ŊWED MME PSALM 143:10 - Edisana ñwed Abasi Ibom

¹⁰ Teme mi ndinam se afo amade: koro afo edide Abasi mi: spirit fo ɔmɔfɔn, yak enye ada mi aka ke isɔŋ edinen ido.

ŊWED MME PSALM 143:10 ပူးပေါင်းရင်းမြစ်များ

NEHEMIAH 9:20

Afo onyuŋ ɔnɔ mmɔ eti spirit fo man anam mmɔ efiɔk ŋkpɔ, unyuŋ usioho mmɔ manna fo ke inua ufep, onyuŋ ɔnɔ mmɔ mmɔŋ ke ini nsat-itɔŋ mmɔ.

ŊWED MME PSALM 118:28

Afo edi Abasi mi, ndien nyekɔm fi: Abasi mi, nyekpono fi.

ŊWED MME PSALM 119:12

Yak ekɔm fi, O Jehovah: kpep mi ewuhɔ fo.

ŊWED MME PSALM 119:35

Nam mi nsaŋa ke usuŋ mbet fo, koro mmama enye.

ŊWED MME PSALM 139:24

Nyuŋ se mme usuŋ ukwaŋ odu mi ke esit, nyuŋ da mi usuŋ nsinsi uwem.

ŊWED MME PSALM 140:6

Ŋkɔdɔhɔ Jehovah, nte, Afo edi Abasi: O Jehovah, kpaŋ utɔŋ nɔ uyo mkpe-ubɔk mi.

ŊWED MME PSALM 22:1

ABASI mi! Abasi mi! nsiman afo ɔkpɔŋde mi? nsinam afo adade anyan ebiet, munyaŋake mi, mukopke uyo eseme mi?

ŊWED MME PSALM 23:3

Enye eyedemere ukpɔŋ mi: eyeteme mi usuŋ eti ido abaŋa enyiŋ esie.

ŊWED MME PSALM 25:12

Edi anie owo abak Jehovah? Enye eyeteme enye usuŋ eke emekde.

ŊWED MME PSALM 27:11

O Jehovah, teme mi usuŋ fo, nyuŋ da mi usuŋ eke enende baŋa mme asua mi.

ŊWED MME PSALM 31:14

Edi ami mbuɔt idem mi ye afo, O Jehovah; ndɔhɔ nte, “Afo edi Abasi mi.”

ŊWED MME PSALM 63:1

O ABASI, afo edi Abasi mi; nyebak nyom fi. Itɔŋ fo ɔdɔŋ mi ukpɔŋ, obukidem mi oyoyom fi ke isɔŋ nsat ye mba, eke mmɔŋ miduhe;

ISAIAH 29:10

Koro Jehovah amaŋwaŋa mbufo spirit idap ke idem, onyuŋ ɔbɔp mbufo enyin; enye ofuk mme prophet, ye mbuot mbufo, mbon ŋkukut.

ISAIAH 63:14

Kpa nte ikpɔ ufene esuhɔrede ke itihere ebiet, kpa ntre ke Spirit Jehovah edinam enye ɔduɔk odudu: ntem ke afo akada ikɔt fo usuŋ, man anam enyiŋ ubom ɔnɔ idem fo.”

MICAH 4:2

Ndien ediwak mme idut eyeka ekedɔhɔ, ete, Edi, nnyin idɔk ke obot Jehovah, ye ke ufɔk Abasi Jacob; ndien Enye eyeda usuŋ esie ekpep nnyin, nnyin iyenyuŋ isaŋa ke ɔkpɔ-usuŋ esie: koro ewuhɔ eyeto ke Zion, uyo Jehovah eyenyuŋ oto ke Jerusalem.

NUMBERS 9:22

Ekpedi usen iba, ekpedi ɔfiɔŋ kiet, ekpedi isua, ke obubit enyɔŋ ebigi ke ebiet-iduŋ, onyuŋ odoro ke enyɔŋ, nditɔ Israel etie, inyuŋ iwuhɔkede; edi ke enye ama adaha, mmɔ ewuhɔre.

MATTHEW 28:20

enyuŋ ekpep mmɔ enam kpukpru ŋkpɔ eke ŋketemede mbufo: ndien sese, Ami ndodu ye mbufo kpukpru ini, tutu osim utit ererimbot. Amen.

JOHN 14:26

Edi Iberedem, kpa Edisana Spirit, emi Ete edinɔde edi ke enyiŋ Mi, Enye eyekpep mbufo kpukpru ŋkpɔ, onyuŋ anam mbufo eti kpukpru se Ami ŋketiŋde nnɔ mbufo.

ŊWED MBON ROME 15:13

Abasi idori-enyin akpakam ɔyɔhɔ mbufo ye kpukpru idaresit ye emem ke mbuɔtidem mbufo, man mbufo enyene uwak idori-enyin oto ke odudu Edisana Spirit.

ŊWED MBON ROME 15:30

Edi mmekpe mbufo ubɔk, nditɔ-ete, ke enyiŋ Ɔbɔŋ nnyin Jesus Christ ye ke ima emi Spirit esinde nnyin ke esit, nte mbufo etiene mi eŋwana ebɔŋ akam enɔ Abasi ebaŋa mi;

ŊWED MBON ROME 5:5

Ndien idori-enye emi iyakke nnyin ikut but, koro Abasi amaŋwaŋa ima Esie esin ke esit nnyin oto ke Edisana Spirit emi Enye ɔkɔnɔde nnyin.

ŊWED MBON ROME 8:2

Koro ibet Spirit uwem ke Christ Jesus ama anam mi mbɔhɔ ibet ndiɔk-ŋkpɔ ye mkpa.

ŊWED MBON ROME 8:26

Kpa ntre ŋko ke Spirit onyuŋ anyaŋa mmemidem nnyin: koro nnyin mifiɔkke ndibɔŋ akam nte nnyin ikpɔbɔŋde: edi Spirit ke Idem Esie anam mkpe-ubɔk ɔnɔ nnyin ye mmum eke owo mikemeke nditiŋ.

ŊWED MBON EPHESUS 4:30

Ekunyuŋ eyat Edisana Spirit Abasi esit, emi edi ke Enye ke ema efik mbufo idiɔŋɔ ebeŋe usen erifak.

ŊWED MBON EPHESUS 5:9

esaŋa nte nditɔ uŋwana (koro mfri eke otode uŋwana esine ke kpukpru nti ido ye edinen ido ye akpanikɔ);

2 ŊWED TIMOTHY 1:7

Koro Abasi ikɔnɔŋɔ nnyin spirit ufep, edi spirit odudu ye ima ye mfara-idem.

MME HEBREW 13:21

kpa Ɔbɔŋ nnyin Jesus Christ akpakam ɔnɔ mbufo kpukpru nti ŋkpɔ eda enam se Enye amade, onyuŋ anam utom ke esit nnyin, nte ɔfɔnde Enye ke enyin, oto ke Jesus Christ. Ubɔŋ enyene Enye ke nsinsi-nsinsi. Amen.

1 JOHN 2:27

Ama edi mbufo, Spirit emi Christ ama aŋwaŋa mbufo ke idem mmɔdo ke esit mbufo oduŋ, inyuŋ inaŋa nte owo ekpep mbufo ŋkpɔ; edi nte Spirit emi Enye aŋwaŋade mbufo ke idem ekpepde mbufo abaŋa kpukpru ŋkpɔ, onyuŋ edide akpanikɔ, midige nsu, ndien nte Enye ekekpepde mbufo, mbufo esuk eduŋ ke Enye.