ŊWED MME PSALM 127:1 - Edisana ñwed Abasi Ibom

¹ KE mibɔhɔke Jehovah ɔbɔp ufɔk, mmɔ eke ebɔpde ekpa utom ikpikpu ke esit: ke mibɔhɔke Jehovah ekpeme obio, andikpeme ataba idap ikpi-kpu.

ŊWED MME PSALM 127:1 ပူးပေါင်းရင်းမြစ်များ

1 NDIDEM 5:12

Ndien Jehovah ɔnɔ Solomon eti ibuot, kpa nte Enye ɔkɔdɔhɔde enye: emem onyuŋ odu ke ufɔt Hiram ye Solomon; mmɔ owo mbiba enyuŋ ediomi ediome ŋko ŋko.

1 CHRONICLES 28:10

Kpeme idem, ndien; koro Jehovah emekde fi, ete ɔbɔp ufɔk ɔnɔ edisana ebiet: sɔŋ ubɔk nam.

1 CHRONICLES 28:20

Ndien David ɔdɔhɔ Solomon eyen esie, ete, Sɔŋ idem, sɔŋ esit, nyuŋ nam: kufehe, kunyuŋ udikhe: koro Jehovah Abasi, Abasi mi, odude ye afo; enye idimenke fi iduɔk, idinyuŋ ikpɔŋke fi, tutu afo ama ofuri utom usɔ ufɔk Jehovah.

1 CHRONICLES 29:19

nyuŋ nɔ Solomon eyen mi esit kiet, man enye onim ibet fo, ye ido fo, ye mme ewuhɔ fo, onyuŋ anam kpukpru, onyuŋ ɔbɔp temple emi ntimde ŋkpɔ mbeŋe.

ŊWED MME PSALM 120:1

AMI ŋkeseme nnɔ Jehovah ke nnanenyin mi, ndien enye eyere mi.

ŊWED MME PSALM 121:1

MMƆŊ mmenere enyin mi nse ikpɔ obot. Erinyaŋa mi oto mmɔŋ?

ŊWED MME PSALM 122:1

MMƆ eke edɔhɔde mi, ete, “Nnyin iyeka ke ufɔk Jehovah,” edat mi esit.

ŊWED MME PSALM 123:1

NYEMENERE enyin mi nse fi emi oduŋde ke enyɔŋ.

ŊWED MME PSALM 124:1

YAK ISRAEL edɔhɔ, ete, Mikpedige Jehovah ada ye nnyin;

ŊWED MME PSALM 125:1

MMƆ eke ebuɔtde idem ye Jehovah ebiet obot Zion, emi misehekede, edi ebigi ke nsinsi.

ŊWED MME PSALM 126:1

ADAŊEMI Jehovah afiakde etiene nditɔ Zion emi eketaŋde efep, nnyin iketie nte mmɔ eke edabade ndap.

ŊWED MME PSALM 72:1

O ABASI, nɔ edidem mme ikpe fo, nyuŋ nɔ eyen edidem nti ido fo.

ŊWED MME PSALM 78:69

Ndien enye ɔbɔp edisana ebiet esie nte edikoŋ ufɔk, kpa nte ererimbot emi enye onimde ke itie ke nsinsi.

MME ŊKE 16:9

Esit owo otibe usuŋ esie: edi Jehovah edinam ikpat isaŋ esie ɔsɔŋɔ.

ECCLESIASTES 9:11

Ntie ke idak utin ŋkabare, nnyuŋ ŋkut nte ke idige mbon nsɔp-itɔk ekan ke mbuba, inyuŋ idige mbon-uko ekan ke ekɔŋ, nte ke idige mbon eti ibuot enyene udia, inyuŋ idige mbon ikike ekut inyene, inyuŋ idige mme ɔfiɔkŋkpɔ owo enyene itoro: koro ini ye unɔmɔ etibede enɔ mmɔ kpukpru.

IKWƆ SOLOMON 3:3

Mbon-ukpeme emi ekanarede obio ekut mi. (Ndɔhɔ) nte “Mme mbufo ema ekut enye emi ukpɔŋ mi amade?”

IKWƆ SOLOMON 5:7

Mbon-ukpeme emi ekanarede obio, ekut mi, etɔ mi enɔ mi unan; mmɔ eke ekpemede ibibene ebɔ mi ufuhɔ-iso mi.

ISAIAH 27:3

Ami Jehovah ŋkpeme enye, mbebit enye kpukpru ini: ŋkpekpeme enye ke okoneyo ye uwemeyo, mbak owo edinam enye ŋkpɔ.

ISAIAH 56:10

Mbon ukpeme esie kpukpru edi nnan; ifiɔkke, kpukpru mmɔ edi ebua imum, ikemeke ndikpɔi; ke edaba ndap, ke esuhɔre ena, ke ema ndide idap.

ISAIAH 62:6

Mmonim mbon-ukpeme ke enyɔŋ ibibene fo, O Jerusalem, mmɔ ididopke uyo baba ke ofuri uwemeyo, ye ke ofuri okoneyo, mbufo emi etide Jehovah ŋkpɔ, ekutie suŋ,

JEREMIAH 51:12

Mbufo emenere banner ke ibibene Babylon, enam mme itie-ukpeme esɔŋ, enim owo eke ekpemede, etim mbon-udibe: koro Jehovah amaduak omonyuŋ anam se enye ɔkɔdɔhɔde abaŋa, mme andiduŋ Babylon.

JEREMIAH 51:31

Owo itɔk efehe osobo owo itɔk, isuŋ onyuŋ osobo ye isuŋ, edidɔhɔ edidem Babylon, ete ke emeda obio esie ke edem oko,

1 ŊWED CORINTH 15:14

ndien edieke mikanamke Christ eset ke mkpa, se nnyin ikwɔrɔde ɔwɔrɔ ikpikpu, mbuɔtidem mbufo edinyuŋ okpu.

1 ŊWED CORINTH 3:7

Ntre ndien idige anditɔ edi ŋkpɔ, inyuŋ idige andibɔk ke mmɔŋ, edi Abasi emi ɔnɔde ŋkɔri.

ŊWED MBON GALATIA 4:11

Mmenyene ndik mbaŋa mbufo, nte ndusuk ŋkakpa utom ikpikpu ke idem mbufo.

DEUTERONOMY 8:18

Edi ti Jehovah Abasi fo: koro edi enye ɔnɔ fi odudu erikɔ inyene, man enye anam ediomi esie emi enye ɔkɔŋwɔŋɔde ɔnɔ mme usɔ ɔsɔŋɔ ada, kpa nte edide mfin emi.

JOSHUA 2:2

Ndien etiŋ enɔ ɔbɔŋ Jericho, ete, Sese, ndusuk owo nditɔ Israel emedi mi mbubreyo emi, ndiyep isɔŋ.