:18

Owo eke eneŋerede asaŋa eyenyene ifure: edi owo eke akwaŋade ke usuŋ iba eyeduɔ ke kiet.

ISAIAH 33:15

Owo eke eneŋerede asaŋa, onyuŋ ɔdɔhɔde edinen ikɔ; eke esinde udori utuk ke ndek, esimede ubɔk esie, ete ikumum enɔ, esiride utɔŋ esie, ete ikukop ibaŋa iyip, okubide enyin esie, man okukut idiɔk;

ISAIAH 63:8

Ndien enye ɔdɔhɔ, ete, Mmɔ edi ikɔt mi ikpɔŋ, nditɔ eke midisuhu nsu: ndien enye akabare edi andinyaŋa mmɔ.

MICAH 2:7

Afo emi ekerede ufɔk Jacob, nte emesibe spirit Jehovah ɔmuhɔ? Nte mmɔ emi edi ido esie? Nte ikɔ mi ifɔnke ye owo eke eneŋerede asaŋa?

LUKE 1:6

Mmɔ mbiba enyuŋ edi edinen ke enyin Abasi, esaŋa ke kpukpru mbet ye mme ewuhɔ Jehovah, enana ndo.

UTOM MME APOSTLE 10:35

Ke akpanikɔ mmokut nte Abasi iteŋeke owo enyin: edi ke kpukpru idut Enye adadara owo ekededi eke abakde Enye onyuŋ anamde nti ido.

ŊWED MBON ROME 2:10

edi ubɔŋ ye ukpono ye emem eyedoro kpukpru owo eke enamde eti ido, odoro Jew ke akpa-itie, onyuŋ odoro Greek ŋko:

ŊWED MBON GALATIA 2:14

Edi ke adaŋemi ŋkutde nte mmɔ ineŋekere isaŋa ikekem ye akpanikɔ gospel, ndɔhɔ Cephas ke iso kpukpru mmɔ nte, Edieke afo, emi edide Jew, adade ido mme Gentile odu uwem, mudaha ido mme Jew, nsinam afo enyikde mme Gentile eda ido mme Jew edu uwem?

ŊWED MBON EPHESUS 2:10

Koro nnyin idi se ubɔk Esie akanamde; ke Christ Jesus ke Enye okobot nnyin, ete nnyin inam nti utom, emi Abasi ekebemde iso onim ete, nnyin ikpasaŋa ke esit.

ŊWED MBON EPHESUS 4:25

Mmɔdo eduɔk nsu, mbufo kpukpru enyuŋ etiŋ akpanikɔ enɔ mbɔhiduŋ esie: koro nnyin idide mbak idem kiet eken.

ŊWED MBON COLOSSAE 3:9

Ekusu nsu enɔ kiet eken, koro mbufo ema ekesio akani owo ye utom esie eduɔk,

MME HEBREW 11:33

ye mme prophet; emi ekedade mbuɔtidem ekan mme idut, enam edinen ido, ebɔ mme uŋwɔŋɔ, ekibi mme lion inua, enime ide ikaŋ,

1 JOHN 2:29

Edieke mbufo efiɔkde ete, Enye edi edinen, efiɔk ŋko ete edi Enye okobon kpukpru owo eke enamde edinen ido.

1 JOHN 2:6

Nnyin ida emi ifiɔk ite idodu ke Enye: owo eke ɔdɔhɔde ete imɔ iduŋ ke Enye, akpasaŋa odu uwem kpa nte Enye akasaŋade.

1 JOHN 3:7

Ŋkpri nditɔ mi, ekuyak baba owo kiet ada mbufo awaha ɔŋkpɔŋ usuŋ: owo eke anamde edinen ido edi edinen, kpa nte Enye edide edinen;

ERIYARARE 21:8

Edi ama edi mbon esit ndik, ye mmɔ emi minimke ke akpanikɔ, ye mmɔ emi emade mbubiam ido, ye mme owot owo, ye mbon use, ye mbia idiɔŋ, ye mme okpono ndem, ye kpukpru mme osu nsu, udeme mmɔ eyedu ke akwa mkpɔdiɔhɔ emi asakde ye ikaŋ ye brimstone, emi edide udiana mkpa.