ŊWED MME PSALM 146:7 - Edisana ñwed Abasi Ibom

⁷ emi ekpede ikpe ɔnɔ mmɔ eke etuhɔde; onyuŋ ɔnɔde mbon ɔbiɔŋ udia. Jehovah ɔkpɔhɔre mbon ŋkpɔkɔbi:

ŊWED MME PSALM 146:7 ပူးပေါင်းရင်းမြစ်များ

ŊWED MME PSALM 10:18

man afo ekpe ikpe eyen-akpa ye eyen-ukut; owo eke otode ke ntan-isɔŋ iditɔŋɔke aba ntak isin mmɔ ndik.

ŊWED MME PSALM 103:6

Jehovah ekpe edinen ikpe ɔnɔ kpukpru mmɔ eke owo efikde.

ŊWED MME PSALM 12:5

Jehovah ɔdɔhɔ ete, Ke emi ke ndidaha ke enyɔŋ, mbaŋa ufik mbon ukut, mbaŋa mmum mme ubuene; nyeda enye nsin ke ifure emi enye oyomde eti-eti.

ŊWED MME PSALM 136:25

Enye ɔnɔnɔ ofuri obukidem udia: koro ima esie odude ke nsinsi.

ŊWED MME PSALM 142:7

Sio ukpɔŋ mi ke ufɔk ukwak, man ŋkɔm enyiŋ fo: nti owo eyekan mi ekuk; koro afo edifɔnde ye ami.

ŊWED MME PSALM 35:10

Kpukpru mme ɔkpɔ mi eyedɔhɔ, ete, Jehovah, anie ebiet fi, emi osiode owo ukut ke ubɔk owo eke ɔsɔŋde akan enye? (Ke osio) owo ukut ye ubuene ke ubɔk owo eke obumede enye?

ŊWED MME PSALM 68:6

Abasi anam ikpɔŋ owo eduŋ ke ufɔk: osio mbon ŋkpɔkɔbi ɔnɔ inyene: edi mbon nsɔŋibuot ikpɔŋ eduŋ ke nsat isɔŋ.

ŊWED MME PSALM 68:7

O Abasi, ke ini afo ekebemde ikɔt fo iso ɔwɔrɔ, ke ini afo asaŋade ke wilderness. [Selah.]

ŊWED MME PSALM 72:4

Enye eyekpe ikpe mbon eke etuhɔde; eyenyaŋa nditɔ unana, onyuŋ anuak owo utuk.

ŊWED MME PSALM 9:16

enye ekpe ikpe; utom ubɔk idiɔk owo esike owo ke idem esie. Higgaion. Selah.

ISAIAH 61:1

SPIRIT Ɔbɔŋ Jehovah odoro mi: koro, Jehovah emeyet mi aran onim, man mbuk eti mbuk nnɔ mbon nsuk-esit; ɔmɔdɔŋ mi, ete mbɔp mmɔ eke esit mmɔ ɔbuŋɔde, ŋkwɔrɔ uwɔrɔ-ufin nnɔ mbuot ekɔŋ, ŋkwɔrɔ nsana-nyak nnɔ mmɔ eke ekɔbide;

ISAIAH 9:4

Koro afo omobuŋ ɔkpɔnɔ mbiomo esie, ye eto afara esie, ye esaŋ andifik enye, kpa nte akanamde ke usen Midian.

JEREMIAH 31:14

Nyenyuŋ nnɔ mme oku ikpɔŋ unam eyuhɔ, ikɔt mi eyenyuŋ edia mfɔn mi eyuhɔ: ke edi Jehovah ɔdɔhɔ.

MALACHI 3:5

Ndien ami nyesaŋa ŋkpere mbufo ke ikpe, nnyuŋ nnim owowo ntiense mbaŋa mbia-idiɔŋ ye mme esin efibe, ye mmɔ eke eŋwɔŋɔde nsu, ye mmɔ eke etukde anam-utom ke utip esie, etuk ebe-akpa ye eyen-akpa, emi enyuŋ efikde esen owo, ndien mibakke mi, Jehovah mme udim ɔdɔhɔ.

LUKE 1:53

Enye akada nti ŋkpɔ ɔyuhɔ mmɔ emi biɔŋ ɔdɔŋde, Okonyuŋɔdɔŋ mbon-inyene enyɔŋɔ ubɔk-ubɔk.

LUKE 4:18

Spirit Jehovah odoro Mi ke idem, Koro Enye emeyet Mi aran onim, ete, ŋkwɔrɔ eti mbuk nnɔ nditɔ-ubuene: Enye ɔmɔdɔŋ Mi, ete, ŋkwɔrɔ uwɔrɔ-ufin nnɔ mbuotekɔŋ, Nnyuŋ ŋkwɔrɔ erikut usuŋ nnɔ mme nnan, Nnyuŋ nsana mmɔ emi efikde nyak,

LUKE 9:17

Ndien kpukpru mmɔ edia eyuhɔ; enyuŋ etaŋ mbubek udia eke ɔsuhɔde edɔŋ ke akpan duopeba eyɔhɔ.

UTOM MME APOSTLE 16:26

ndien idaha oro akwa unyek-isɔŋ otibe, tutu enyeŋe ɔfuri ufɔk-ŋkpɔkɔbi; ndien idaha oro kpukpru usuŋ eberere; ŋkpɔkɔbi enyuŋ ekpɔhɔre kpukpru owo ke ubɔk.

UTOM MME APOSTLE 5:19

Edi ke okoneyo angel Ɔbɔŋ eberede usuŋ ufɔk-ŋkpɔkɔbi, ada mmɔ ɔwɔrɔ, ete,