ŊWED MME PSALM 14:3 - Edisana ñwed Abasi Ibom

³ Kpukpru mmɔ emewaha, mmɔ emebiara kpukpru: baba owo kiet eke anamde eti ido iduhe, ndomo baba kiet.

ŊWED MME PSALM 14:3 ပူးပေါင်းရင်းမြစ်များ

GENESIS 6:12

Ndien Abasi ese ererimbot, ndien, sese, ababiara: koro kpukpru owo ekebiatde usuŋ mmɔ ke isɔŋ.

ŊWED JOB 14:4

Edisana ŋkpɔ akpakam oto ke ŋkpɔ ndek; baba kiet itoho.

ŊWED JOB 15:16

Ŋwaŋwa ediso se idehede inyuŋ ibiarade, kpa owo emi ɔŋwɔŋde idiɔk ido nte mmɔŋ!

ŊWED MME PSALM 119:176

Nsaŋa ndiyo nte erɔŋ eke osopde; yom owo fo; koro mmemfreke mbet fo.

ŊWED MME PSALM 14:1

NDISIME owo ɔdɔhɔ ke esit esie, ete, Abasi iduhe. Mmɔ emediɔk, enyuŋ enam mbubiam-ŋkpɔ; baba owo kiet eke anamde eti ido iduhe.

ŊWED MME PSALM 143:2

Kunyuŋ ukot owo fo ikpe: koro ikpe misanake baba andidu uwem kiet ke iso fo.

ŊWED MME PSALM 38:5

Ndisime ido mi esin inia mi etebe, enyuŋ ebu iso.

ŊWED MME PSALM 58:3

Mme idiɔk owo ewaha etɔŋɔde ke idibi: mmɔ edue enyuŋ esu nsu, toto ke ini mmɔ ekememana.

EXODUS 12:30

Ndien Pharaoh adaha ke enyɔŋ ke okoneyo, enye ye ikɔt esie kpukpru; ye kpukpru nditɔ Egypt; akwa ntuaŋa onyuŋ odu ke Egypt; koro baba ufɔk kiet eke owo mikpaha do, miduhe.

EXODUS 8:31

Ndien Jehovah anam ke uyo Moses; ndien nduyip ekpɔŋ Pharaoh ye ikɔt esie, ye mbio-obio esie; isukke ndomo kiet.

ECCLESIASTES 7:20

Koro baba eti owo kiet eke anamde eti ndien midiɔkke, iduhe ke ererimbot.

ECCLESIASTES 7:29

Sese, mma ŋkut ŋkpɔ emi ikpɔŋ-ikpɔŋ, nte ke Abasi ama anam owo edinen; ndien mmɔ ema eyom ediwak idiɔk usuŋ.

ISAIAH 53:6

Kpukpru nnyin idiyo nte erɔŋ: kpukpru nnyin ikabare iduk ke usuŋ nnyin; ndien Jehovah ada idiɔk ido nnyin kpukpru odori enye ke idem.

ISAIAH 64:6

Nnyin kpukpru inyuŋ ibiet ŋkpɔ ndek, kpukpru nti ido nnyin enyuŋ ebiet edidehe ɔfɔŋidem; kpukpru nnyin inyuŋ iyemere nte ikɔŋ; mme idiɔk ido nnyin enyuŋ emen nnyin efep nte ofum.

JEREMIAH 2:13

Koro ikɔt mi emenam idiɔk ŋkpɔ iba; emekpɔŋ mi idim mmɔŋ uwem, enyuŋ etibi obube enɔ idem mmɔ, kpa ndisiaha obube eke mikamake mmɔŋ.

EZEKIEL 36:25

Ndien nyesime mbufo edisana mmɔŋ ke idem, ndien mbufo eyedi edisana: nyesio mbufo kpukpru ndek mbufo ye kpukpru ibɔk mbufo ke idem mfep nnam esana.

ŊWED MBON ROME 3:23

koro kpukpru owo ema enam idiɔk-ŋkpɔ, enyuŋ etaba ubɔŋ Abasi.

1 ŊWED CORINTH 6:5

Mmɔdɔhɔ emi man but akpanam mbufo. Mme ɔwɔrɔ ete enyene-ibuot owo iduhe ke otu mbufo, emi ekemede ndibiere ikɔ ke ufɔt nditɔ-ete esie?

2 ŊWED CORINTH 7:1

SIA nnyin imenyene mme uŋwɔŋɔ emi, ndima mi, eyak nnyin iyet kpukpru se isabarede obukidem ye spirit ifep ke idem nyin, inam nti ido nnyin efɔn ema ke eribak Abasi.

ŊWED MBON EPHESUS 2:3

Kpukpru nnyin ŋko ikonyuŋ isaŋa ye mmɔ ke ini oko, idu uwem ke idiɔk itɔŋ obukidem nnyin, inam se idɔŋde obukidem ye ekikere nnyin, ikonyuŋ idi nditɔ iyaresit ke uduot nnyin, kpa nte mmɔ eken.

DEUTERONOMY 1:35

Baba owo kiet ke otu mbon emi, kpa idiɔk emana emi, idikwe eti isɔŋ emi ŋkɔŋwɔŋɔde nte nyenɔ mme ete mbufo,