ŊWED MME PSALM 149:2 - Edisana ñwed Abasi Ibom

² Yak Israel adat esit abaŋa andibot enye: yak nditɔ Zion ebre ebaŋa edidem mmɔ.

ŊWED MME PSALM 149:2 ပူးပေါင်းရင်းမြစ်များ

ŊWED JOB 35:10

Ndien idɔhɔke ite, Enye Abasi emi okobotde mi, emi ɔnɔde ikwɔ ke okoneyo?

ŊWED MME PSALM 47:6

Mbufo ekwɔ enɔ Abasi, ekwɔ; ekwɔ enɔ edidem nnyin, ekwɔ.

ŊWED MME PSALM 95:6

Mbufo edi, nnyin ituak ibuot inyuŋ inuhɔ: inyuŋ itɔŋɔ edɔŋ ke iso Jehovah andinam nnyin.

ISAIAH 43:15

Ami ndi Jehovah, Edisana Abasi mbufo, andibot Israel, edidem mbufo.

ISAIAH 52:7

Ukot owo eti mbuk eye didie ke enyɔŋ ikpɔ obot! ukot owo eke ɔkwɔrɔde emem, eke obukde eti ŋkpɔ, eke ɔkwɔrɔde erinyaŋa; ɔdɔhɔ Zion, ete, Abasi fo ada ubɔŋ! (Kop!)

ISAIAH 54:5

Koro andibot fi edide uberi; Jehovah mme udim edi enyiŋ esie; andifak fi onyuŋ edi Edisana Abasi Israel; enye eyekere Abasi ofuri ererimbot.

JOEL 2:23

Mbufo nditɔ Zion ebre ndien mbre, enyuŋ edara Jehovah Abasi mbufo; koro enye ɔnɔde mbufo akpa edim nte enende, onyuŋ anam akpa edim ye akpatre edep ɔnɔ mbufo, kpa nte eke akpa.

HABAKKUK 1:12

Nte afo udige Jehovah edisana Abasi mi toto ko? Nnyin idikpaha. O Jehovah, afo onim mmɔ ɔnɔ ikpe; O akwa itiat, afo owuk mmɔ onim ɔnɔ nduari.

ZEPHANIAH 3:14

O adiaha Zion, kwɔ; mbufo Israel esio mkpo idara; O adiaha Jerusalem, dara nyuŋ bre ke ofuri esit.

ZEPHANIAH 3:15

Jehovah ɔmɔbɔ fi ufen efep, amakabare usua fo efep: edidem Israel, Jehovah, odu ke otu mbufo: afo udukwe aba idiɔk.

ZECHARIAH 9:9

O adiaha Zion, dat esit eti-eti; sio mkpo idara, O adiaha Jerusalem: sese, edidem fo eyedi ke ɔtɔ fo; enye enen, onyuŋ onim idem ke andinyaŋa; enye edi suŋ-suŋ, onyuŋ odoro ke ass, ye ke abak ass, eyen uman ass.

MATTHEW 21:5

Mbufo edɔhɔ adiaha Zion, ete, Sese, Edidem fo ke edi ke ɔtɔ fo, Ɔsuhɔre idem, onyuŋ odoro ke ass, Ke abak ass, eyen uman ass.

MATTHEW 25:34

Ekem Edidem eyedɔhɔ mmɔ emi edude ke ubɔk nnasia, ete, Edi, mbufo emi Ete Mi ɔdiɔŋde, edida ubɔŋ emi ekonimde enɔ mbufo toto ke eritɔŋɔ ererimbot.

LUKE 19:27

Edi ama edi mme asua mi emi mikoyomke ami ŋkara mmɔ, eda mmɔ edi mi, enyuŋ ewot mmɔ ke iso mi.

LUKE 19:38

Itoro enyene Edidem emi edide ke enyiŋ Jehovah: Emem odu ke heaven, ubɔŋ odu ke ata enyɔŋ.

JOHN 19:15

Edi mmɔ efiori ete, Men Enye fep, men Enye fep, wot Enye ke cross. Pilate ete mmɔ, Nte ŋwot Edidem mbufo ke cross? Ikpɔ oku ebɔrɔ ete, Nnyin inyeneke edidem efen ibe Caesar.

DEUTERONOMY 12:7

Ndien mbufo edia ŋkpɔ do ke iso Jehovah Abasi mbufo, enyuŋ edat esit ke kpukpru ŋkpɔ eke mbufo enyande ubɔk mbufo ke esit, kpa mbufo ye mme ufɔk mbufo, ke se Jehovah adade ɔdiɔŋ mbufo.

ŊWED MBON PHILIPPI 3:3

Koro nnyin idi mme ana mbobi, kpa nnyin emi ituakde ibuot inɔ Abasi ke Spirit, inyuŋ iburede mbure ke Christ Jesus minyuŋ iberike idem ke obukidem.

ERIYARARE 19:6

Ndien ŋkop uyo emi ebietde mkpo akwa otu, ye uyom uwak mbufut, ye uyom ɔkpɔsɔŋ obuma ɔdɔhɔde ete, Hallelujah; koro Ɔbɔŋ Abasi nnyin, Andikara kpukpru ŋkpɔ, ada ubɔŋ.

1 SAMUEL 12:22

Koro Jehovah midikpɔŋke ikɔt esie ke abaŋa akamba enyiŋ esiemɔ: koro Jehovah amama ndinim mbufo ke ikɔt esiemɔ.