ŊWED MME PSALM 128:2 - Edisana ñwed Abasi Ibom

² Koro afo edidiade utom ubɔk fo: ɔfɔn ɔnɔ fi, afo onyuŋ okut eti ŋkpɔ.

ŊWED MME PSALM 128:2 ပူးပေါင်းရင်းမြစ်များ

GENESIS 3:19

Ke ibibiak iso fo ke afo edidia udia, tutu edifiak ke isɔŋ emi esiode fi ke esit: koro afo edide ntan, eyenyuŋ afiak ke ntan.

ŊWED MME PSALM 1:3

Ndien enye ebiet eto eke etɔde ke mben akpa mmɔŋ, eke osioŋode mfri esie ke ekem ini; ikɔŋ esie inyuŋ ikeŋeke; ndien kpukpru se enye anamde ɔwɔrɔ usuŋ.

ŊWED MME PSALM 109:11

Yak ɔnɔ ebuɔt omum kpukpru se enye enyenede; yak isen owo enyuŋ ebume kpukpru se enye akpade utom ke esit.

ECCLESIASTES 8:12

Yak edi nte idiɔk owo anamde idiɔk ido utim ikikie, onyuŋ ebigi anyan uwem, edi ami mmotim mfiɔk nte ke edifɔn ye mmɔ eke ebakde Abasi, eke ebakde enye ke iso:

ISAIAH 3:10

Mbufo edɔhɔ edinen owo, ete, Ke ɔfɔn: koro mmɔ eyedia mfri ido mmɔ.

ISAIAH 62:8

Jehovah omotomo ubɔk nnasia esie, ye ubɔk odudu esie, ete, Ndidaha aba ibokpot fo nnɔ mme asua fo eta; nditɔ mme idut idinyuŋ iŋwɔŋke obufa wine fo, emi afo anamde utom ke esit

ISAIAH 65:13

Mmɔdo, ntem ke Ɔbɔŋ Jehovah ɔdɔhɔ, ete, Sese, ikɔt mi eyedia ŋkpɔ, edi biɔŋ eyedɔŋ mbufo: sese, ikɔt mi eyeŋwɔŋ, edi itɔŋ eyesat mbufo: sese, ikɔt mi eyedat esit, edi but eyenam mbufo: sese,

JEREMIAH 22:15

Nte afo edida itie edidem, koro cedar ɔdɔŋde fi? Nte usɔ ikadiaha ŋkpɔ inyuŋ iŋwɔŋ, inyuŋ inam edinen ikpe, ndien ɔfɔn ye enye?

1 ŊWED CORINTH 15:58

Mmɔdo ndima nditɔ-ete mi, esɔŋɔ eda, ekuyak ŋkpɔ esehere mbufo; eyɔhɔ kpukpru ini ke utom Ɔbɔŋ; sia emɔfiɔk ete utom eke mme imɔ inamde idiwɔrɔke idi ikpikpu ke Ɔbɔŋ.

ŊWED MBON EPHESUS 6:3

man ɔkpɔfɔn ye afo, afo okponyuŋ odu uwem ebigi ke isɔŋ.

DEUTERONOMY 28:11

Ndien Jehovah eyenam fi awak ke nti ŋkpɔ, ke mfri idibi fo, ye ke mfri iŋwaŋ fo, ke isɔŋ emi Jehovah ɔkɔŋwɔŋɔde ɔnɔ mme usɔ, ete eyenɔ fi.

DEUTERONOMY 28:39

Afo eyetɔ iŋwaŋ wine, onyuŋ ɔdiɔŋ, edi uduŋwɔŋke vine, udunyuŋ utetke mfri: koro itut editade enye.

DEUTERONOMY 28:4

Eyefɔfɔn ɔnɔ mfri idibi fo, ye mfri iŋwaŋ fo, ye mfri ufene fo, ye nditɔ enaŋ fo, ye nditɔ ŋkpri ufene fo.

DEUTERONOMY 28:51

ndien enye eyedia mfri ufene fo, ye mfri iŋwaŋ fo, tutu afo abiara: idut eke midikpɔŋke baba ibokpot, ye obufa wine, ye aran, ye nditɔ enaŋ fo, ye nditɔ ŋkpri ufene fo, tutu enye osobo fi ama.

DEUTERONOMY 28:8

Jehovah eyewuk ete ɔfɔfɔn ɔnɔ fi ke mme ebiet unim-ŋkpɔ fo, ye ke kpukpru se afo edinyande ubɔk fo ke esit; enye eyenyuŋ ɔdiɔŋ fi ke isɔŋ emi Jehovah Abasi fo ɔnɔde fi.