ŊWED MME PSALM 146:9 - Edisana ñwed Abasi Ibom

⁹ Jehovah ekpeme isen owo; enye emenere eyen-akpa ye ebe-akpa onim ke enyɔŋ: onyuŋ akwaŋa usuŋ mme idiɔk owo.

ŊWED MME PSALM 146:9 ပူးပေါင်းရင်းမြစ်များ

2 SAMUEL 15:31

Ekem owo etiŋ ɔnɔ David, ete ke Ahithophel odu ke otu mbon-odu ye Absalom. Ndien David ɔdɔhɔ ete, O Jehovah, mbɔk, nam item Ahithophel akabare edi ndisime.

2 SAMUEL 17:23

Ekem, adaŋemi Ahithophel okutde ete ke itieneke item imɔ, enye ɔdiɔŋ ass esie, adaha ke enyɔŋ, aka ke ufɔk esie, ke obio esie, okotim ŋkpɔ ufɔk esie, ndien eyire akpa, onyuŋ ɔbuhɔ ke udi ete esie.

ESTHER 5:14

Ndien Zeresh ŋwan esie, ye kpukpru mme ufan esie, edɔhɔ enye, ete, Yak enam eto eke okoŋde ibio-idomo-okuk aba ye duop, ndien eyo ama esiere, dɔhɔ edidem, ete eyiri Mordecai ke esit: ndien tiene edidem ka ke itie udia ke idaresit. Ndien Haman ama ikɔ oro, onyuŋ anam eto oro.

ESTHER 7:10

Ntre ke mmɔ eyiri Haman ke eto oro enye ekebemde onim ɔnɔ Mordecai. Ndien ikpahesit edidem ɔsuhɔ.

ESTHER 9:25

edi adaŋemi enye (Esther) odukde ke iso edidem, enye ɔdɔhɔ ke ŋwed, ete idiɔk ekikere oro enye ekekerede abaŋa mme Jew afiak odoro enye ke ibuot, ndien eyiri enye ye nditɔ-iren esie ke eto.

ŊWED MME PSALM 10:14

Afo omokut; koro afo etiŋde enyin ese ibak ye iyaresit man ada mmɔ esin ke ubɔk fo: eyen ukut ayak idem ɔnɔ fi; afo edi iberedem eyen-akpa.

ŊWED MME PSALM 145:20

Jehovah ekpeme kpukpru mmɔ eke emade enye: onyuŋ osobo kpukpru mme idiɔk owo.

ŊWED MME PSALM 147:6

Jehovah emenere mbon nsukesit onim ke enyɔŋ: emen mme idiɔk owo ɔduɔk ke isɔŋ.

ŊWED MME PSALM 18:26

eyenim idem fo ke edisana ye owo eke asanade; onyuŋ akwaŋa iso ye mmɔ eke ekwaŋade.

ŊWED MME PSALM 68:5

Abasi edi ete nditɔ-akpa, ye ebierikpe mme ebe-akpa, ke edisana iduŋ esie.

MME ŊKE 15:25

Jehovah eyedibere ufɔk mbon iseri efep: edi eyeneŋere adaŋa ŋwan akpa.

MME ŊKE 4:19

Usuŋ mme idiɔk owo ebiet ata ekim: mmɔ ifiɔkke se edituahade eduɔŋɔ.

JEREMIAH 49:11

Kpɔŋ nditɔ akpa fo, nyenim mmɔ ke uwem; ndien yak mme ebe akpa fo ebuɔt idem mmɔ ye ami.

HOSEA 14:3

Asshur idinyaŋake nnyin: nnyin ididoroke ke horse: idinyuŋ idɔhɔke aba ye se ubɔk nnyin ekenamde, ite, Abasi nnyin: koro afo atuade eyen eke ananade ete mbɔm.

MALACHI 3:5

Ndien ami nyesaŋa ŋkpere mbufo ke ikpe, nnyuŋ nnim owowo ntiense mbaŋa mbia-idiɔŋ ye mme esin efibe, ye mmɔ eke eŋwɔŋɔde nsu, ye mmɔ eke etukde anam-utom ke utip esie, etuk ebe-akpa ye eyen-akpa, emi enyuŋ efikde esen owo, ndien mibakke mi, Jehovah mme udim ɔdɔhɔ.

1 ŊWED CORINTH 3:19

Koro ifiɔk ererimbot emi edi ndisime ke iso Abasi. Koro ewet ete, Enye omum mme enyene-ibuot owo ke ŋkari mmɔ;

DEUTERONOMY 16:11

ndien dat esit ke iso Jehovah Abasi fo, afo, ye eyen eren fo, ye eyen fo aŋwan, ye ofin eren fo, ye ofin aŋwaŋ fo, ye Levite eke odude ke obio fo, ye esen owo, ye eyen-akpa, ye ebe-akpa eke edude ke otu fo, ke ebiet emi Jehovah Abasi edimekde ndinim enyiŋ esiemɔ do.

JAMES 1:27

Ido Abasi eke asanade, minyuŋ ideheke ke iso Abasi Ete nnyin edi, ndisaŋa nse nditɔ-akpa ye mme ebe-akpa ke ukut mmɔ, ndinyuŋ ŋkpeme idem ke idiɔk-ŋkpɔ emi odude ke ererimbot.