ŊWED MME PSALM 13:2 - Edisana ñwed Abasi Ibom

² Adaŋa didie ke ndinim uduak ke ukpɔŋ mi, uduk ke esit mi kpukpru usen? Adaŋa didie ke usua mi ediforo akan mi?

ŊWED MME PSALM 13:2 ပူးပေါင်းရင်းမြစ်များ

NEHEMIAH 2:2

Ndien edidem ɔdɔhɔ mi, ete, Nsinam iso ɔfuhɔde fi, ke afo mudɔŋɔke? Emi idige ŋkpɔ ke mibɔhɔke ndutuhɔ esit. Ndien akamba ndik anam mi eti-eti;

ESTHER 7:6

Ndien Esther ɔdɔhɔ ete, owo udi ye asua edi idiɔk Haman emi. Ndien ndik anam Haman ke iso edidem ye ɔbɔŋ-aŋwan.

ŊWED JOB 10:15

Ŋkpanam idiɔk, ɔdɔdiɔk ɔnɔ mi: ŋkponyuŋ nnen, ŋkpekemeke ndimenere ibuot mi: koro esuene ɔyɔhɔde mi, nnyuŋ ŋkut ukut mi.

ŊWED MME PSALM 10:18

man afo ekpe ikpe eyen-akpa ye eyen-ukut; owo eke otode ke ntan-isɔŋ iditɔŋɔke aba ntak isin mmɔ ndik.

ŊWED MME PSALM 116:3

Mme uruk mkpa ekekan mi ekuk; mme ubiak obio ekpo enyuŋ esim mi: ŋkut ukut ye nnanenyiŋ.

ŊWED MME PSALM 17:9

mbak mme idiɔk owo eke esobode mi; mme asua eke enuakde mi itɔŋ uwem eyekan mi ekuk.

ŊWED MME PSALM 31:18

Yak enam mkpɔk-inua nsu edop, emi edade iseri ye esuene edɔhɔ ɔkpɔsɔŋ ikɔ ye nti owo.

ŊWED MME PSALM 38:17

Koro ami ntiede nte owo eke oyomde ndiduɔ, ubiak mi onyuŋ ana mi ke iso kpukpru ini.

ŊWED MME PSALM 42:4

Nyeti ŋkpɔ emi, nnyuŋ ŋŋwaŋa ukpɔŋ mi ke idem mi, ke ini ndisaŋade ke akwa otu owo, ntiene mmɔ ŋka ke ufɔk Abasi, ke mkpo idara ye ekɔm, ke otu akwa udim eke enimde ederi.

ŊWED MME PSALM 6:4

Fiak edem, O Jehovah, sio ukpɔŋ mi ke ukut: O nyaŋa mi baŋa ima fo.

ŊWED MME PSALM 7:2

mbak enye ediwai ukpɔŋ mi nte lion, awai mbak-mbak, ndien owo eke anyaŋade iduhe.

ŊWED MME PSALM 74:10

O Abasi adaŋa didie ke usua edisuŋi? Nte owo utɔk edisuene enyiŋ fo ke nsinsi?

ŊWED MME PSALM 74:18

Ti emi, usua ke esuene, O Jehovah; mbon ndisime esin enyiŋ fo ke ndek.

ŊWED MME PSALM 8:2

Afo osio odudu ke inua nditɔwɔŋ ye eke nsek nditɔ onim abaŋa mme asua fo, man afo odop inua usua ye eke osio-usiene.

ŊWED MME PSALM 9:6

Ama edi mme asua, emema ŋwure (mmɔ) ke nsinsi. Afo omonyuŋ osobo obio (mmɔ); owo itihi aba mmɔ.

MME ŊKE 15:13

Esit idara anam iso eye: edi mfuhɔ obuŋ spirit owo.

ECCLESIASTES 5:17

Ndien ŋko enye adia kpukpru usen esie ke ekim, onyuŋ okut ediwak iyaresit, ye udɔŋɔ, ye ifiopesit.

JEREMIAH 15:18

Nsinam ubiak mi ebigide ke nsinsi? Nsinam unan ɔdiɔkde mi ntem, minyimeke ndikpa? Nte afo ɔmɔŋ etie ye ami nte osu-nsu, ye nte mmɔŋ eke asatde.

JEREMIAH 45:3

Afo ɔkɔdɔhɔ, ete, Ɔdɔdiɔk ye ami ndien! koro Jehovah ɔmɔkɔrɔ ndutuhɔ ke ubiak mi; mmakpa mba ke eseme mi, ndien ŋkwe nduɔk-odudu.

JEREMIAH 8:18

Inemesit emi odude mi ke idem edi mfuhɔ, esit etie mi udɔŋɔ-udɔŋɔ.

ŊWED ESEME 1:5

Mbon udi esie ekabare edi ibuot, mme asua esie ekut unen; koro Jehovah otukde enye abaŋa uwak mme idiɔk ido esie: nditɔ-ɔwɔŋ esie ebem mme asua iso eka nte mbuot-ekɔŋ.

ŊWED ESEME 1:9

Ndek esie odu enye ke ɔfɔŋ idem; enye ikereke akpatre esie; mmɔdo enye ɔsuhɔrede utibe-utibe: baba owo kiet idɔŋke enye esit. O Jehovah, se ukut mi: koro asua ama ataŋ idem.

ŊWED ESEME 5:20

Nsinam afo efrede nnyin ke nsinsi? Nsinyuŋ inam afo ɔkpɔŋde nnyin ke anyan ini?

MATTHEW 26:38

Ekem Enye ɔdɔhɔ mmɔ ete, Ukpɔŋ Mi ɔfuhɔ eti-eti ekpere ndikpa; mbufo etie mi, ekpeme ye Ami.

LUKE 22:53

Ke adaŋemi ŋkodude ye mbufo ke temple ke usen ke usen, mbufo inyanakere ubɔk iyom ndinam Mi ŋkpɔ: edi emi edi ifet mbufo ye eke odudu ekim.

JOHN 16:6

Edi mfuhɔ ɔyɔhɔ mbufo ke esit koro nnemede mme ŋkpɔ emi nnɔ mbufo.

ŊWED MBON ROME 9:2

mmenyene akwa mfuhɔ ye ubiak emi midoboke ke esit mi.

ŊWED MBON PHILIPPI 2:27

Ke akpanikɔ enye ɔkɔdɔŋɔ ekpere ndikpa: edi Abasi atua enye mbɔm; inyuŋ ituaha enye ikpɔŋ mbɔm, edi atua mi mbɔm ŋko, mbak ndida mfuhɔ ŋkɔrɔ ye mfuhɔ.

1 SAMUEL 18:29

Ndien ndik David ɔdɔdiɔŋ anam Saul aka iso; Saul onyuŋ ɔdɔdiɔŋ asua David kpukpru usen.

1 SAMUEL 24:19

Ke ini owo okutde asua esie, nte eyeyak enye ɔbɔhɔ ke ifure? Jehovah osuk ada eti ŋkpɔ osio fi usiene ke ibuot ŋkpɔ emi afo akanamde ye ami mfin emi.