ŊWED MME PSALM 143:8 - Edisana ñwed Abasi Ibom

⁸ Nam ŋkop ima fo ke usenubɔk: koro mbuɔtde idem mi ye afo: wut mi usuŋ eke ŋkpasaŋade; koro mmenerede ukpɔŋ mi nse fi.

ŊWED MME PSALM 143:8 ပူးပေါင်းရင်းမြစ်များ

ŊWED MME PSALM 119:34

Tim sian mi, ndien nyekpeme ido fo; nnyuŋ nnim enye ke ofuri esit mi.

ŊWED MME PSALM 119:73

Ubɔk fo amanam mi, omonyuŋ obot mi: tim sian mi, nyuŋ yak mi ŋkpep mbet fo.

ŊWED MME PSALM 143:10

Teme mi ndinam se afo amade: koro afo edide Abasi mi: spirit fo ɔmɔfɔn, yak enye ada mi aka ke isɔŋ edinen ido.

ŊWED MME PSALM 25:20

Kpeme ukpɔŋ mi, nyuŋ nyaŋa mi: kuyak but anam mi; koro mmɔbuɔt idem mi ye afo.

ŊWED MME PSALM 27:11

O Jehovah, teme mi usuŋ fo, nyuŋ da mi usuŋ eke enende baŋa mme asua mi.

ŊWED MME PSALM 30:5

Koro enye ayatde esit ke ekpri ini; uwem oto ke mfɔn-ido esie: eyet eyedaŋ ke mbubreyo, ndien idara edi ke usenubɔk.

ŊWED MME PSALM 32:8

Nyeteme fi, nnyuŋ ŋwut fi usuŋ eke afo edisaŋade: nyeteme fi, nyetiŋ fi enyin mi ke idem.

ŊWED MME PSALM 42:8

Jehovah owuk ima esie ke uwemeyo, ikwɔ esie onyuŋ odu ye ami ke okoneyo, nnyuŋ ŋkpe Abasi uwem mi ubɔk.

ŊWED MME PSALM 46:5

Abasi odu enye ke esit; enye idisehekede: Abasi eyenyeŋa enye ke ata usenubɔk.

ŊWED MME PSALM 5:8

O Jehovah, da mi usuŋ ke edinen ido fo, mbak mme asua mi; nam usuŋ fo eneŋere ana mi ke iso:

ŊWED MME PSALM 59:16

Ndien ami nyekwɔ odudu fo; nnyuŋ ntoro ima fo ke usenubɔk: koro afo ekedide edikoŋ ebiet mi, ye ebiet ubɔhɔ mi ke usen nnanenyin mi.

ŊWED MME PSALM 86:4

Dat owo fo esit, koro mmemen ukpɔŋ mi nse fi, Ɔbɔŋ.

ŊWED MME PSALM 90:14

Nɔ nnyin ima fo ke usenubɔk yuhɔ; ndien esit eyedat onyuŋ enem nnyin ke ofuri uwem nnyin.

ISAIAH 30:21

ndien utɔŋ fo eyekop uyo ke edem fo, ete, “Emi edi ɔkpɔ-usuŋ, mbufo esaŋa ke esit,” ke mbufo ediŋwɔŋɔrede eka nnasia, mme enyuŋ eka ufien.

ISAIAH 48:17

Ntem ke Jehovah, andifak fi, kpa Edisana Abasi Israel, ɔdɔhɔ, ete, Ami ndi Jehovah Abasi fo, emi ŋkpepde fi usuŋ udori, nda fi usuŋ eke afo edisaŋade.

ŊWED ESEME 3:41

Yak nnyin imenere esit nnyin ikɔrɔ ye ubɔk nnyin inɔ Abasi ke enyɔŋ.

HOSEA 6:3

Ndien nnyin iyefiɔk, nnyin iyebine ikɔfiɔk Jehovah: enye iditreke ndiwɔrɔ nte usiere, eyenyuŋ osim nnyin nte edim, nte akpa ye ukperedem edim ebitde isɔŋ.

JUDGES 13:12

Ndien enye ete, Edi ami. Ndien Manoah ɔdɔhɔ ete, Ama osu ke uyo fo, nso ididi ido eyen, ye se ekpenamde ye eyen?

1 SAMUEL 23:12

David onyuŋ obup ete, Nte mme andinyene Keilah eyeda mi ye ikɔt mi esin Saul ke ubɔk? Ndien Jehovah ɔdɔhɔ ete, Eyesin.